1 Ts 5:24 - Li Santil hu

²⁴ Li Dios, li quisicꞌoc e̱ru, aꞌan ti̱c xchꞌo̱l chixba̱nunquil li cꞌaꞌru naxye ut aꞌan ta̱santobresi̱nk e̱re.

Q'eqchi Bible

²⁴ Chaab'il A'an li nab'oqok eere, ut tixb'aanu chixjunil a'in.

1 Ts 5:24 ပူးပေါင်းရင်းမြစ်များ

2 Ts 3:3

Aꞌut li Ka̱cuaꞌ Jesucristo, aꞌan ti̱c xchꞌo̱l ut junelic naxba̱nu li cꞌaꞌru naxye. Aꞌan ta̱qꞌuehok xcacuil e̱chꞌo̱l ut aꞌan ajcuiꞌ ta̱colok e̱re chiru laj tza.

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

1 Corintios 1:9

Li Dios junelic naxqꞌue li naxyechiꞌi ut aꞌan ajcuiꞌ li quisicꞌoc e̱ru re nak texcua̱nk chi sum a̱tin riqꞌuin li Ralal, aꞌ li Ka̱cuaꞌ Jesucristo.

1 Pedro 5:10

La̱ex te̱cꞌul li raylal. Cuyomak cuan caꞌchꞌinak xban nak chi se̱b ajcuiꞌ nocoxtenkꞌa li Dios. Aꞌan ta̱tzꞌakobresi̱nk e̱ru. Aꞌan ta̱tenkꞌa̱nk e̱re re nak incꞌaꞌ ta̱chꞌina̱nk e̱chꞌo̱l. Tixqꞌue ban xcacuil e̱chꞌo̱l. Li Dios, li naqꞌuehoc ke li usilal, aꞌan quibokoc ke chi tzꞌako̱nc riqꞌuin lix nimal xlokꞌal saꞌ choxa kochben li Cristo.

Deuteronomio 7:9

Joꞌcan nak chenauhak nak li Ka̱cuaꞌ le̱ Dios, aꞌan li tzꞌakal Dios. Aꞌan cha̱bil ut ti̱c xchꞌo̱l chixba̱nunquil li cꞌaꞌru naxyechiꞌi ut naruxta̱na ruheb li nequeꞌrahoc re li Dios ut nequeꞌxba̱nu li cꞌaꞌru naxye toj saꞌ xnabalil xtasalil li ralal xcꞌajol.

2 Timoteo 2:13

Cuan nak la̱o incꞌaꞌ nakaba̱nu li cꞌaꞌru nakaye, abanan li Dios ti̱c xchꞌo̱l ut junelic naxba̱nu li cꞌaꞌru naxye. Aꞌan incꞌaꞌ nacuiban xchꞌo̱l.

Isaías 25:1

At Ka̱cuaꞌ, la̱at lin Dios. Tinqꞌue a̱lokꞌal ut tinnima la̱ cꞌabaꞌ. Xban nak ti̱c a̱chꞌo̱l, xaba̱nu li sachba chꞌo̱lej li xacꞌu̱b chak ru xba̱nunquil najter.

Lamentaciones 3:23

Cuulaj cuulaj nocorosobtesi. Acꞌ chic li kosobtesinquil xban nak kꞌaxal nim li rusilal saꞌ kabe̱n.

San Juan 3:33

Abanan li ani naxpa̱b li cꞌaꞌru naxye, riqꞌuin aꞌan naxcꞌut nak naxpa̱b nak tzꞌakal ya̱l li cꞌaꞌru yebil xban li Dios.

2 Pedro 1:3

Chixjunil li cꞌaꞌru nacꞌanjelac ke saꞌ li kayuꞌam ut saꞌ li kapa̱ba̱l qꞌuebil ke xban xnimal xcuanquil li Cristo. Saꞌ xcꞌabaꞌ lix cuanquil xkanau ru li Dios li quibokoc ke chi tzꞌako̱nc riqꞌuin lix nimal xlokꞌal ut xcuanquilal.

Salmos 138:2

Nak tincuikꞌib cuib cha̱lokꞌoninquil, tin-ilok cuan cuiꞌ la̱ santil templo. Tinqꞌue a̱lokꞌal xban nak kꞌaxal cha̱bilat ut kꞌaxal nim la̱ cuuxta̱n. Tinqꞌue a̱lokꞌal xban nak kꞌaxal nim xcuanquil la̱ cꞌabaꞌ ut kꞌaxal nim xcuanquil la̱ cua̱tin chiruheb chixjunil li cꞌaꞌak re ru.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

1 Ts 2:12

Xkaqꞌue xcacuilal e̱chꞌo̱l ut xkatzꞌa̱ma ajcuiꞌ che̱ru nak texcua̱nk saꞌ xya̱lal joꞌ xcꞌulubeb li ralal xcꞌajol li Dios li quisicꞌoc e̱ru re nak textzꞌako̱nk ajcuiꞌ la̱ex riqꞌuin lix nimajcual cuanquilal ut lix lokꞌal.

2 Timoteo 1:9

Aꞌan quicoloc ke ut quixsicꞌ chak ku re nak tocꞌanjelak saꞌ ti̱quilal. Ma̱cuaꞌ xban kayehom kaba̱nuhom nak quixsicꞌ ku. Yal xban li rusilal ban, xban nak joꞌcan quiraj. Saꞌ xcꞌabaꞌ li Jesucristo nak quiruxta̱na ku, xban nak ac joꞌcan chak saꞌ xchꞌo̱l junxilaj nak toj ma̱jiꞌ quixyi̱b li ruchichꞌochꞌ.

1 Corintios 10:13

Moco jalan ta chic li a̱le̱c nequecꞌul la̱ex chiru li nequeꞌxcꞌul chixjunileb. Abanan li Dios ti̱c xchꞌo̱l. Aꞌan incꞌaꞌ nocoxcanab chi a̱le̱c cui incꞌaꞌ takacuy xnumsinquil. Aꞌan ban natenkꞌan ke chixcuybal xnumsinquil.

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

Gálatas 1:15

Nak toj ma̱jiꞌ ninyoꞌla, xban xnimal rusilal, li Dios ac xsicꞌ chak cuu re tincꞌanjelak chiru.

Romanos 8:30

Najter chak kꞌe cutan li Dios ac cuan saꞌ xchꞌo̱l ani li sicꞌbileb ru xban, ut li sicꞌbileb ru aꞌan li quixbokeb; ut li quixbokeb, quixti̱cobresi lix chꞌo̱leb ut naxqꞌueheb ajcuiꞌ xlokꞌal.

Salmos 86:15

Abanan la̱at, at Ka̱cuaꞌ, at inDios, nim la̱ cuuxta̱n ut nim la̱ cuyum. La̱at incꞌaꞌ nacatjoskꞌoꞌ saꞌ junpa̱t. Kꞌaxal nim ban la̱ cuusilal. La̱at aj rahonel ut la̱at li ya̱l.

Salmos 36:5

Abanan la̱at, at Ka̱cuaꞌ, kꞌaxal nim la̱ rahom. Incꞌaꞌ naru xbisbal. Kꞌaxal nim la̱ cuuxta̱n saꞌ xbe̱neb la̱ cualal a̱cꞌajol.

San Juan 1:17

Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

Miqueas 7:20

La̱at toa̱cuosobtesi joꞌ cayechiꞌi re laj Jacob, li kaxeꞌto̱nil yucuaꞌ. La̱at ta̱cuuxta̱na cuiꞌchic ku joꞌ cayechiꞌi re laj Abraham li kaxeꞌto̱nil yucuaꞌ najter kꞌe cutan.

Salmos 89:2

Tinye resil nak la̱ cuuxta̱n incꞌaꞌ nalaj incꞌaꞌ na-osoꞌ. Cuan ban chi junelic. Joꞌ nak li choxa cuan saꞌ xnaꞌaj chi junelic, joꞌcan ajcuiꞌ la̱ cha̱bilal cuan chi junelic.

Romanos 9:24

La̱o sicꞌbil ku xban li Dios. Cuan sicꞌbileb chak ru saꞌ xya̱nkeb laj judío ut cuan sicꞌbileb chak ru saꞌ xya̱nkeb li ma̱cuaꞌeb aj judío.

Isaías 37:32

Cuanqueb li ralal xcꞌajol laj Judá li teꞌcana̱k aran Jerusalén. Saꞌ li tzu̱l Sión teꞌcana̱k. Joꞌcan ta̱cꞌulma̱nk xban nak joꞌcan naraj li Ka̱cuaꞌ xban xnimal xrahom.

Salmos 40:10

Incꞌaꞌ xincanab xyebal resil la̱ ti̱quilal. Xinye ban resil lix ti̱quilal la̱ chꞌo̱l ut xinye ajcuiꞌ resil nak la̱at nacatcoloc ke. Chiruheb chixjunileb la̱ cualal a̱cꞌajol la̱in xinye resil la̱ cuuxta̱n ut la̱ rahom.

2 Ts 2:14

Aꞌan aj e nak li Dios quixsicꞌ e̱ru re nak te̱pa̱b li evangelio li xkachꞌolob che̱ru re nak textzꞌako̱nk riqꞌuin lix nimal xlokꞌal li Ka̱cuaꞌ Jesucristo.

Salmos 92:2

Rajlal ekꞌela ut rajlal kꞌojyi̱n takaye resil nak cha̱bilat ut kꞌaxal nim la̱ rahom.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Salmos 146:6

Li Ka̱cuaꞌ, aꞌan li quiyi̱ban re li choxa ut li ruchichꞌochꞌ. Aꞌan li quiyi̱ban re li palau ut chixjunil li cuan chi saꞌ. Aꞌan junelic naxba̱nu li cꞌaꞌru naxye.

Salmos 100:5

Li Ka̱cuaꞌ kꞌaxal cha̱bil. Junelic nocoxra ut lix ti̱quilal xchꞌo̱l ma̱cꞌaꞌ rosoꞌjic. Cua̱nk ban chi junelic.

2 Reyes 19:31

Cuanqueb li ralal xcꞌajol laj Judá li teꞌcana̱k aran Jerusalén. Saꞌ li tzu̱l Sión teꞌcana̱k. Joꞌcan ta̱cꞌulma̱nk xban nak joꞌcan naraj li Ka̱cuaꞌ xban xnimal xrahom.