1 Ts 5:12 - Li Santil hu

¹² Ex herma̱n, nakatzꞌa̱ma che̱ru nak oxlokꞌ cherileb li ani nequeꞌcꞌanjelac chiru li Ka̱cuaꞌ Jesucristo saꞌ e̱ya̱nk. Eb aꞌan nequeꞌcꞌamoc be che̱ru ut aꞌan nequeꞌqꞌuehoc e̱naꞌleb.

Q'eqchi Bible

¹² Ex qas qiitz'in, naqatz'aama cheru naq chek'ehaq sa' xnaq' eeru eb' li neke'xk'e xch'ool chi k'anjelak sa' eeyanq, eb' li neke'jolomink eere sa' xk'ab'a' li Qaawa' ut neke'xch'olob' eena'leb'.

1 Ts 5:12 ပူးပေါင်းရင်းမြစ်များ

Hebreos 13:17

Chex-abi̱nk chiruheb laj cꞌamol be che̱ru, ut cheba̱nuhak li cꞌaꞌru nequeꞌxye e̱re xban nak eb aꞌan nequeꞌtenkꞌan e̱re saꞌ le̱ pa̱ba̱l. Aꞌaneb li teꞌxkꞌaxtesi xcue̱nt che̱rix chiru li Dios. Chetenkꞌaheb re nak sahakeb saꞌ xchꞌo̱l saꞌ lix cꞌanjeleb xban nak cui rahakeb saꞌ xchꞌo̱l, rahak ajcuiꞌ chokꞌ e̱re la̱ex.

Hebreos 13:7

Chijulticokꞌ e̱re eb li queꞌcꞌamoc be che̱ru. Aꞌan queꞌxchꞌolob xya̱lal li ra̱tin li Dios. Cheqꞌuehak retal lix pa̱ba̱l ut lix yuꞌameb nak queꞌcuan saꞌ ruchichꞌochꞌ. Joꞌcan ajcuiꞌ cheba̱nuhak la̱ex.

1 Corintios 16:18

Queꞌxqꞌue xcacuil inchꞌo̱l. Chanru nak xextenkꞌa̱c la̱ex xbaneb, joꞌcan ajcuiꞌ nak xineꞌxtenkꞌa la̱in. Joꞌcan nak che-oxlokꞌiheb li herma̱n aꞌan.

1 Corintios 16:16

Joꞌcan nak tintzꞌa̱ma che̱ru nak tex-abi̱nk chiru laj Estéfanas joꞌqueb ajcuiꞌ chixjunileb li nequeꞌtenkꞌan ut nequeꞌcꞌanjelac saꞌ e̱ya̱nk.

1 Corintios 15:10

Abanan xban rusilal li Dios nak la̱in apóstol. Ut li rusilal li Dios incꞌaꞌ quicana chi ma̱cꞌaꞌ rajbal xban nak kꞌaxal cau cuiꞌchic nincꞌanjelac chiru chixjunileb li apóstol. Aban ma̱cuaꞌ injunes nincꞌanjelac. Li Dios natenkꞌan cue xban xnimal rusilal li xinma̱tani.

Tito 1:3

Nak quicuulac xkꞌehil li Dios laj Colol ke quixcꞌutbesi lix ya̱lal li colba-ib chiku. Tenebanbil saꞌ inbe̱n xban li Dios xchꞌolobanquil xya̱lal li colba-ib yalak bar.

1 Ts 5:14

Nakatzꞌa̱ma che̱ru, ex herma̱n, chekꞌuseb li yal subuc cutan nequeꞌxba̱nu. Cheqꞌuehak xcacuil xchꞌo̱leb li nequeꞌchꞌinan xchꞌo̱leb ut chetenkꞌa ajcuiꞌ li toj kꞌuneb xchꞌo̱l saꞌ xpa̱ba̱leb. Ut chicua̱nk e̱cuyum riqꞌuineb chixjunileb.

1 Corintios 12:28

Li xchalal li tzꞌejcualej jalan jala̱nk xcꞌanjel li junju̱nk. Joꞌcan ajcuiꞌ nak jalan jala̱nk xma̱taneb laj pa̱banel qꞌuebileb re xban li Dios re nak teꞌcꞌanjelak chiru. Xbe̱n, cuanqueb li qꞌuebileb xma̱tan chi cꞌanjelac chokꞌ apóstol. Xcab, cuanqueb li qꞌuebileb xma̱tan chi cꞌanjelac chokꞌ profeta. Rox, cuanqueb li qꞌuebileb xma̱tan chi cꞌanjelac chokꞌ aj tzolonel. Ut cuanqueb li qꞌuebileb xma̱tan chixba̱nunquileb li milagro. Cuanqueb li qꞌuebileb xma̱tan chixqꞌuirtesinquileb li yaj; cuanqueb li qꞌuebileb xma̱tan chixtenkꞌanquileb li ras ri̱tzꞌin. Cuanqueb li qꞌuebileb xma̱tan chi takla̱nc; ut cuanqueb ajcuiꞌ qꞌuebileb xma̱tan chi a̱tinac saꞌ jalanil a̱tin incꞌaꞌ natauman ru.

1 Corintios 3:9

La̱o kech aj cꞌanjelil kib chiru li Dios. Ut la̱ex chanchanex li chꞌochꞌ li nakacꞌanjela ru. Ut li Dios aꞌan laj e̱chal re li chꞌochꞌ. Ut chanchanex ajcuiꞌ jun li cab yo̱co chixyi̱banquil ut li Dios, aꞌan laj e̱chal re li cab aꞌan.

Hechos 20:35

Riqꞌuin chixjunil li xinba̱nu, xincꞌut che̱ru chanru xtenkꞌanquileb li teꞌraj tenkꞌa̱c. Chijulticokꞌ ke li quixye li Ka̱cuaꞌ Jesús: Kꞌaxal us li qꞌuehoc chiru li cꞌuluc, chan.

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

San Lucas 10:7

Nak tex-oc saꞌ junak cab, aran texcana̱k. Incꞌaꞌ yo̱kex chixbeninquil e̱rib. Ut chetzacahak li cꞌaꞌru ta̱qꞌuehekꞌ e̱re xban nak laj cꞌanjel tento tixcꞌul lix tojbal.

Apocalipsis 1:20

Lix ya̱lal li cuukub chi chahim li xacuil saꞌ lin nim ukꞌ, aꞌan li retalileb li cuukub lix takl li Dios li nequeꞌiloc reheb li cuukub chꞌu̱tal chi aj pa̱banel. Ut lix ya̱lal li cuukub chi candelero, aꞌan retalileb li cuukub chꞌu̱tal chi aj pa̱banel.

Tito 1:5

Xatincanab aran saꞌ li tenamit Creta re nak ta̱cꞌu̱b ru li cꞌaꞌru toj yi̱ba̱c naraj ut re nak ta̱xakabeb li teꞌcꞌamok be chiruheb laj pa̱banel saꞌ li junju̱nk chi tenamit. Joꞌ xinye a̱cue, joꞌcan ta̱ba̱nu.

2 Timoteo 2:6

Laj cꞌalom li nacꞌanjelac chi cau tento nak aꞌan li xbe̱n li ta̱tzꞌak ru li racui̱mk.

Colosenses 1:29

Joꞌcan nak ninyal inkꞌe chi cꞌanjelac chi anchal inchꞌo̱l ut li Cristo naqꞌuehoc incacuilal chixba̱nunquil lin cꞌanjel chiru li Dios.

Filipenses 2:16

Cui joꞌcan yo̱kex, cꞌajoꞌ nak ta̱sahokꞌ saꞌ inchꞌo̱l e̱riqꞌuin nak tol-e̱lk cuiꞌchic li Jesucristo. Ta̱sahokꞌ inchꞌo̱l xban nak tinnau nak cuan rajbal chixjunil li xinba̱nu nak xincꞌanjelac saꞌ e̱ya̱nk.

Gálatas 4:11

Nachal incꞌaꞌux e̱ban. Ma̱re yal ma̱cꞌaꞌ rajbal nak xincꞌanjelac saꞌ e̱ya̱nk.

2 Corintios 11:23

Tinnimobresi caꞌchꞌinak cuib anakcuan ut tina̱tinak joꞌ nequeꞌxba̱nu li ma̱cꞌaꞌeb xnaꞌleb. Nequeꞌxye nak aj cꞌanjeleb chiru li Cristo. ¿Ma aꞌaneb ta biꞌ li kꞌaxal aj cꞌanjel chiru li Cristo chicuu la̱in? Incꞌaꞌ, xban nak la̱in tzꞌakalin x-apóstol li Jesucristo. Nabal li raylal nincꞌul saꞌ xcꞌabaꞌ li Cristo. Nintacuasi cuib chi cꞌanjelac. Nabal sut xinqꞌueheꞌ saꞌ tzꞌalam. Nabal sut xinsaqꞌueꞌ ut cuanqueb li nequeꞌraj incamsinquil.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

2 Corintios 5:9

Joꞌcan nak junelic nakaqꞌue kachꞌo̱l chixba̱nunquil li cꞌaꞌru naraj li Ka̱cuaꞌ usta cuanco arin saꞌ ruchichꞌochꞌ malaj saꞌ li Santil Choxa.

Apocalipsis 3:14

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Laodicea ut ta̱ye re: Li ani naxcꞌabaꞌin “Amén”, li junelic ti̱c xchꞌo̱l chixyebal li ya̱l, li ac cuan chak nak quiyi̱ba̱c chak li ruchichꞌochꞌ ut chixjunil li cꞌaꞌak re ru cuan, naxye e̱re chi joꞌcaꞌin:

Apocalipsis 3:7

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Filadelfia, ut ta̱ye re: Li ti̱c xchꞌo̱l ut li tzꞌakal Dios, aꞌan cuan xcuanquilal joꞌ li cuanquil li quiqꞌueheꞌ re laj David junxil. Li oqueba̱l li tixte aꞌan, ma̱ ani naru ta̱tzꞌapok re; ut li oqueba̱l li tixtzꞌap aꞌan, ma̱ ani naru ta̱tehok re.

Apocalipsis 3:1

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Sardis ut ta̱ye re: Li cuan li Santil Musikꞌej riqꞌuin ut li cuan li cuukub chi chahim saꞌ rukꞌ naxye e̱re chi joꞌcaꞌin: La̱in ninnau chanru nak cuanquex. Eb li tenamit nequeꞌxye nak la̱ex tzꞌakal aj pa̱banelex. Abanan moco ya̱l ta. La̱in ninnau nak incꞌaꞌ nequexpa̱ban chi tzꞌakal. Chanchan camenakex.

Apocalipsis 2:18

Ut quixye ajcuiꞌ cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Tiatira ut ta̱ye re: Li Cꞌajolbej, li nalemtzꞌun xnakꞌ ru chanchan xam ut li rok chanchan li cha̱bil chꞌi̱chꞌ bronce li nalemtzꞌun, naxye e̱re chi joꞌcaꞌin:

Apocalipsis 2:12

Ut quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb laj pa̱banel li cuanqueb Pérgamo ut ta̱ye re: Li cuan xchꞌi̱chꞌ caꞌ pacꞌal xkꞌesnal naxye e̱re chi joꞌcaꞌin:

Apocalipsis 2:8

Ut quixye cuiꞌchic cue: —Tzꞌi̱ban riqꞌuin lix takl li Dios, li na-iloc reheb li jun chꞌu̱tal chi aj pa̱banel li cuanqueb Esmirna. Ut ta̱ye re: Li ac cuan chak saꞌ xticlajic ut cua̱nk ajcuiꞌ toj saꞌ rosoꞌjic, li quicam ut quicuacli cuiꞌchic chi yoꞌyo saꞌ xya̱nkeb li camenak, naxye e̱re chi joꞌcaꞌin:

Apocalipsis 2:3

Ninnau nak nabal li raylal xecꞌul saꞌ incꞌabaꞌ la̱in. Abanan nequecuy xnumsinquil. Ut incꞌaꞌ xchꞌinan e̱chꞌo̱l. Ninnau nak cau nequexcꞌanjelac yal xban inra̱bal la̱in.

1 Ts 2:9

La̱ex herma̱n, ac nequenau chanru nak xocꞌanjelac chi kꞌek chi cutan re nak incꞌaꞌ texkachꞌiꞌchꞌiꞌi riqꞌuin li cꞌaꞌru ke ut re nak xru xkaye e̱re resil li colba-ib li naxqꞌue li Dios.

San Juan 4:38

La̱in xexintakla chixkꞌolbal li moco la̱ex ta xexcꞌanjelan re. Jalaneb xeꞌcꞌanjelan re ut la̱ex chic xexyaloc xsahil lix cꞌanjeleb, chan li Jesús reheb.

Tito 2:15

Chixjunil li naꞌleb aꞌin li yo̱quin xtzꞌi̱banquil a̱cuiqꞌuin, aꞌan li ta̱chꞌolob chiruheb. Chaqꞌueheb xnaꞌleb ut chakꞌuseb cui incꞌaꞌ us yo̱queb xban nak tenebanbil saꞌ a̱be̱n xban li Dios xba̱nunquil. Ut ma̱ ani chitzꞌekta̱na̱nk a̱cue.

1 Timoteo 5:20

Ut li ani cuan xma̱c, us xkꞌusbal chiru chixjunileb laj pa̱banel re nak li jun chꞌol chic aj cꞌamol be teꞌxucuak ut teꞌxcꞌoxla chi us li cꞌaꞌru teꞌxba̱nu.

1 Timoteo 5:1

Ma̱kꞌuseb li che̱quel cui̱nk saꞌ joskꞌil. Qꞌueheb ban xnaꞌleb joꞌ la̱ yucuaꞌ cha̱cuu nak ta̱cuileb. Ut chaqꞌueheb ajcuiꞌ xnaꞌleb li sa̱j cui̱nk joꞌqueb a̱cui̱tzꞌin cha̱cuu nak ta̱cuileb.

Filipenses 2:19

Cui li Ka̱cuaꞌ Jesucristo naraj, chi se̱b tintakla laj Timoteo che̱rilbal. Ta̱cꞌojla̱k inchꞌo̱l nak tincuabi e̱resil.

Romanos 16:6

Cheqꞌue xsahil xchꞌo̱l lix María. Aꞌan kꞌaxal nacꞌanjelac saꞌ e̱ya̱nk la̱ex.

Romanos 16:12

Cheqꞌue xsahil xchꞌo̱leb lix Trifena ut lix Trifosa li yo̱queb chi cꞌanjelac saꞌ xcꞌabaꞌ li Ka̱cuaꞌ. Ut cheqꞌue xsahil xchꞌo̱l lix Pérsida, li nakara saꞌ xcꞌabaꞌ li Cristo xban nak aꞌan naxqꞌue xchꞌo̱l chi cꞌanjelac chiru li Dios.

1 Ts 4:1

Ut anakcuan ex inherma̱n, cuan cuiꞌchic cꞌaꞌru nacuaj xtzꞌa̱manquil che̱ru saꞌ xcꞌabaꞌ li Ka̱cuaꞌ Jesucristo. Aꞌan aꞌin: nak chexcua̱nk taxak saꞌ ti̱quilal joꞌ naraj li Dios ut rajlal yo̱kex chixba̱nunquil chi joꞌcan joꞌ xkacꞌut che̱ru la̱o. Ac yo̱quex chixba̱nunquil, abanan kꞌaxal cuiꞌchic te̱ba̱nu.