1 Ts 5:21 - Li Santil hu

²¹ Cheqꞌuehak ban retal chixjunil ut checꞌu̱lahak saꞌ e̱chꞌo̱l li cꞌaꞌru us.

Q'eqchi Bible

²¹ Tz'ilomaq rix chixjunil ut k'uulahomaq sa' eech'ool li us.

1 Ts 5:21 ပူးပေါင်းရင်းမြစ်များ

1 Juan 4:1

Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

Romanos 12:2

Me̱ba̱nu chic joꞌ nequeꞌxba̱nu li toj ma̱jiꞌ nequeꞌpa̱ban. Kꞌaxtesihomak ban e̱rib rubel rok rukꞌ li Dios re nak aꞌan tix-acꞌobresi le̱ chꞌo̱l ut le̱ cꞌaꞌux, ut te̱nau chic li cꞌaꞌru naraj li Dios. Chexcua̱nk saꞌ cha̱bilal, ut chi tzꞌakalak re ru le̱ yuꞌam re nak sahak xchꞌo̱l li Dios e̱riqꞌuin.

Efesios 5:10

Chetauhak xya̱lal li cꞌaꞌru naraj li Ka̱cuaꞌ.

Hechos 17:11

Eb li cuanqueb aran Berea kꞌaxal kꞌuneb xchꞌo̱l chiruheb li cuanqueb Tesalónica. Queꞌxcꞌul chi sa saꞌ xchꞌo̱leb li ra̱tin li Dios li yo̱ chixyebal laj Pablo. Ut rajlal cutan queꞌxtzol saꞌ li Santil Hu re rilbal ma joꞌcan tana naxye.

San Lucas 12:57

¿Cꞌaꞌut nak incꞌaꞌ nequeqꞌue retal cꞌaꞌru li us te̱ba̱nu?

Filipenses 4:8

Ut anakcuan, jun chic nacuaj xyebal e̱re. Aꞌan aꞌin: junelic chexcꞌoxlak chirix li cꞌaꞌru ya̱l ut li cꞌaꞌru cha̱bil. Chexcꞌoxlak chirix li ti̱quilal, li santilal, ut li usilal. Junelic chexcꞌoxlak chirix li kꞌaxal cha̱bil ut li naru naxqꞌue xlokꞌal li Dios.

Romanos 12:9

Mexrahoc chi yal xcab rix e̱chꞌo̱l. Chera ban e̱rib chi ribil e̱rib chi anchal e̱chꞌo̱l. Chetzꞌekta̱na chi junaj cua li incꞌaꞌ us ut cheqꞌuehak e̱chꞌo̱l chixba̱nunquil li us.

Apocalipsis 3:3

Chijulticokꞌ e̱re lix ya̱lal li querabi chak junxil. Chiyotꞌekꞌ e̱chꞌo̱l ut jalomak e̱cꞌaꞌux. Cacuubresihomak e̱chꞌo̱l saꞌ le̱ pa̱ba̱l. Cui incꞌaꞌ te̱ba̱nu aꞌan, la̱in tincuulak e̱riqꞌuin chi ma̱cꞌaꞌ saꞌ e̱chꞌo̱l joꞌ naxba̱nu laj e̱lkꞌ ut tinrakok a̱tin saꞌ e̱be̱n.

Filipenses 3:16

Joꞌcan nak chikacꞌoxlahak ut chikaba̱nuhak li joꞌ qꞌuial nakanau nak us xba̱nunquil.

1 Corintios 15:58

Joꞌcan ut ex inherma̱n, raro̱quex inban, cauhak taxak e̱chꞌo̱l saꞌ le̱ pa̱ba̱l. Michꞌinan le̱ chꞌo̱l. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ. Ut chenauhak nak li joꞌ qꞌuial te̱ba̱nu saꞌ xcꞌabaꞌ li Ka̱cuaꞌ cuan rajbal.

Filipenses 1:10

Nintzꞌa̱ma chiru li Dios nak textenkꞌa re nak junelic te̱nau cꞌaꞌru li us ut cꞌaꞌru li incꞌaꞌ us. Ut ti̱cak taxak le̱ chꞌo̱l re nak ma̱ ani ta̱cuechꞌi̱nk e̱rix chalen nak tol-e̱lk cuiꞌchic li Jesucristo.

San Juan 8:31

Li Jesús quia̱tinac riqꞌuineb laj judío li queꞌpa̱ban re. Quixye reheb: —Cui la̱ex te̱ba̱nu li cꞌaꞌru ninye e̱re, la̱exak tzꞌakal intzolom.

Apocalipsis 2:25

Caꞌaj cuiꞌ tinye e̱re aꞌin: Cacuubresihomak e̱chꞌo̱l saꞌ le̱ pa̱ba̱l toj ta̱cuulak xkꞌehil nak tincuulak e̱riqꞌuin.

Hebreos 10:23

Joꞌcan nak cauhak taxak kachꞌo̱l saꞌ li kapa̱ba̱l xban nak li Dios naxqꞌue li cꞌaꞌru naxyechiꞌi ke.

2 Ts 2:15

Joꞌcan ut ex herma̱n, cauhak taxak e̱chꞌo̱l saꞌ le̱ pa̱ba̱l. Me̱canab xpa̱banquil le̱ tijbal li xkachꞌolob che̱ru nak xoa̱tinac e̱riqꞌuin. Chi moco te̱canab xpa̱banquil li cꞌaꞌru xkatakla xyebal e̱re saꞌ li hu li xkatakla e̱riqꞌuin.

Hechos 14:22

Yo̱queb chixqꞌuebal xcacuil xchꞌo̱leb laj pa̱banel. Queꞌxye reheb nak teꞌxpa̱b li Ka̱cuaꞌ chi anchaleb xchꞌo̱l ut incꞌaꞌ teꞌxcanab xpa̱banquil. Queꞌxye reheb nak tento teꞌxcuy xnumsinquil li raylal re nak teꞌoc saꞌ lix nimajcual cuanquilal li Dios.

San Juan 15:4

Cua̱nkex cuiqꞌuin ut la̱in cua̱nkin e̱riqꞌuin. Joꞌ li rukꞌ li cheꞌ, cui incꞌaꞌ letzlo riqꞌuin lix to̱nal, incꞌaꞌ naru nau̱chin. Joꞌcan ajcuiꞌ la̱ex. Cui incꞌaꞌ cua̱nkex cuiqꞌuin, incꞌaꞌ ta̱ru̱k texqꞌui̱k saꞌ le̱ pa̱ba̱l.

Isaías 8:20

Tzolomak li cꞌaꞌru naxye saꞌ lix chakꞌrab li Dios. Cui incꞌaꞌ nequeꞌxye e̱re chi tzꞌakal li cꞌaꞌru cuan saꞌ li chakꞌrab, aꞌan xban nak toj ma̱jiꞌ nequeꞌxtau lix ya̱lal.

Proverbios 3:1

Ex cualal incꞌajol, misach saꞌ e̱chꞌo̱l lin chakꞌrab. Chi anchal ban le̱ chꞌo̱l chepa̱bak le̱ taklanquil inban.

Apocalipsis 3:11

La̱in chi se̱b tincha̱lk. Tincuulak e̱riqꞌuin. Joꞌcan nak cauhak taxak e̱chꞌo̱l saꞌ le̱ pa̱ba̱l ut me̱canab inpa̱banquil re nak te̱cꞌul le̱ kꞌajca̱munquil li tinqꞌue ut re ajcuiꞌ nak incꞌaꞌ ta̱qꞌuehekꞌ re jalan.

Proverbios 23:23

Li naꞌleb ut lix ya̱lal ut li kꞌusecꞌ kꞌaxal terto xtzꞌak. Me̱canab chi numecꞌ yal chi joꞌcan.

Apocalipsis 2:2

La̱in ninnau chixjunil li nequeba̱nu. Ninnau nak cau nequexcꞌanjelac ut ninnau ajcuiꞌ nak incꞌaꞌ nachꞌinan e̱chꞌo̱l. Ninnau nak xicꞌ nequeril li nequeꞌxba̱nu ma̱usilal. Xeqꞌue retal li ani xeꞌxqꞌue ribeb chokꞌ apóstol ut ma̱cuaꞌeb. Ut xenau nak aj balakꞌeb ut aj ticꞌtiꞌeb.

2 Timoteo 4:14

Laj Alejandro, laj tenol chꞌi̱chꞌ, nabal chi raylal xba̱nu cue. Li Ka̱cuaꞌ, aꞌan li ta̱kꞌajca̱mu̱nk re riqꞌuin li cꞌaꞌru naxba̱nu.

2 Timoteo 1:15

La̱at nacanau nak chixjunileb laj pa̱banel li cuanqueb Asia xineꞌxcanab injunes. Saꞌ xya̱nkeb aꞌan cuanqueb laj Figelo ut laj Hermógenes.

1 Corintios 2:11

Ma̱ ani nanaꞌoc re cꞌaꞌru cuan saꞌ xchꞌo̱l li junju̱nk. Caꞌaj cuiꞌ li junju̱nk nanaꞌoc re. Joꞌcan ajcuiꞌ lix cꞌaꞌux li Dios. Ma̱ ani nanaꞌoc re. Caꞌaj cuiꞌ li Santil Musikꞌej nanaꞌoc re.

Hechos 11:23

Nak quicuulac laj Bernabé quixqꞌue retal nak li Dios yo̱ chirosobtesinquileb laj pa̱banel li cuanqueb aran. Quixqꞌue xcacuilal xchꞌo̱leb ut quixye ajcuiꞌ reheb nak cheꞌxqꞌuehak xchꞌo̱leb chixpa̱banquil li Ka̱cuaꞌ.

Cantares 3:4

Tojeꞌ ajcuiꞌ tine̱lk riqꞌuineb nak quintau li narahoc cue. Quinchap chi rukꞌ ut incꞌaꞌ chic quicuachꞌab toj retal quincꞌam saꞌ rochoch lin naꞌ.

Proverbios 4:13

Cheqꞌuehak saꞌ e̱chꞌo̱l le̱ naꞌleb li yo̱quin chixqꞌuebal. Ut me̱canab xba̱nunquil li us, xban nak riqꞌuin aꞌan nacuan le̱ yuꞌam chi junelic.

2 Timoteo 3:6

Saꞌ xya̱nkeb aꞌan cuanqueb li cui̱nk li nequeꞌxsicꞌ chanru teꞌoc saꞌ eb li cab chi balakꞌi̱nc ut nequeꞌxcꞌut lix tijleb chiruheb li ixk li ma̱cꞌaꞌeb xnaꞌleb, li nequeꞌrecꞌa nak aj ma̱queb, ut junes li cꞌaꞌak re ru nequeꞌxrahi ru, aꞌan li nequeꞌxba̱nu.

Gálatas 6:10

Joꞌcan ut chikaba̱nuhak usilal reheb chixjunileb li kas ki̱tzꞌin nak toj naru xba̱nunquil, ut kꞌaxal cuiꞌchic takaba̱nu reheb li kech aj pa̱banelil.

1 Ts 5:15

Cheqꞌuehak retal nak ma̱ ani junak saꞌ e̱ya̱nk chixqꞌue re̱kaj li ma̱usilal qui-ux re riqꞌuin ma̱usilal. Cheba̱nuhak ban chi junelic li cꞌaꞌru us che̱ribil e̱rib ut riqꞌuin chixjunileb.

1 Ts 5:22

Ut chetzꞌekta̱na chixjunil li ma̱usilal.