1 Ts 4:7 - Li Santil hu

⁷ Li Dios incꞌaꞌ quixsicꞌ ku re nak yo̱ko chixba̱nunquil li ma̱usilal. Quixsicꞌ ban ku re nak tocua̱nk saꞌ santilal.

Q'eqchi Bible

⁷ Li Yos ink'a' xooxb'oq chi wank sa' tz'ajnij ib', sa' santilal b'an wanqo.

1 Ts 4:7 ပူးပေါင်းရင်းမြစ်များ

Levítico 11:44

La̱in li Ka̱cuaꞌ le̱ Dios. Santobresihomak e̱rib re nak santakex xban nak santin la̱in. Me̱mux e̱rib xbaneb li xul li nequeꞌxjucu ribeb saꞌ chꞌochꞌ.

Efesios 1:4

Nak toj ma̱jiꞌ naxyi̱b chak li ruchichꞌochꞌ li Dios, ac sicꞌbil chak ku xban saꞌ xcꞌabaꞌ li Jesucristo, re nak ti̱cak li kayuꞌam ut ma̱cꞌaꞌak chic kama̱c.

Levítico 19:2

—Ta̱ye reheb chixjunileb laj Israel: Santakex che̱junilex la̱ex xban nak la̱in santin. La̱in li Ka̱cuaꞌ le̱ Dios.

2 Timoteo 1:9

Aꞌan quicoloc ke ut quixsicꞌ chak ku re nak tocꞌanjelak saꞌ ti̱quilal. Ma̱cuaꞌ xban kayehom kaba̱nuhom nak quixsicꞌ ku. Yal xban li rusilal ban, xban nak joꞌcan quiraj. Saꞌ xcꞌabaꞌ li Jesucristo nak quiruxta̱na ku, xban nak ac joꞌcan chak saꞌ xchꞌo̱l junxilaj nak toj ma̱jiꞌ quixyi̱b li ruchichꞌochꞌ.

2 Pedro 2:10

¿Ma tojaꞌ ta chic incꞌaꞌ tixqꞌueheb saꞌ tojba ma̱c li nequeꞌxrahi ru li tzꞌajbe̱tal aj naꞌleb ut nequeꞌxtzꞌekta̱na lix cuanquilal li Cristo? Eb aꞌan joskꞌeb ut kꞌetkꞌeteb. Incꞌaꞌ nequeꞌxucuac chixmajecuanquileb li ángel li cuanqueb saꞌ xnimajcual cuanquilal.

Gálatas 5:19

Cutan saken cꞌaꞌru li incꞌaꞌ us li nakarahi ru xba̱nunquil kajunes. Aꞌan eb aꞌin: muxuc caxa̱r, coꞌbe̱tac yumbe̱tac, ut li xuta̱nalil naꞌleb,

1 Ts 2:3

Moco yo̱co ta chixbalakꞌinquil kib. Tzꞌakal ya̱l ban li yo̱co xyebal e̱re. Moco cuan ta junak kacꞌaꞌux incꞌaꞌ us saꞌ e̱be̱n, chi moco yo̱co ta che̱balakꞌinquil.

Hebreos 12:14

Chexcua̱nk saꞌ tuktu̱quil usilal riqꞌuineb le̱ ras e̱ri̱tzꞌin. Chexcua̱nk saꞌ ti̱quilal ut saꞌ santilal, xban nak cui ma̱cꞌaꞌ e̱santilal ma̱ jokꞌe te̱ril ru li Dios.

Efesios 4:19

Incꞌaꞌ nequeꞌxnau xuta̱nac ut nequeꞌxqꞌue rib chixba̱nunquil li ma̱usilal. Nequeꞌxba̱nu chixjunil li joꞌ ma̱joꞌil aj naꞌleb.

Efesios 4:1

La̱in cuanquin chi pre̱xil xban xyebal resil li Ka̱cuaꞌ Jesucristo. La̱in xintijoc che̱rix ut anakcuan nintzꞌa̱ma che̱ru nak cha̱bilak le̱ yuꞌam joꞌ xcꞌulubeb li ralal xcꞌajol li Dios.

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

Romanos 1:7

Yo̱quin chi tzꞌi̱bac e̱riqꞌuin la̱ex li cuanquex aran saꞌ li tenamit Roma. Raro̱quex ut bokbilex xban li Dios ut la̱ex aj santil pa̱banel. Li usilal ut li tuktu̱quilal chi cua̱nc e̱riqꞌuin xban li Dios Acuabej ut xban li Ka̱cuaꞌ Jesucristo.

1 Corintios 1:2

Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto. Santobresinbilex saꞌ xcꞌabaꞌ li Jesucristo ut sicꞌbil e̱ru xban li Dios chokꞌ ralal xcꞌajol. Ut sicꞌbil ajcuiꞌ ruheb chixjunileb li cuanqueb yalak bar li nequeꞌxya̱ba xcꞌabaꞌ li Jesucristo. Aꞌan li kaDios chikajunilo la̱o li nocopa̱ban re.