1 Ts 5:4 - Li Santil hu

⁴ Aꞌut la̱ex herma̱n, moco saꞌ kꞌojyi̱n ta chic cuanquex. Ac nequenau chic lix ya̱lal. Li Jesucristo incꞌaꞌ ta̱cha̱lk chi ma̱cꞌaꞌak saꞌ e̱chꞌo̱l joꞌ nak nachal laj e̱lkꞌ.

Q'eqchi Bible

⁴ A'ut laa'ex, ex was wiitz'in, moko sa' aak'ab' ta wankex; jo'kan naq li Kutan a'an ink'a' taachalq sa' eeb'een kama' junaq aj elq'.

1 Ts 5:4 ပူးပေါင်းရင်းမြစ်များ

1 Juan 2:8

Abanan chanchan acꞌ ajcuiꞌ li chakꞌrab xban nak kꞌaxal nim xcuanquil. Ut li chakꞌrab aꞌan, aꞌin nak te̱ra e̱rib che̱ribil e̱rib. Joꞌ quixba̱nu li Jesucristo, joꞌcan ajcuiꞌ takaba̱nu la̱o. Li ra̱tin li Jesucristo naxcutanobresi kanaꞌleb. Nak nakacanab li ma̱cobc, chanchan nak yo̱ chi numecꞌ li kꞌojyi̱n. Ut nak nakapa̱b li ra̱tin li Jesucristo, chanchan nak yo̱ chi cha̱lc li cutan.

2 Pedro 3:10

Lix kꞌehil lix cꞌulunic li Ka̱cuaꞌ, aꞌan chanchan nak nachal laj e̱lkꞌ. Moco cuan ta resil lix cꞌulunic. Saꞌ li cutan aꞌan ta̱osokꞌ li choxa. Tenlok xya̱b nak ta̱osokꞌ. Ut li cꞌaꞌak re ru cuanqueb chiru teꞌosokꞌ xban li xam. Ta̱cꞌatk li ruchichꞌochꞌ joꞌ ajcuiꞌ chixjunil li cꞌaꞌak re ru li cuan chiru.

Colosenses 1:13

Li Dios corisi rubel xcuanquil laj tza ut coxkꞌaxtesi rubel xcuanquil li Cꞌajolbej li kꞌaxal raro xban li Dios.

Zacarías 1:6

Abanan li a̱tin li quinye quicꞌulman joꞌ quinye. Quicꞌulman joꞌ quinye reheb lin profeta re teꞌxye reheb li tenamit. Queꞌxcꞌul li raylal le̱ xeꞌto̱nil yucuaꞌ joꞌ quinye. Joꞌcan nak queꞌyotꞌeꞌ xchꞌo̱l ut queꞌxjal xcꞌaꞌuxeb. Queꞌxye, “Xkacꞌul ajcuiꞌ li cꞌaꞌru quixye chak saꞌ kabe̱n li Ka̱cuaꞌ li nimajcual Dios joꞌ kacꞌulub xcꞌulbal xban li kayehom kaba̱nuhom,” chanqueb.—

Oseas 10:9

Li Ka̱cuaꞌ quixye reheb laj Israel: —Chalen nak quetiquib chak ma̱cobc aran Gabaa toj chalen anakcuan toj yo̱quex ajcuiꞌ chi ma̱cobc chicuu. Ut nak quicuan li ple̱t aran Gabaa riqꞌuineb li incꞌaꞌ useb xnaꞌleb, la̱ex incꞌaꞌ quex-osoꞌ.

Jeremías 42:16

Usta la̱ex texxic toj aran, abanan li ple̱t ut li cueꞌej li kꞌaxal nequexucua ru toxeꞌxtau aran ut texca̱mk.

Deuteronomio 28:45

Chixjunil li raylal aꞌin ta̱cha̱lk saꞌ e̱be̱n toj retal nak ta̱sachekꞌ e̱ru xban nak incꞌaꞌ te̱ba̱nu li cꞌaꞌru quixye li Ka̱cuaꞌ le̱ Dios. Incꞌaꞌ te̱ba̱nu li chakꞌrab li quixqꞌue e̱re.

Deuteronomio 28:15

Abanan cui incꞌaꞌ te̱ba̱nu li cꞌaꞌru naraj li Dios, ut cui incꞌaꞌ nequeba̱nu li cꞌaꞌru naxye saꞌ lix chakꞌrab ut le̱ taklanquil xban joꞌ yo̱quin chixyebal e̱re anakcuan, ta̱cha̱lk li raylal aꞌin saꞌ e̱be̱n:

Deuteronomio 19:6

Cui kꞌaxal najt cuan li tenamit, ma̱re incꞌaꞌ ta̱ru̱k ta̱cuulak saꞌ li tenamit re tixcol rib. Li rechꞌalal li camenak naru toxtau saꞌ be ut xban xjoskꞌil tixcamsi chokꞌ re̱kaj li camenak, usta li cui̱nk aꞌan incꞌaꞌ tenebanbil ca̱mc saꞌ xbe̱n xban nak incꞌaꞌ yal xraj xchꞌo̱l nak xcamsi li rochben.

Apocalipsis 3:3

Chijulticokꞌ e̱re lix ya̱lal li querabi chak junxil. Chiyotꞌekꞌ e̱chꞌo̱l ut jalomak e̱cꞌaꞌux. Cacuubresihomak e̱chꞌo̱l saꞌ le̱ pa̱ba̱l. Cui incꞌaꞌ te̱ba̱nu aꞌan, la̱in tincuulak e̱riqꞌuin chi ma̱cꞌaꞌ saꞌ e̱chꞌo̱l joꞌ naxba̱nu laj e̱lkꞌ ut tinrakok a̱tin saꞌ e̱be̱n.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

San Mateo 10:15

Relic chi ya̱l tinye e̱re nak toj cubenak caꞌchꞌin lix tojbal xma̱queb li tenamit Sodoma ut li tenamit Gomorra chiru lix tojbal xma̱queb li tenamit aꞌan saꞌ xkꞌehil li rakba a̱tin.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

1 Ts 5:2

La̱ex nequenau chi us nak lix cutanquil lix cꞌulunic li Ka̱cuaꞌ Jesucristo, ta̱cha̱lk chi ma̱ ani nanaꞌoc re jokꞌe, joꞌ nak nachal laj e̱lkꞌ chi ma̱cꞌaꞌ saꞌ kachꞌo̱l.

Apocalipsis 16:15

Ut la̱in quicuabi nak li Ka̱cuaꞌ quixye: —La̱in tincha̱lk chi ma̱cꞌaꞌ saꞌ xchꞌo̱leb li tenamit joꞌ nak nachal laj e̱lkꞌ. Us xak re li ani nayoꞌlec re cuoybeninquil ut incꞌaꞌ nachꞌinan xchꞌo̱l saꞌ xpa̱ba̱l. Aꞌan incꞌaꞌ ta̱xuta̱na̱k chicuu nak tincꞌulu̱nk xban nak ti̱c xchꞌo̱l, chan.