1 Ts 5:13 - Li Santil hu

¹³ Che-oxlokꞌiheb ut cherahakeb chi anchal e̱chꞌo̱l xban nak nequeꞌxqꞌue xchꞌo̱l chi cꞌanjelac saꞌ e̱ya̱nk. Chexcua̱nk saꞌ usilal che̱ribil e̱rib.

Q'eqchi Bible

¹³ Ka'loq' oxloq' cherileb'; cherahaqeb' sa' xk'ab'a' li xk'anjeleb'. Chexwanq sa' tuqtuukil usilal cherib'il eerib'.

1 Ts 5:13 ပူးပေါင်းရင်းမြစ်များ

San Marcos 9:50

Cha̱bil li atzꞌam, abanan cui na-osoꞌ lix quiꞌal ma̱cꞌaꞌ chic na-oc cuiꞌ. Joꞌcan ajcuiꞌ la̱ex chicua̱nk e̱cha̱bilal ut cua̱nkex saꞌ usilal chi ribil e̱rib.—

Hebreos 12:14

Chexcua̱nk saꞌ tuktu̱quil usilal riqꞌuineb le̱ ras e̱ri̱tzꞌin. Chexcua̱nk saꞌ ti̱quilal ut saꞌ santilal, xban nak cui ma̱cꞌaꞌ e̱santilal ma̱ jokꞌe te̱ril ru li Dios.

Santiago 3:18

Li qꞌuebileb xnaꞌleb xban li Dios cuanqueb saꞌ usilal ut nequeꞌxtenkꞌa ajcuiꞌ li ras ri̱tzꞌin chi cua̱nc saꞌ usilal.

Efesios 4:3

Junajak chic e̱ru xban li Santil Musikꞌej. Joꞌcan nak qꞌuehomak e̱chꞌo̱l chi cua̱nc saꞌ usilal chi ribil e̱rib re nak chexcua̱nk chi junaj e̱ru.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

2 Corintios 13:11

Anakcuan ex inherma̱n, texinchakꞌrabi riqꞌuin a a̱tin aꞌin: Jalomak le̱ cꞌaꞌux re nak tzꞌakalak e̱re e̱ru. Cheqꞌuehak retal li joꞌ qꞌuial xinye e̱re. Junajak taxak le̱ cꞌaꞌux ut chexcua̱nk saꞌ xya̱lal chi ribil e̱rib. Ut cua̱nk e̱riqꞌuin li Dios li narahoc ke ut naxqꞌue ke li tuktu̱quil usilal.

San Juan 15:17

Aꞌan aꞌin li yo̱quin chixyebal e̱re nak cherahak e̱rib che̱ribil e̱rib.—

Salmos 133:1

Qꞌuehomak retal nak kꞌaxal lokꞌ nak junaj xchꞌo̱leb li ralal xcꞌajol li Dios. Cꞌajoꞌ xlokꞌal nak cuanqueb saꞌ usilal.

2 Timoteo 2:22

Joꞌcan utan chatzꞌekta̱na chi junaj cua li incꞌaꞌ us li nequeꞌxrahi ru li toj sa̱jeb. Ut qꞌue a̱chꞌo̱l chicua̱nk saꞌ ti̱quilal ut chatpa̱ba̱nk chi tzꞌakal. Charahakeb la̱ cuas a̱cui̱tzꞌin ut chatcua̱nk saꞌ usilal riqꞌuineb chixjunileb. La̱akat jun saꞌ xya̱nkeb li ti̱queb xchꞌo̱l li nequeꞌtijoc chiru li Dios.

2 Ts 3:16

Aꞌ taxak li Ka̱cuaꞌ Jesucristo li naqꞌuehoc tuktu̱quil usilal, chiqꞌuehok e̱re li tuktu̱quilal chi junelic riqꞌuin yalak cꞌaꞌru nequecꞌul. Aꞌ taxak li Ka̱cuaꞌ Jesucristo chicua̱nk e̱riqꞌuin che̱junilex.

Colosenses 3:15

Junajakex taxak saꞌ le̱ pa̱ba̱l xban nak sicꞌbil e̱ru xban li Dios. Chicua̱nk li tuktu̱quilal saꞌ le̱ chꞌo̱l li naxqꞌue li Cristo re nak texcua̱nk saꞌ xya̱lal. Ut junelic chebantioxi chiru li Dios li usilal xba̱nu e̱re.

Gálatas 6:6

Li ani yo̱ chixtzolbal li ra̱tin li Dios, tento ajcuiꞌ nak tixtenkꞌa li ani yo̱ chi tzoloc re.

Gálatas 4:14

La̱in ninnau nak chꞌaꞌaj raj chokꞌ e̱re cuilbal saꞌ lin yajel. Abanan incꞌaꞌ xine̱tzꞌekta̱na ut incꞌaꞌ xicꞌ quine̱ril. Xine̱ril ban joꞌ junak x-ángel li Dios ut xine̱cꞌul joꞌ nak xecꞌul raj li Jesucristo.

San Mateo 10:40

Li ani ta̱cꞌuluk e̱re la̱ex, tinixcꞌul ajcuiꞌ la̱in. Ut li ani ta̱cꞌuluk cue, tixcꞌul ajcuiꞌ li xtaklan chak cue.

Génesis 45:24

Ut laj José quixye reheb aꞌan: —Cheba̱nu usilal, me̱pleti e̱rib nak yo̱kex chi xic, chan reheb. Ut laj José quixchakꞌrabiheb ut queꞌco̱eb.

1 Ts 5:14

Nakatzꞌa̱ma che̱ru, ex herma̱n, chekꞌuseb li yal subuc cutan nequeꞌxba̱nu. Cheqꞌuehak xcacuil xchꞌo̱leb li nequeꞌchꞌinan xchꞌo̱leb ut chetenkꞌa ajcuiꞌ li toj kꞌuneb xchꞌo̱l saꞌ xpa̱ba̱leb. Ut chicua̱nk e̱cuyum riqꞌuineb chixjunileb.