1 Ts 5:6 - Li Santil hu

⁶ Junelic yoꞌon taxak cua̱nko ut yo̱ko taxak chiroybeninquil lix cꞌulunic li Jesucristo. Incꞌaꞌ takaba̱nu joꞌ nequeꞌxba̱nu li jun chꞌol chic. Aj-ajak ban ku saꞌ li kapa̱ba̱l.

Q'eqchi Bible

⁶ Jo'kan b'i' moowark jo'keb' li junch'ol, chooyo'leq b'an ut aj'ajaq qu.

1 Ts 5:6 ပူးပေါင်းရင်းမြစ်များ

1 Pedro 1:13

Xban nak yo̱quex chiroybeninquil le̱ kꞌajca̱munquil, chi-ajk ru le̱ cꞌaꞌux. Chicua̱nk chi tuktu le̱ chꞌo̱l. Ut chi anchal e̱chꞌo̱l cheroybeni li usilal li tixqꞌue e̱re li Jesucristo nak tixcꞌutbesi cuiꞌchic rib.

San Mateo 24:42

Joꞌcan nak yoꞌon cua̱nkex xban nak incꞌaꞌ nequenau jokꞌe ho̱nal toline̱lk la̱in li Ka̱cuaꞌ.

San Lucas 22:46

Ut li Jesús quixye reheb: —¿Cꞌaꞌut nak yo̱quex chi cua̱rc? Cuaclinkex ut tijonkex re nak incꞌaꞌ te̱qꞌue e̱rib chi a̱le̱c, chan reheb.

1 Pedro 5:8

Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

Apocalipsis 16:15

Ut la̱in quicuabi nak li Ka̱cuaꞌ quixye: —La̱in tincha̱lk chi ma̱cꞌaꞌ saꞌ xchꞌo̱leb li tenamit joꞌ nak nachal laj e̱lkꞌ. Us xak re li ani nayoꞌlec re cuoybeninquil ut incꞌaꞌ nachꞌinan xchꞌo̱l saꞌ xpa̱ba̱l. Aꞌan incꞌaꞌ ta̱xuta̱na̱k chicuu nak tincꞌulu̱nk xban nak ti̱c xchꞌo̱l, chan.

Tito 2:12

Lix nimal ruxta̱n li Dios naxcꞌut chiku nak li Dios naraj nak takacanab xba̱nunquil li ma̱usilal. Chikacanab xba̱nunquil li incꞌaꞌ us li naxrahi ru li kachꞌo̱l. Saꞌ xya̱lal ban chikanumsihak li cutan saꞌ li ruchichꞌochꞌ aꞌin. Tocua̱nk saꞌ ti̱quilal riqꞌuineb li kas ki̱tzꞌin ut chikaba̱nuhak taxak li naraj li Dios.

Efesios 5:14

Nak ta̱cutanobresi̱k lix chꞌo̱leb cutan saken chic chanru nak cuanqueb. Joꞌcaꞌin tzꞌi̱banbil saꞌ li Santil Hu: Ajsi a̱cuu, la̱at li yo̱cat chi cua̱rc. Matcana chi camenak saꞌ la̱ ma̱c, ut li Cristo tixcutanobresi la̱ cꞌaꞌux. (Isa. 60:1)

Apocalipsis 3:2

Qꞌuehomak retal chanru nak cuanquex. La̱ex incꞌaꞌ tzꞌakal re ru le̱ yuꞌam chiru li Ka̱cuaꞌ Dios. Joꞌcan nak qꞌuehomak e̱chꞌo̱l chi pa̱ba̱nc chi tzꞌakal ut michꞌinan chic e̱chꞌo̱l.

1 Pedro 4:7

Li rosoꞌjic li ruchichꞌochꞌ ta̱se̱ba̱nk chak. Joꞌcan nak aj-ajak e̱ru, ut cheqꞌuehak e̱chꞌo̱l chi tijoc.

1 Corintios 16:13

Michꞌinan e̱chꞌo̱l saꞌ le̱ pa̱ba̱l. Cauhak taxak e̱chꞌo̱l chi pa̱ba̱nc ut me̱qꞌue e̱rib chi a̱le̱c. Yoꞌon cua̱nkex ut chepa̱bak li Ka̱cuaꞌ chi anchal e̱chꞌo̱l, usta nachal raylal saꞌ e̱be̱n.

1 Timoteo 2:9

Ut nacuaj ajcuiꞌ nak eb li ixk cheꞌxtikibak rib chi cha̱bil joꞌ xcꞌulub junak aj pa̱banel ut incꞌaꞌ teꞌxnimobresi rib riqꞌuin lix tikibanquil chi moco teꞌxtikib rib yal re nak teꞌrahekꞌ ru. Joꞌ ajcuiꞌ riqꞌuin xyi̱banquil li rismal xjolom. Joꞌ li cꞌaꞌ re ru teꞌxqꞌue cuiꞌ xsahob ru joꞌ li oro ut li terto̱quil pec. Incꞌaꞌ teꞌxqꞌue xcuanquil li nequeꞌxqꞌue chokꞌ xsahob ruheb.

Proverbios 19:15

Li ani incꞌaꞌ nacuulac chiru trabajic, junes cua̱rc naraj. Ut li ani incꞌaꞌ nacꞌanjelac, naxcuy xtzꞌocajic xban nak ma̱cꞌaꞌ xcua.

Tito 2:6

Ut chaqꞌueheb ajcuiꞌ xnaꞌlebeb li sa̱j cui̱nk re nak teꞌxcꞌoxla chi us li cꞌaꞌru teꞌxba̱nu re nak teꞌcua̱nk saꞌ ti̱quilal.

1 Timoteo 3:2

Abanan li ani naxcꞌoxla oc chokꞌ aj cꞌamol be, tento nak cua̱nk saꞌ xya̱lal re nak ma̱ ani ta̱a̱tinak chirix. Junak ajcuiꞌ li rixakil. Ma̱cuaꞌak aj calajenak. Tento nak se̱bak xchꞌo̱l ut cha̱bilak xnaꞌleb re nak qꞌuebilak xlokꞌal. Aꞌanak aj qꞌuehol ochochna̱l ut chixqꞌuehak xchꞌo̱l chixcꞌutbal lix ya̱lal chi tzꞌakal re ru.

Colosenses 4:2

Me̱canab tijoc. Chextijok chi anchal e̱chꞌo̱l ut junelic chexbantioxi̱nk chiru li Dios.

Efesios 6:18

Ut yoꞌon cua̱nkex. Junelic chextijok joꞌ naxcꞌut che̱ru li Santil Musikꞌej. Junelic chextzꞌa̱ma̱nk chiru chi anchal e̱chꞌo̱l nak li Dios ta̱tenkꞌa̱nk e̱re. Ut chetzꞌa̱ma chiru nak tixtenkꞌaheb chixjunileb li ralal xcꞌajol li Dios.

San Lucas 21:36

Joꞌcan ut yoꞌon cua̱nkex ut junelic chextijok re nak cauhak e̱chꞌo̱l chixcuybal xnumsinquil li raylal li ta̱cha̱lk saꞌ e̱be̱n, ut re nak ta̱ru̱k texcuulak cuiqꞌuin la̱in li Cꞌajolbej, chan li Jesús.

San Lucas 12:39

Cheqꞌuehak retal aꞌin: Cui ta naxnau li yucuaꞌbej saꞌ li cab jokꞌe ho̱nal re li kꞌojyi̱n tol-e̱lk laj e̱lkꞌ, ta̱yoꞌlek raj ut incꞌaꞌ raj tixcanab chi elkꞌac li cꞌaꞌru cuan saꞌ li rochoch.

San Mateo 25:13

Joꞌcan nak la̱in ninye e̱re: Yoꞌon cua̱nkex xban nak incꞌaꞌ nequenau li cutan chi moco li ho̱nal jokꞌe toline̱lk la̱in li Cꞌajolbej.

San Mateo 25:5

Ut nak quibay chak li be̱lomej, nequeꞌxi̱kan chixjunileb toj retal quicube xcuaraheb.

San Mateo 13:25

Ut nak ac xeꞌcuar chixjunileb, quicuulac li xicꞌ na-iloc re laj e̱chal re li chꞌochꞌ ut saꞌ xya̱nk li trigo coxrau chak li riyajil li yibru pim chanchan ajcuiꞌ li trigo ut co̱.

Jonás 1:6

Ut li nataklan saꞌ li jucub co̱ cuan cuiꞌ laj Jonás ut quixye re: —Ut la̱at, ¿cꞌaꞌut nak yo̱cat chi cua̱rc? Cuaclin ut ya̱ba xcꞌabaꞌ la̱ Dios. Ma̱re chan nak aꞌan ta̱ril xtokꞌoba̱l ku ut toxtenkꞌa re nak incꞌaꞌ to-osokꞌ, chan.

2 Timoteo 4:5

Aꞌut la̱at, Timoteo, chaqꞌuehak retal chi us li cꞌaꞌru ta̱ba̱nu. Chacuyak xnumsinquil li raylal ut chajultica̱k resil li santil evangelio ut chaba̱nuhak la̱ cꞌanjel chi tzꞌakal.

1 Timoteo 3:11

Joꞌcan ajcuiꞌ li rixakileb li nequeꞌcꞌanjelac saꞌ xya̱nkeb laj pa̱banel. Cha̱bilakeb lix naꞌleb. Ma̱cuaꞌakeb aj molol a̱tin. Ma̱cuaꞌakeb aj calajenak. Ti̱cakeb ban xchꞌo̱l ut ti̱cakeb lix cꞌaꞌux riqꞌuin chixjunil.

1 Ts 5:8

Aꞌut la̱o, li ac nakanau chic xya̱lal, yoꞌon taxak cua̱nko. Li rahoc ut li kapa̱ba̱l, aꞌan taxak ta̱cꞌanjelak ke re kacolbal joꞌ nak li soldado naxcol rib riqꞌuin li chꞌi̱chꞌ li naxqꞌue chire xchꞌo̱l. Ut li kacolbal li yo̱co chiroybeninquil, aꞌan ta̱cꞌanjelak ke joꞌ nak nacꞌanjelac li punit chꞌi̱chꞌ chiru li soldado re xcolbal rib.

Filipenses 4:5

Junelic chexcua̱nk saꞌ tu̱lanil re nak chixjunileb teꞌxqꞌue retal le̱ cha̱bilal. Ut chijulticokꞌ ajcuiꞌ e̱re nak chi se̱b ta̱cha̱lk li Ka̱cuaꞌ.

1 Corintios 15:34

Checꞌoxla chi us li yo̱quex chixba̱nunquil ut mexma̱cob chic. Cuanqueb saꞌ e̱ya̱nk li toj ma̱jiꞌ nequeꞌxpa̱b li Dios. Re xcꞌutbal e̱xuta̱n nak ninye e̱re chi joꞌcaꞌin.

Hechos 20:31

Yoꞌon cua̱nkex ut chijulticokꞌ e̱re nak chiru oxib chihab, chi kꞌek chi cutan yo̱quin chi ya̱bac ut incꞌaꞌ xinhilan chixchꞌolobanquil e̱naꞌleb che̱junju̱nkal.

San Lucas 12:37

Us xak reheb li mo̱s li yo̱queb chiroybeninquil lix patroneb. Nak ta̱cuulak li patronej, tixtauheb chi ajo̱queb ru. Relic chi ya̱l ninye e̱re li patronej tixcauresi rib ut tixchunubeb lix mo̱s saꞌ me̱x ut aꞌan ajcuiꞌ ta̱qꞌuehok re lix tzacae̱mkeb.

San Marcos 13:37

Ut li cꞌaꞌak re ru ninye e̱re la̱in, aꞌan ajcuiꞌ ninye reheb chixjunileb re nak yoꞌon cua̱nkeb, chan li Jesús.

San Mateo 26:38

Ut quixye reheb: —Cuan jun raylal saꞌ inchꞌo̱l ut yo̱ chinyotꞌbal. Incꞌaꞌ chic nincuy nak nacuecꞌa. Cana̱kex arin ut yoꞌlenkex cuochben, chan.

Isaías 56:10

Eb laj tzolol reheb laj Israel chanchaneb li mutzꞌ. Incꞌaꞌ nequeꞌxcꞌut lix ya̱lal chiruheb lin tenamit. Ma̱cꞌaꞌeb xnaꞌleb. Chanchaneb li tzꞌiꞌ li incꞌaꞌ naru nequeꞌcuo̱bac. Nequeꞌxnumsi li cutan chi matqꞌuec. Cꞌajoꞌ nak nacuulac chiruheb li cua̱rc.

1 Timoteo 2:15

Li Dios quixye nak li ixk riqꞌuin raylal ta̱qꞌuiresi̱nk. Abanan, cua̱nkeb xyuꞌam chi junelic cui cauhakeb xchꞌo̱l saꞌ lix pa̱ba̱leb ut cui nequeꞌrahoc ut cui cuanqueb saꞌ ti̱quilal ut saꞌ tuktu̱quilal.

Efesios 2:3

Joꞌcan ajcuiꞌ la̱o aj judío. Junxil xkaba̱nu chak li ma̱usilal li naxrahi ru li kachꞌo̱l xba̱nunquil. Xkaba̱nu li incꞌaꞌ us li xkaj xba̱nunquil kajunes. Joꞌcan nak tento raj takacꞌul xtojbal li kama̱c joꞌ eb chixjunileb li incꞌaꞌ nequeꞌraj pa̱ba̱nc.

1 Ts 4:13

Nakaj ut ex herma̱n nak te̱tau xya̱lal chirixeb li ac xeꞌcam re nak incꞌaꞌ ta̱rahokꞌ e̱chꞌo̱l joꞌ nequeꞌxba̱nu li jun chꞌol chic li ma̱cꞌaꞌ nequeꞌroybeni.

1 Ts 5:10

Aꞌan quicam saꞌ kacꞌabaꞌ re nak usta yoꞌyo̱co usta ac camenako chic nak ta̱cꞌulu̱nk, ta̱cua̱nk kayuꞌam chi junelic kochben aꞌan.