1 Ts 5:14 - Li Santil hu

¹⁴ Nakatzꞌa̱ma che̱ru, ex herma̱n, chekꞌuseb li yal subuc cutan nequeꞌxba̱nu. Cheqꞌuehak xcacuil xchꞌo̱leb li nequeꞌchꞌinan xchꞌo̱leb ut chetenkꞌa ajcuiꞌ li toj kꞌuneb xchꞌo̱l saꞌ xpa̱ba̱leb. Ut chicua̱nk e̱cuyum riqꞌuineb chixjunileb.

Q'eqchi Bible

¹⁴ Naqatz'aama ajwi' cheru, ex qas qiitz'in, cheq'usaqeb' li sachsookeb' xna'leb'; chewaklesihaqeb' li neke'ch'inank xch'ool, chetenq'aheb' li ink'a' kaweb' xch'ool sa' xpaab'aaleb' ut chiwanq eekuyum rik'ineb' chixjunil.

1 Ts 5:14 ပူးပေါင်းရင်းမြစ်များ

2 Timoteo 4:2

La̱in nintzꞌa̱ma cha̱cuu nak ta̱chꞌolob xya̱lal li ra̱tin li Dios. Chayal a̱kꞌe chixba̱nunquil chi junelic usta naxqꞌue rib cha̱cuu usta incꞌaꞌ. Chatijeb ut chakꞌuseb. Chaqꞌue xcacuilal xchꞌo̱leb ut chicua̱nk a̱cuyum ut incꞌaꞌ ta̱canab xcꞌutbal lix ya̱lal chiruheb.

Romanos 14:1

Checꞌulakeb chi sa saꞌ e̱chꞌo̱l li toj kꞌuneb xchꞌo̱l saꞌ lix pa̱ba̱leb ut me̱cuechꞌi rix lix cꞌaꞌuxeb.

Hechos 20:35

Riqꞌuin chixjunil li xinba̱nu, xincꞌut che̱ru chanru xtenkꞌanquileb li teꞌraj tenkꞌa̱c. Chijulticokꞌ ke li quixye li Ka̱cuaꞌ Jesús: Kꞌaxal us li qꞌuehoc chiru li cꞌuluc, chan.

Colosenses 1:28

Aꞌ li Cristo, aꞌan li nakachꞌolob xya̱lal. Nakaqꞌue xnaꞌlebeb chixjunil ut nakacꞌut xya̱lal chiruheb chi anchal li kachꞌo̱l ut chi anchal li kacꞌaꞌux re nak tzꞌakalak ru lix pa̱ba̱leb saꞌ xcꞌabaꞌ li Jesucristo.

Hebreos 13:3

Cherilak xtokꞌoba̱l ruheb li cuanqueb saꞌ tzꞌalam. Cherecꞌa̱k saꞌ le̱ ra̱m nak chanchan ajcuiꞌ la̱ex li cuanquex saꞌ tzꞌalam. Chinak ajcuiꞌ saꞌ e̱chꞌo̱l li nequeꞌhobeꞌ ut li nequeꞌrahobtesi̱c. Chanchan nak la̱ex ajcuiꞌ yo̱quex chi cꞌuluc re li raylal aꞌan.

1 Timoteo 6:11

Ut la̱at, at Timoteo, la̱at aj cꞌanjel chiru li Dios. Ma̱ba̱nu li ma̱usilal li nequeꞌxba̱nu eb aꞌan. Qꞌue ban a̱chꞌo̱l chi cua̱nc saꞌ ti̱quilal. Chara li Dios ut chatpa̱ba̱nk chiru. Charaheb la̱ cuas a̱cui̱tzꞌin. Chacuy li raylal ut chatcua̱nk saꞌ tu̱lanil.

Efesios 4:2

Checubsihak e̱rib ut chexcua̱nk saꞌ tu̱lanil ut cha̱bilakex. Checuyak e̱rib chi ribil e̱rib ut cherahak e̱rib chiribil e̱rib.

1 Corintios 4:14

Ma̱cuaꞌ re xcꞌutbal e̱xuta̱n nak yo̱quin chixyebal e̱re chi joꞌcaꞌin. Re ban xqꞌuebal e̱naꞌleb xban nak chanchanex li cualal incꞌajol chicuu ut raro̱quex inban.

Ezequiel 34:16

La̱in tinsiqꞌueb chak li sachenakeb li queꞌco̱eb saꞌ jalan be ut tinqꞌueheb chi sukꞌi̱c saꞌ xya̱nkeb li queto̱mk. La̱in tinban lix yocꞌolal ut tinlan. Tinqꞌue xcacuilaleb li yajeb. Ut la̱in tinsach ruheb li ni̱nkeb xtibel ut li cauheb rib. La̱in tin-ilok reheb lin carner saꞌ ti̱quilal.

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

Hechos 20:31

Yoꞌon cua̱nkex ut chijulticokꞌ e̱re nak chiru oxib chihab, chi kꞌek chi cutan yo̱quin chi ya̱bac ut incꞌaꞌ xinhilan chixchꞌolobanquil e̱naꞌleb che̱junju̱nkal.

San Mateo 12:20

Incꞌaꞌ tixrahobtesiheb li tacuajenakeb. Incꞌaꞌ tixchoy xtokbal li caxlan aj li ac tokecꞌ re, chi moco tixchoy xchupbal ru li xam li toj yo̱ chi e̱lc xsibel toj nak tixxakab lix cuanquil ut ta̱rakok a̱tin saꞌ ti̱quilal.

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Hebreos 12:12

Checacuubresihak le̱ rok e̱rukꞌ li ma̱cꞌaꞌ xmetzꞌe̱u. Lix ya̱lal li jaljo̱quil ru a̱tin aꞌan aꞌin: Checacuubresi le̱ chꞌo̱l re nak incꞌaꞌ ta̱chꞌina̱nk e̱chꞌo̱l saꞌ le̱ pa̱ba̱l.

Tito 1:6

Ti̱cak xchꞌo̱l li ani ta̱xakab re nak ma̱cꞌaꞌ ta̱yehekꞌ chirixeb. Junak ajcuiꞌ li rixakil ut aj pa̱banelakeb li ralal xcꞌajol. Cha̱bilakeb xnaꞌleb ut teꞌabi̱nk chiruheb lix naꞌ xyucuaꞌ.

1 Timoteo 3:3

Laj cꞌamol be ma̱cuaꞌak aj calajenak ut ma̱cuaꞌak aj sicꞌol ple̱t. Ma̱cuaꞌak aj rahol ru tumin. Tu̱lanak ban ut cua̱nk saꞌ xya̱lal.

Efesios 4:32

Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

Romanos 12:1

Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.

Hechos 20:27

xban nak ac xinchꞌolob chi tzꞌakal re ru li naꞌleb li taklanbilin cuiꞌ xban li Dios.

San Lucas 22:32

Abanan la̱in xintijoc cha̱cuix re nak incꞌaꞌ ta̱canab la̱ pa̱ba̱l. Ut nak tatsukꞌi̱k cuiꞌchic cuiqꞌuin, ta̱qꞌue xcacuilal xchꞌo̱leb la̱ cuech aj pa̱banelil, chan li Jesús.

Jeremías 6:12

Eb li rochoch ta̱cana̱k chokꞌ reheb jalan chic, joꞌ ajcuiꞌ lix chꞌochꞌeb ut eb li rixakil. Joꞌcaꞌin teꞌxcꞌul xban nak la̱in tinqꞌueheb chixtojbal lix ma̱queb li cuanqueb saꞌ li naꞌajej aꞌin.

Tito 1:10

Chaqꞌuehak retal ani ta̱xakab chokꞌ aj cꞌamol be xban nak nabaleb li incꞌaꞌ nequeꞌxtau xya̱lal. Nequeꞌa̱tinac chi ma̱cꞌaꞌ rajbal ut nequeꞌxbalakꞌi li tenamit. Kꞌaxal cuiꞌchic nabaleb joꞌcaneb xnaꞌleb saꞌ xya̱nkeb li kech aj pa̱banelil aj judío.

1 Corintios 8:7

Abanan moco chixjunileb ta nequeꞌxtau ru lix ya̱lal aꞌin chirix li mayejanbil tzacae̱mk. Cꞌaynakeb chalen chak najter chixpa̱banquil li yi̱banbil dios, ut anakcuan nak nequeꞌxtzaca li tzacae̱mk mayejanbil chiru li yi̱banbil dios nequeꞌxcꞌoxla nak yo̱queb chixqꞌuebal xlokꞌal li yi̱banbil dios. Ut xban nak toj kꞌuneb xchꞌo̱l saꞌ lix pa̱ba̱l, nequeꞌxcꞌoxla nak nequeꞌxmux ru lix pa̱ba̱leb.

2 Ts 3:15

Abanan incꞌaꞌ xi̱cꞌ te̱ril. Cheqꞌuehak ban xnaꞌleb joꞌ nak naqꞌueheꞌ xnaꞌleb junak li i̱tzꞌinbej.