1 Ts 4:8 - Li Santil hu

⁸ Joꞌcan nak li ani natzꞌekta̱nan re li tijleb aꞌin, ma̱cuaꞌ cui̱nk li naxtzꞌekta̱na. Aꞌ ban li Dios li naqꞌuehoc ke li Santil Musikꞌej, aꞌan li naxtzꞌekta̱na.

Q'eqchi Bible

⁸ Jo'kan naq li natz'eqtaanank re li chaq'rab' a'in, maawa' winq naxtz'eqtaana, a' b'an li Yos, li nak'ehok eere li xSantil Musiq'.

1 Ts 4:8 ပူးပေါင်းရင်းမြစ်များ

1 Juan 3:24

Cui nakapa̱b lix chakꞌrab, la̱o cuanco riqꞌuin li Dios ut li Dios cuan kiqꞌuin. Nakanau nak li Dios cuan kiqꞌuin chi junelic xban li Santil Musikꞌej li qꞌuebil ke.

San Lucas 10:16

Li ani ta̱abi̱nk re le̱ ra̱tin la̱ex, ta̱rabi ajcuiꞌ li cua̱tin la̱in. Ut li ani ta̱tzꞌekta̱na̱nk e̱re la̱ex, tinixtzꞌekta̱na ajcuiꞌ la̱in. Ut li ani natzꞌekta̱nan cue la̱in, naxtzꞌekta̱na ajcuiꞌ li quitaklan chak cue, chan li Jesús.

San Juan 12:48

Tento nak ta̱rakekꞌ a̱tin saꞌ xbe̱neb li nequeꞌtzꞌekta̱nan cue, li incꞌaꞌ nequeꞌpa̱ban re li cꞌaꞌru ninye. Li a̱tin li xinye, aꞌan ajcuiꞌ li ta̱qꞌuehok reheb chixtojbal rix lix ma̱queb saꞌ rosoꞌjiqueb li cutan.

1 Samuel 8:7

Ut li Ka̱cuaꞌ quixye re laj Samuel: —Ba̱nu li yo̱queb chixtzꞌa̱manquil a̱cue li tenamit. Ma̱cuaꞌ la̱at yo̱queb cha̱tzꞌekta̱nanquil. La̱in ban yo̱queb chintzꞌekta̱nanquil xban nak eb aꞌan incꞌaꞌ nequeꞌraj nak la̱in tintakla̱nk saꞌ xbe̱neb.

2 Pedro 1:21

Eb li profeta ma̱ jun cua queꞌxtakla rib xjuneseb. Eb aꞌan sicꞌbileb ru xban li Dios ut queꞌa̱tinac joꞌ quiyeheꞌ chak reheb xban li Santil Musikꞌej.

Proverbios 23:9

Li xbele li naꞌleb, aꞌan aꞌin: Incꞌaꞌ te̱qꞌue xnaꞌleb li incꞌaꞌ nequeꞌxtau xya̱lal, xban nak teꞌxseꞌe li cha̱bil naꞌleb li ta̱qꞌuehekꞌ reheb.

Proverbios 1:7

Li ani ta̱raj ta̱cua̱nk xnaꞌleb, tento nak tixxucua ru li Ka̱cuaꞌ. Eb li ma̱cꞌaꞌeb xnaꞌleb nequeꞌxtzꞌekta̱na li cha̱bil naꞌleb ut nequeꞌxtzꞌekta̱na ajcuiꞌ lix kꞌusbaleb.

San Judas 1:8

Usta nanauman li cꞌaꞌru quixcꞌul li tenamit Sodoma ut Gomorra, abanan toj cuanqueb ajcuiꞌ aj balakꞌ li nequeꞌxpa̱b li yal yoꞌobanbil naꞌleb. Ut nequeꞌxtzꞌajni rib riqꞌuin li ma̱c. Nequeꞌxtzꞌekta̱na lix cuanquil li Ka̱cuaꞌ ut nequeꞌxmajecua li cuanqueb xcuanquil ut li cuanqueb xlokꞌal.

Gálatas 4:6

Re xcꞌutbal chiku nak la̱o chic ralal xcꞌajol, li Dios quixtakla li Santil Musikꞌej re nak ta̱cua̱nk kiqꞌuin. Ut xban nak cuan li Santil Musikꞌej kiqꞌuin, joꞌcan nak naru nakaye re li Dios, “at inYucuaꞌ.”

1 Corintios 7:40

Abanan nincꞌoxla la̱in nak kꞌaxal us raj nak li xma̱lcaꞌan ta̱cana̱k xjunes ut incꞌaꞌ chic ta̱sumla̱k. Li naꞌleb aꞌin li xinye e̱re, aꞌan qꞌuebil cue xban li Santil Musikꞌej.

Romanos 5:5

Li cꞌaꞌru nakayoꞌoni nakanau nak takacꞌul, xban nak kꞌaxal nocoxra li Dios ut naxcꞌut chiku lix nimal xrahom xban li Santil Musikꞌej li qꞌuebil chak ke.

Nehemías 9:30

Nabal chihab cacuyeb xma̱queb. Ut caqꞌue la̱ Santil Musikꞌ reheb la̱ profeta re nak teꞌxchꞌolob lix ya̱lal chiruheb. Abanan incꞌaꞌ queꞌabin. Joꞌcan nak cacanabeb saꞌ rukꞌeb li jalan xtenamiteb.

1 Samuel 10:19

Abanan la̱ex xetzꞌekta̱na li Ka̱cuaꞌ le̱ Dios, li quicoloc e̱re chiruheb li raylal ut li chꞌaꞌajquilal li cuanquex cuiꞌ. Anakcuan la̱ex nequeye: La̱o takaj junak karey, chanquex. Joꞌcan nak anakcuan us te̱chꞌutub e̱rib chiru li Ka̱cuaꞌ chi te̱p, aꞌ yal chanru xqꞌuial li junju̱nk chꞌu̱tal, chan laj Samuel.

1 Pedro 1:12

Li cꞌaꞌru quixcꞌutbesi chak li Dios chiruheb li profeta junxil incꞌaꞌ ta̱cꞌulma̱nk nak toj cuanqueb aꞌan. Ta̱cꞌulma̱nk ban saꞌ li cutan nak cuanquex la̱ex. Eb li profeta queꞌxchꞌolob che̱ru lix ya̱lal aꞌin, li quicꞌuteꞌ chak chiruheb xban li Santil Musikꞌej li taklanbil chak xban li Dios. Ut eb li ángel queꞌraj ajcuiꞌ raj xtaubal ru chixjunil li cꞌaꞌak re ru aꞌin.

1 Corintios 2:10

Aban li Dios quixcꞌutbesi chiku li naꞌleb aꞌin xban li Santil Musikꞌej. Li Santil Musikꞌej naxnau chixjunil lix naꞌleb li Dios li kꞌaxal chꞌaꞌaj xtaubal ru.

Hechos 13:41

Aꞌan aꞌin li queꞌxtzꞌi̱ba li profeta junxil: Cherabihak, la̱ex li nequextzꞌekta̱nan re li cua̱tin. Chisachk e̱naꞌleb ut chex-osokꞌ ta. La̱in yo̱quin chixba̱nunquil jun li sachba chꞌo̱lej saꞌ eb li cutan aꞌin. Li sachba chꞌo̱lej li yo̱quin chixba̱nunquil incꞌaꞌ raj te̱pa̱b cui yal ani ta junak ta̱serakꞌi̱nk e̱re.— (Hab. 1:5)

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

Éxodo 16:8

Laj Moisés quixye ajcuiꞌ reheb: —Rajlal ecuu li Ka̱cuaꞌ Dios tixqꞌue chak le̱ tib re te̱tzaca ut rajlal ekꞌela tixqꞌue chak le̱ cua li joꞌ qꞌuial te̱raj. Li Ka̱cuaꞌ Dios xrabi nak yo̱quex chi cuechꞌi̱nc. ¿Aniho la̱o nak yo̱quex chikacuechꞌinquil? Moco la̱o ta yo̱quex chikacuechꞌinquil. Li Ka̱cuaꞌ Dios ban li yo̱quex chixcuechꞌinquil.—

2 Corintios 1:22

Ut li Dios quixtakla chak li Santil Musikꞌej chi cua̱nc kiqꞌuin chokꞌ retalil nak reho chic. Xban nak li Santil Musikꞌej cuan kiqꞌuin, nakanau chi ya̱l nak takacꞌul chixjunil li quixyechiꞌi ke.