1 Ts 5:11 - Li Santil hu

¹¹ Joꞌcan ut nak checꞌojob e̱chꞌo̱l che̱ribil e̱rib ut cheqꞌuehak xcacuil e̱chꞌo̱l che̱ribil e̱rib joꞌ li ac yo̱quex chixba̱nunquil.

Q'eqchi Bible

¹¹ Jo'kan naq chek'e xkawub' eech'ool ut chetenq'a eerib' cherib'il eerib', jo' li ak yookex xb'aanunkil.

1 Ts 5:11 ပူးပေါင်းရင်းမြစ်များ

Efesios 4:29

Mex-a̱tinac yibru aj a̱tin. Riqꞌuin ban cha̱bil a̱tin tex-a̱tinak re nak teꞌxqꞌue retal li ani yo̱quex cuiꞌ chi a̱tinac ut te̱tenkꞌaheb.

Hebreos 10:25

Cuanqueb li incꞌaꞌ nequeꞌxic saꞌ li chꞌutubaj ib. Abanan incꞌaꞌ takaba̱nu joꞌ nequeꞌxba̱nu eb aꞌan. Junelic ban takachꞌutub kib re xlokꞌoninquil li Dios. Chikaqꞌue xcacuub li kachꞌo̱l chi kibil kib. Tento takaba̱nu aꞌan xban nak chi se̱b tol-e̱lk li Jesucristo.

Romanos 15:2

Tento takaba̱nu li us reheb li kech aj pa̱banelil re nak teꞌqꞌui̱k saꞌ lix pa̱ba̱l ut re nak sahak saꞌ xchꞌo̱leb.

Hebreos 3:13

Cheqꞌuehak ban e̱naꞌleb che̱ribil e̱rib rajlal cutan nak toj naru xba̱nunquil. Chetenkꞌa e̱rib che̱ribil e̱rib re nak ma̱ jun ta̱balakꞌi̱k xban li ma̱c, xban nak li nabalakꞌi̱c xban li ma̱c incꞌaꞌ chic naraj xba̱nunquil li cꞌaꞌru naraj li Dios.

1 Ts 4:18

Joꞌcan ut nak checꞌojob e̱chꞌo̱l che̱ribil e̱rib riqꞌuineb a a̱tin aꞌin.

Romanos 14:19

Joꞌcan nak chikaqꞌuehak kachꞌo̱l chi cua̱nc saꞌ tuktu̱quil usilal riqꞌuineb li kas ki̱tzꞌin. Ut chikatenkꞌa kib chi kibil kib re nak toqꞌui̱k saꞌ li kapa̱ba̱l.

1 Corintios 14:12

La̱ex nequeraj xcꞌulbal li ma̱tan naxqꞌue li Santil Musikꞌej. Abanan la̱in ninye e̱re chesicꞌak li ma̱tan li natenkꞌan reheb chixjunileb laj pa̱banel.

Efesios 4:12

Quiqꞌueheꞌ xma̱taneb re nak tzꞌakalakeb ru saꞌ xpa̱ba̱leb ut re nak teꞌcꞌanjelak chiru li Dios ut re nak teꞌxtenkꞌaheb laj pa̱banel chi qꞌui̱c saꞌ xpa̱ba̱leb.

San Judas 1:20

Aꞌut la̱ex, ex inherma̱n, cauhak taxak e̱chꞌo̱l saꞌ le̱ santil pa̱ba̱l. Ut chextijok riqꞌuin xcuanquil li Santil Musikꞌej.

Efesios 4:16

Li Cristo, aꞌan najolomin ke la̱o aj pa̱banel ut la̱o joꞌ li rok rukꞌ. Li Cristo, aꞌan nacꞌamoc be chiku ut junajo chic. Chikajunilo chikatenkꞌa kib chi kibil kib re nak toqꞌui̱k saꞌ li kapa̱ba̱l xban nak nakara kib chi kibil kib.

1 Corintios 10:23

Cuan li nequeꞌyehoc re nak naru nakaba̱nu chixjunil li nakaj. Ya̱l nak naru nakaba̱nu, abanan moco chixjunil ta us xba̱nunquil. Ya̱l nak naru xba̱nunquil chixjunil, abanan moco chixjunil ta li cꞌaꞌru nakaba̱nu nocoxtenkꞌa chi qꞌui̱c saꞌ li kapa̱ba̱l.

2 Pedro 1:12

Joꞌcan nak incꞌaꞌ tincanab xjulticanquil e̱re li naꞌleb aꞌin, usta ac chꞌolchꞌo che̱ru lix ya̱lal ut cau chic e̱chꞌo̱l saꞌ le̱ pa̱ba̱l.

2 Corintios 12:19

Ma̱re yal re xcolbal cuib che̱ru nak nequecꞌoxla. Abanan moco joꞌcan ta. Li Dios naxnau chi tzꞌakal nak saꞌ xcꞌabaꞌ li Cristo nina̱tinac. Ex inherma̱n, chixjunil li ninba̱nu, aꞌan re e̱tenkꞌanquil re nak texqꞌui̱k saꞌ le̱ pa̱ba̱l.

1 Corintios 14:29

Cheqꞌueheb chi a̱tinac cuibak malaj oxibak li profeta li nequeꞌyehoc resil li cꞌaꞌru quicꞌuteꞌ chiruheb xban li Dios, ut li jun chꞌol chic teꞌtzꞌilok a̱tin chirix re xnaubal ma riqꞌuin na li Dios xchal chak li xeꞌxye.

Romanos 15:14

Ex herma̱n, la̱in ninnau nak cha̱bilex ut nequenau lix ya̱lal ut nequeqꞌue ajcuiꞌ e̱naꞌleb chi ribil e̱rib.

1 Timoteo 1:4

Ut ta̱ye ajcuiꞌ reheb nak cheꞌxcanabak xcuechꞌinquil rix aniheb lix xeꞌ xto̱naleb xban nak li naꞌleb aꞌan ma̱cꞌaꞌ rosoꞌjic ut ma̱cꞌaꞌ na-oc cuiꞌ. Ta̱ye reheb nak incꞌaꞌ chic teꞌxpa̱b li xeꞌto̱nil naꞌleb. Li naꞌleb aꞌin junes yoꞌoban cuechꞌi̱nc ib naxba̱nu. Incꞌaꞌ nocoxtenkꞌa xba̱nunquil li cꞌanjel qꞌuebil ke xban li Dios. Caꞌaj cuiꞌ li kapa̱ba̱l natenkꞌan ke.

1 Ts 4:10

Us yo̱quex nak nequeraheb chixjunileb li cuanqueb Macedonia. Abanan nintzꞌa̱ma che̱ru, ex herma̱n, nak kꞌaxal cuiꞌchic cheba̱nu chi joꞌcan.

1 Corintios 14:5

Nacuaj raj nak che̱junilex tex-a̱tinak ta saꞌ jalanil a̱tin li incꞌaꞌ natauman ru. Abanan kꞌaxal cuiꞌchic nacuaj raj nak che̱junilex te̱ye resil reheb le̱ ras e̱ri̱tzꞌin saꞌ le̱ ra̱tinoba̱l cꞌaꞌru quicꞌuteꞌ che̱ru xban li Dios. Kꞌaxal us nak te̱ye li ra̱tin li Dios saꞌ le̱ ra̱tinoba̱l chiru li a̱tinac saꞌ jalanil a̱tin li incꞌaꞌ natauman ru. Abanan cui junak naa̱tinac saꞌ jalanil a̱tin, tento nak ta̱jalma̱nk ru li ra̱tin re nak eb laj pa̱banel teꞌxtau ru li cꞌaꞌru tixye ut teꞌtenkꞌa̱k xban.