1 Ts 5:2 - Li Santil hu

² La̱ex nequenau chi us nak lix cutanquil lix cꞌulunic li Ka̱cuaꞌ Jesucristo, ta̱cha̱lk chi ma̱ ani nanaꞌoc re jokꞌe, joꞌ nak nachal laj e̱lkꞌ chi ma̱cꞌaꞌ saꞌ kachꞌo̱l.

Q'eqchi Bible

² Laa'ex nekenaw chi us naq li xkutankil li Qaawa' taachalq jo' nachalk junaq aj elq' chi q'eq.

1 Ts 5:2 ပူးပေါင်းရင်းမြစ်များ

Apocalipsis 16:15

Ut la̱in quicuabi nak li Ka̱cuaꞌ quixye: —La̱in tincha̱lk chi ma̱cꞌaꞌ saꞌ xchꞌo̱leb li tenamit joꞌ nak nachal laj e̱lkꞌ. Us xak re li ani nayoꞌlec re cuoybeninquil ut incꞌaꞌ nachꞌinan xchꞌo̱l saꞌ xpa̱ba̱l. Aꞌan incꞌaꞌ ta̱xuta̱na̱k chicuu nak tincꞌulu̱nk xban nak ti̱c xchꞌo̱l, chan.

2 Pedro 3:10

Lix kꞌehil lix cꞌulunic li Ka̱cuaꞌ, aꞌan chanchan nak nachal laj e̱lkꞌ. Moco cuan ta resil lix cꞌulunic. Saꞌ li cutan aꞌan ta̱osokꞌ li choxa. Tenlok xya̱b nak ta̱osokꞌ. Ut li cꞌaꞌak re ru cuanqueb chiru teꞌosokꞌ xban li xam. Ta̱cꞌatk li ruchichꞌochꞌ joꞌ ajcuiꞌ chixjunil li cꞌaꞌak re ru li cuan chiru.

Apocalipsis 3:3

Chijulticokꞌ e̱re lix ya̱lal li querabi chak junxil. Chiyotꞌekꞌ e̱chꞌo̱l ut jalomak e̱cꞌaꞌux. Cacuubresihomak e̱chꞌo̱l saꞌ le̱ pa̱ba̱l. Cui incꞌaꞌ te̱ba̱nu aꞌan, la̱in tincuulak e̱riqꞌuin chi ma̱cꞌaꞌ saꞌ e̱chꞌo̱l joꞌ naxba̱nu laj e̱lkꞌ ut tinrakok a̱tin saꞌ e̱be̱n.

San Mateo 25:13

Joꞌcan nak la̱in ninye e̱re: Yoꞌon cua̱nkex xban nak incꞌaꞌ nequenau li cutan chi moco li ho̱nal jokꞌe toline̱lk la̱in li Cꞌajolbej.

Jeremías 23:20

Lix joskꞌil li Ka̱cuaꞌ incꞌaꞌ ta̱numekꞌ toj tixba̱nu li cꞌaꞌru quixcꞌoxla xba̱nunquil. Saꞌ eb li cutan ta̱cha̱lk te̱tau ru lix ya̱lal chi tzꞌakal.

1 Corintios 1:8

Li Dios yo̱k chixqꞌuebal xcacuub le̱ chꞌo̱l chalen toj saꞌ rosoꞌjic li cutan re nak ma̱cꞌaꞌak e̱ma̱c saꞌ li cutan nak tol-e̱lk li Ka̱cuaꞌ Jesucristo.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

1 Ts 5:4

Aꞌut la̱ex herma̱n, moco saꞌ kꞌojyi̱n ta chic cuanquex. Ac nequenau chic lix ya̱lal. Li Jesucristo incꞌaꞌ ta̱cha̱lk chi ma̱cꞌaꞌak saꞌ e̱chꞌo̱l joꞌ nak nachal laj e̱lkꞌ.

2 Ts 2:2

Nintzꞌa̱ma che̱ru nak me̱qꞌue e̱rib chi balakꞌi̱c xbaneb li teꞌyehok nak ac xcuulac xkꞌehil lix cꞌulunic li Ka̱cuaꞌ Jesucristo. Ma̱re ta̱yehekꞌ e̱re xban junak li profeta, malaj xban junak cui̱nk ta̱a̱tinak e̱riqꞌuin, malaj xban junak ta̱tzꞌi̱bak e̱riqꞌuin ut tixye nak la̱o xkatzꞌi̱ba li hu aꞌan. Abanan me̱pa̱b li cꞌaꞌru teꞌxye eb aꞌan xban nak moco ya̱l ta.

Josué 11:7

Joꞌcan nak laj Josué rochbeneb chixjunileb lix soldados queꞌco̱eb nachꞌ riqꞌuin li palau Merom chi pletic riqꞌuineb chi ma̱cꞌaꞌ saꞌ xchꞌo̱leb.