1 Ts 5:23 - Li Santil hu

²³ Aꞌ taxak li Dios li naqꞌuehoc tuktu̱quil usilal chisantobresi̱nk e̱re chi tzꞌakal ut aꞌan taxak chi-osobtesi̱nk re le̱ ra̱m, le̱ cꞌaꞌux ut le̱ rok e̱rukꞌ re nak texcua̱nk chi tzꞌakal e̱re e̱ru chi ma̱cꞌaꞌak e̱kꞌusbal saꞌ xcꞌulunic li Ka̱cuaꞌ Jesucristo.

Q'eqchi Bible

²³ A' taxaq li Yos li nak'ehok li tuqtuukil usilal chisantob'resinq eere chi tz'aqal. Ut leejunxaqalil, leemusiq', leech'ool ut leetz'ejwal chiwanq taxaq chi maak'a' eeq'usb'al toj reetal sa' xk'ulunik li Qaawa' Jesukriist.

1 Ts 5:23 ပူးပေါင်းရင်းမြစ်များ

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

Hebreos 4:12

Li ra̱tin li Dios yoꞌyo ut kꞌaxal nim xcuanquil. Chanchan jun chꞌi̱chꞌ caꞌ pacꞌal xkꞌesnal. Riqꞌuin lix nimal xcuanquil, li ra̱tin li Dios nacuulac toj saꞌ xchamal li ka̱m. Ut naxcꞌutbesi chiku chanru li kanaꞌleb ut chanru li kacꞌaꞌux.

1 Ts 3:13

Aꞌ taxak li Dios li kaYucuaꞌ chiqꞌuehok xcacuil e̱chꞌo̱l. Tzꞌakalak taxak re ru le̱ pa̱ba̱l. Ma̱cꞌaꞌak taxak e̱ma̱c chiru li Dios nak ta̱cha̱lk li Jesucristo rochbeneb li ac colbileb.

1 Pedro 5:10

La̱ex te̱cꞌul li raylal. Cuyomak cuan caꞌchꞌinak xban nak chi se̱b ajcuiꞌ nocoxtenkꞌa li Dios. Aꞌan ta̱tzꞌakobresi̱nk e̱ru. Aꞌan ta̱tenkꞌa̱nk e̱re re nak incꞌaꞌ ta̱chꞌina̱nk e̱chꞌo̱l. Tixqꞌue ban xcacuil e̱chꞌo̱l. Li Dios, li naqꞌuehoc ke li usilal, aꞌan quibokoc ke chi tzꞌako̱nc riqꞌuin lix nimal xlokꞌal saꞌ choxa kochben li Cristo.

Filipenses 1:10

Nintzꞌa̱ma chiru li Dios nak textenkꞌa re nak junelic te̱nau cꞌaꞌru li us ut cꞌaꞌru li incꞌaꞌ us. Ut ti̱cak taxak le̱ chꞌo̱l re nak ma̱ ani ta̱cuechꞌi̱nk e̱rix chalen nak tol-e̱lk cuiꞌchic li Jesucristo.

1 Pedro 1:2

Ac najter kꞌe cutan qui-ala chak saꞌ xchꞌo̱l li Dios Acuabej nak la̱exak li sicꞌbil e̱ru xban. Santobresinbilakex chic xban li Santil Musikꞌej re nak tex-abi̱nk ut texpa̱ba̱nk chiru li Jesucristo. Cuybilak chic le̱ ma̱c xban xquiqꞌuel li Jesucristo. Ut chicua̱nk taxak chi nabal li rusilal li Dios e̱riqꞌuin ut li tuktu̱quilal saꞌ e̱ya̱nk.

Filipenses 1:6

Chalen nak xexpa̱ban, li Dios yo̱ chi cꞌanjelac e̱riqꞌuin. Ut ninnau nak junelic textenkꞌa toj ta̱tzꞌaklok ru le̱ pa̱ba̱l saꞌ li cutan nak tol-e̱lk cuiꞌchic li Jesucristo.

Levítico 20:8

Cheqꞌuehak retal li chakꞌrab li xinqꞌue e̱re ut cheba̱nu li cꞌaꞌru naxye xban nak la̱in li Ka̱cuaꞌ ninsantobresin e̱re.

2 Pedro 3:14

Joꞌcan ut ex herma̱n, raro̱quex inban, chalen nak yo̱quex chiroybeninquil li cꞌaꞌak re ru aꞌin, cheqꞌue e̱chꞌo̱l chixba̱nunquil li ti̱quilal re nak ma̱cꞌaꞌak e̱ma̱c ut cua̱nkex saꞌ xya̱lal nak ta̱cꞌulu̱nk li Jesucristo.

Hebreos 2:11

La̱o nocosantobresi̱c xban li Ka̱cuaꞌ Jesucristo. La̱o ut li Jesucristo junaj ajcuiꞌ li kachoxahil Yucuaꞌ. Xban aꞌan li Jesucristo incꞌaꞌ naxuta̱na̱c chixyebal nak la̱o lix herma̱n.

Colosenses 1:22

Abanan anakcuan xban lix camic li Cristo quexcꞌam saꞌ usilal riqꞌuin li Dios. Xban nak li Cristo quicam saꞌ kacꞌabaꞌ, naru toxkꞌaxtesi chiru li Dios chi ac santobresinbilo ut chi ma̱cꞌaꞌak chic kama̱c ut chi tzꞌakalak re ru li kapa̱ba̱l.

1 Corintios 14:33

Li Dios incꞌaꞌ naraj nak ta̱cua̱nk li poꞌoj ib saꞌ xya̱nkeb laj pa̱banel. Naraj ban nak cua̱nk li tuktu̱quil usilal saꞌ xya̱nkeb.

Romanos 15:13

Li Dios aꞌan li kayoꞌon. Aꞌan taxak chiqꞌuehok xsahil e̱chꞌo̱l chi nabal ut tixqꞌue ajcuiꞌ e̱re li tuktu̱quil usilal xban nak nequexpa̱ban. Xban nak cuan xcuanquil li Santil Musikꞌej e̱riqꞌuin, cauhak taxak e̱chꞌo̱l chi oybeni̱nc.

San Lucas 1:46

Ut lix María quixye: —Chi anchal inchꞌo̱l ninqꞌue xlokꞌal li Ka̱cuaꞌ.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

Romanos 15:5

Li Dios chitenkꞌa̱nk e̱re re nak incꞌaꞌ ta̱chꞌina̱nk e̱chꞌo̱l ut aꞌan chiqꞌuehok xcacuil le̱ chꞌo̱l. Aꞌan chitenkꞌa̱nk e̱re chi cua̱nc saꞌ usilal chi ribil e̱rib ut junajak le̱ chꞌo̱l joꞌ naraj li Jesucristo.

2 Ts 3:16

Aꞌ taxak li Ka̱cuaꞌ Jesucristo li naqꞌuehoc tuktu̱quil usilal, chiqꞌuehok e̱re li tuktu̱quilal chi junelic riqꞌuin yalak cꞌaꞌru nequecꞌul. Aꞌ taxak li Ka̱cuaꞌ Jesucristo chicua̱nk e̱riqꞌuin che̱junilex.

Filipenses 4:9

Ut chixjunil li cꞌaꞌru xinye e̱re ut li cꞌaꞌru xinba̱nu che̱ru, aꞌan ajcuiꞌ te̱ba̱nu la̱ex. Chetzol e̱rib cuiqꞌuin ut cheba̱nu joꞌ ninba̱nu la̱in. Ut li Ka̱cuaꞌ Dios li naqꞌuehoc tuktu̱quil usilal ta̱cua̱nk e̱riqꞌuin.

2 Corintios 5:19

Aꞌan aꞌin li yo̱quin chixyebal: Li Dios coxcꞌam cuiꞌchic saꞌ usilal riqꞌuin saꞌ xcꞌabaꞌ li Cristo. Ut incꞌaꞌ chic naxqꞌue saꞌ xchꞌo̱l li kama̱c. Li Dios quixkꞌaxtesi ke li cꞌanjel aꞌin re nak takachꞌolob xya̱lal re nak li ani teꞌpa̱ba̱nk teꞌcꞌamekꞌ saꞌ usilal riqꞌuin li Dios.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

San Juan 17:19

Saꞌ xcꞌabaꞌ eb aꞌan xinkꞌaxtesi cuib la̱in chixba̱nunquil li cꞌaꞌru xaye cue. Ut saꞌ xcꞌabaꞌ li ya̱l li xinye eb aꞌan teꞌxkꞌaxtesi ajcuiꞌ ribeb chixba̱nunquil li cꞌaꞌru nacacuaj.

San Judas 1:1

La̱in laj Judas, laj cꞌanjel chiru li Jesucristo. La̱in ri̱tzꞌin laj Jacobo. Nintzꞌi̱ba li hu aꞌin reheb laj pa̱banel, li bokbileb ut raro̱queb xban li Dios Acuabej ut colbileb xban li Jesucristo.

1 Ts 4:3

Li Dios naraj nak texcua̱nk saꞌ santilal. Mexcoꞌbe̱tac mexyumbe̱tac.

1 Corintios 1:2

Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto. Santobresinbilex saꞌ xcꞌabaꞌ li Jesucristo ut sicꞌbil e̱ru xban li Dios chokꞌ ralal xcꞌajol. Ut sicꞌbil ajcuiꞌ ruheb chixjunileb li cuanqueb yalak bar li nequeꞌxya̱ba xcꞌabaꞌ li Jesucristo. Aꞌan li kaDios chikajunilo la̱o li nocopa̱ban re.

Romanos 16:20

Ut li Ka̱cuaꞌ Dios, li naqꞌuehoc li tuktu̱quil usilal, aꞌan tixsach xcuanquil laj tza ut textenkꞌa re nak la̱ex chic texnumta̱k saꞌ xbe̱n. Li rusilal li Ka̱cuaꞌ Jesucristo chicua̱nk e̱riqꞌuin.

Romanos 15:33

Aꞌ taxak li Dios, li naqꞌuehoc tuktu̱quil usilal, chicua̱nk e̱riqꞌuin che̱junilex. Joꞌcan taxak.

Hechos 20:32

Anakcuan ut ex herma̱n, texinkꞌaxtesi saꞌ rukꞌ li Dios ut li ra̱tin li quixqꞌue chak e̱re xban lix rahom chitenkꞌa̱nk e̱re chi qꞌui̱c saꞌ le̱ pa̱ba̱l. Ut aꞌan ajcuiꞌ ta̱qꞌuehok e̱naꞌaj saꞌ xya̱nkeb li sicꞌbileb ru xban li Dios.

Levítico 20:26

Santakex xban nak santin la̱in li Ka̱cuaꞌ li nimajcual Dios. La̱in xinsicꞌoc e̱ru saꞌ xya̱nkeb chixjunileb li xni̱nkal ru tenamit re nak la̱exak li cualal incꞌajol.

1 Ts 2:19

¿Cꞌaꞌru nakoybeni ut cꞌaꞌru lix saylal li kachꞌo̱l? ¿Ut cꞌaꞌru li tokꞌajca̱mu̱k cuiꞌ nak tol-e̱lk cuiꞌchic li Ka̱cuaꞌ Jesucristo? ¿Ma incꞌaꞌ ta biꞌ saꞌ e̱cꞌabaꞌ la̱ex takacꞌul li kakꞌajca̱munquil?

Ezequiel 37:28

Ut eb li xni̱nkal ru tenamit teꞌxqꞌue retal nak la̱in li Ka̱cuaꞌ quinsantobresiheb laj Israel nak quinqꞌue chi cua̱nc lin templo chi junelic saꞌ xya̱nkeb, chan li Ka̱cuaꞌ.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

1 Ts 3:11

Aꞌ taxak li Dios li kaYucuaꞌ ut aꞌ taxak li Ka̱cuaꞌ Jesucristo chitenkꞌa̱nk ke re nak ta̱ru̱k toxic cuiꞌchic e̱riqꞌuin.

1 Ts 5:22

Ut chetzꞌekta̱na chixjunil li ma̱usilal.

Santiago 1:4

Abanan junelic checuyak li raylal re nak tzꞌakalak e̱re e̱ru nak texcua̱nk. Cha̱bilakex ut ma̱cꞌaꞌ chexpaltokꞌ cuiꞌ.