1 Ts 4:6 - Li Santil hu

⁶ Ma̱ ani tixmux rib riqꞌuin xmakꞌbal rixakil junak cui̱nk ut ma̱ ani tixmux rib riqꞌuin xmakꞌbal xbe̱lom junak ixk. Incꞌaꞌ teꞌxba̱nu chi joꞌcan xban nak li Ka̱cuaꞌ Jesucristo ta̱rakok a̱tin saꞌ xbe̱n chixjunileb li nequeꞌba̱nun re li naꞌleb aꞌan, joꞌ ac yebil e̱re kaban.

Q'eqchi Bible

⁶ Maa'ani chimaakob'q chiru li ras riitz'in rik'in li na'leb' a'in chi moko chinumtaaq sa' xb'een, xb'aan naq li Yos aj eeqajunel re chixjunil a'in, jo' ak yeeb'il ut ch'olob'anb'il cheru qab'aan.

1 Ts 4:6 ပူးပေါင်းရင်းမြစ်များ

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

Romanos 12:19

Ex herma̱n, ma̱cuaꞌ la̱ex texqꞌuehok re̱kaj li raylal na-ux e̱re. Checanabak ban chixjunil saꞌ rukꞌ li Dios. Caꞌaj cuiꞌ aꞌan laj rakol a̱tin xban nak joꞌcaꞌin tzꞌi̱banbil saꞌ li Santil Hu: Caꞌaj cuiꞌ la̱in naru tinqꞌuehok re̱kaj. Ut la̱in tinrahobtesiheb riqꞌuin li cꞌaꞌru quilajeꞌxba̱nu, chan li Dios. (Deut. 32:35)

Éxodo 20:17

Me̱ra ru rochoch le̱ ras e̱ri̱tzꞌin. Me̱ra ru rixakil le̱ ras e̱ri̱tzꞌin chi moco lix mo̱s cui̱nk, chi moco lix mo̱s ixk. Me̱ra ru lix bo̱yx chi moco lix xul nai̱kan. Ma̱cꞌaꞌ cꞌaꞌ chic re ru re le̱ ras e̱ri̱tzꞌin te̱ra ru.

Romanos 1:18

Li Dios yo̱ chak xjoskꞌil toj saꞌ choxa saꞌ xbe̱neb laj ma̱c. Riqꞌuin lix ma̱usilaleb nequeꞌxtzꞌekta̱na lix ya̱lal ut nequeꞌxmuk ajcuiꞌ chiruheb li ras ri̱tzꞌin.

Proverbios 28:24

Li ani narelkꞌa li cꞌaꞌru cuan re lix naꞌ xyucuaꞌ ut naxye nak moco ma̱c ta li naxba̱nu, aꞌan xcomoneb li nequeꞌsachoc.

Éxodo 20:15

Mex-elkꞌac.

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

Santiago 2:6

La̱ex nequetzꞌekta̱naheb li nebaꞌ ut nequeqꞌue xlokꞌaleb li biom. ¿Ma incꞌaꞌ ta biꞌ nequeqꞌue retal nak li biom, aꞌaneb li nequeꞌrahobtesin e̱re? Ut, ¿ma ma̱cuaꞌeb ta biꞌ li biom li nequeꞌcꞌamoc e̱re saꞌ rakleb a̱tin?

Gálatas 5:21

socue̱nc, camsi̱nc ras ri̱tzꞌin, cala̱c, numcuaꞌac num ucꞌac, ut cꞌaꞌak chic re ru joꞌ eb aꞌin. Yo̱quin cuiꞌchic xyebal e̱re aꞌin, usta ac inyehom ajcuiꞌ e̱re, nak li nequeꞌba̱nun re li cꞌaꞌak re ru aꞌin incꞌaꞌ teꞌre̱chani lix nimajcual cuanquilal li Dios.

Romanos 13:4

Eb aꞌan cuanqueb saꞌ xcꞌanjel xban li Dios re e̱tenkꞌanquil. Cui nequeba̱nu li incꞌaꞌ us, chexxucuak xban nak cuanqueb xcuanquil re teꞌrakok a̱tin saꞌ e̱be̱n xban nak aꞌan xakabanbileb xban li Dios ut nequeꞌxrahobtesi li nequeꞌkꞌetoc re li chakꞌrab.

San Lucas 12:5

La̱in tinye e̱re ani li tento te̱xucua ru. Chexucua̱k ru li Dios li naru ta̱risi xyuꞌam li junju̱nk ut cuan xcuanquil chixtaklanquil li a̱mej saꞌ xbalba. Aꞌan li tento te̱xucua ru.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Ezequiel 22:13

Relic chi ya̱l nak la̱ex xechikꞌ injoskꞌil xban nak xesicꞌ le̱ biomal riqꞌuin xba̱nunquil li ma̱usilal ut xecamsiheb le̱ ras e̱ri̱tzꞌin.

2 Ts 1:8

Chanchan li rakꞌ xam nak ta̱cha̱lk li Ka̱cuaꞌ Jesucristo riqꞌuin xnimal xlokꞌal chi rakoc a̱tin. Tixqꞌueheb chixtojbal xma̱queb li ani incꞌaꞌ nequeꞌpa̱ban re li Dios joꞌ ajcuiꞌ li ani incꞌaꞌ nequeꞌraj rabinquil resilal li colba-ib li naxqꞌue li Ka̱cuaꞌ Jesucristo.

Efesios 5:6

Me̱qꞌue e̱rib chi balakꞌi̱c xbaneb li nequeꞌa̱tinac ut nequeꞌxye nak moco nimla ma̱c ta xba̱nunquil li cꞌaꞌak re ru aꞌin, xban nak nachal xjoskꞌil li Dios saꞌ xbe̱neb li nequeꞌkꞌetoc re li ra̱tin.

Efesios 4:17

Aꞌan aꞌin li tento tinye e̱re. Saꞌ xcꞌabaꞌ li Ka̱cuaꞌ ninye e̱re nak me̱ba̱nu chic joꞌ nequeꞌxba̱nu li incꞌaꞌ nequeꞌpa̱ban. Eb aꞌan nequeꞌxqꞌue xchꞌo̱l chirix li ma̱cꞌaꞌ na-oc cuiꞌ.

San Marcos 10:19

La̱at nacanau cꞌaꞌru naxye li chakꞌrab: Matmuxuc caxa̱r. Ma̱camsi a̱cuas a̱cui̱tzꞌin. Mat-elkꞌac. Matyoꞌoban a̱tin chirix a̱cuas a̱cui̱tzꞌin. Matbalakꞌic. Cha-oxlokꞌi la̱ naꞌ a̱yucuaꞌ.—

Sofonías 3:5

Usta eb li tenamit incꞌaꞌ useb xnaꞌleb, abanan li Dios cuan saꞌ xya̱nkeb ut ti̱c xchꞌo̱l. Aꞌan incꞌaꞌ naxba̱nu cꞌaꞌak re ru incꞌaꞌ us. Rajlal cutan naxcꞌutbesi lix ti̱quilal chiruheb ut junelic naxba̱nu. Abanan li incꞌaꞌ useb xnaꞌleb incꞌaꞌ nequeꞌxnau xuta̱nac.

Sofonías 3:1

Raylal ta̱cha̱lk saꞌ xbe̱n li tenamit Jerusalén xban nak xeꞌxkꞌetkꞌeti rib. Queꞌxba̱nu li incꞌaꞌ us joꞌ queꞌxba̱nu li jalan tenamit ut queꞌxrahobtesi li nebaꞌ.

Jeremías 9:4

Incꞌaꞌ naru te̱cꞌojob e̱chꞌo̱l riqꞌuineb le̱ ras e̱ri̱tzꞌin, usta nequeꞌxye nak eb aꞌan tzꞌakal e̱rami̱g. Chi moco ta̱ru̱k te̱cꞌojob e̱chꞌo̱l riqꞌuin le̱ ras ut le̱ ri̱tzꞌin xban nak li asbej ut li i̱tzꞌinbej nequeꞌbalakꞌin. Eb li amigo nequeꞌyoꞌoban ticꞌtiꞌ.

Jeremías 7:6

Incꞌaꞌ te̱rahobtesi li jalan xtenamiteb, chi moco li ma̱cꞌaꞌ xnaꞌ xyucuaꞌeb ut li xma̱lcaꞌan, chi moco te̱qꞌue chi camsi̱c li ma̱cꞌaꞌ xma̱queb ut incꞌaꞌ te̱bok raylal saꞌ e̱be̱n riqꞌuin nak nequelokꞌoni li yi̱banbil dios.

Isaías 5:7

Li xya̱lal li bich, aꞌan aꞌin: Li racui̱mk li Ka̱cuaꞌ li nimajcual Dios, aꞌan li tenamit Israel. Li racui̱mk, aꞌan li ralal xcꞌajol laj Judá. Aꞌaneb li sicꞌbileb ru xban li Ka̱cuaꞌ. Aꞌan quiroybeni nak teꞌcua̱nk saꞌ ti̱quilal. Abanan, aꞌ chic li xcamsinquileb ribeb queꞌxba̱nu. Ut quiroybeni nak cha̱bilakeb. Aꞌ ban chic lix ya̱b xcꞌuxeb li nequeꞌxrahobtesi quirabi.

Eclesiastés 5:8

Misach e̱chꞌo̱l chirilbal nak saꞌ junak tenamit yo̱k xba̱nunquil raylal reheb li nebaꞌ. Nabal raylal nequeꞌxba̱nu ut incꞌaꞌ nequeꞌrakoc a̱tin saꞌ ti̱quilal xban nak li cuan saꞌ xcuanquil taklanbil xban li nim xcuanquil chiru aꞌan. Ut li jun, li nim xcuanquil, taklanbil ajcuiꞌ xban jun chic kꞌaxal nim xcuanquil.

Proverbios 20:23

Li bisleb incꞌaꞌ tzꞌakal moco us ta. Li Ka̱cuaꞌ xicꞌ naril nak junak incꞌaꞌ tzꞌakal nabisoc.

Proverbios 20:14

Laj lokꞌonel naxye: “Incꞌaꞌ us la̱ cꞌay.” Abanan nak ac x-el riqꞌuin laj cꞌay naxye nak us li xlokꞌ.

Proverbios 11:1

Li Ka̱cuaꞌ sa xchꞌo̱l riqꞌuin li ani nabisoc chi tzꞌakal. Abanan xicꞌ narileb li ani incꞌaꞌ nequeꞌbisoc chi tzꞌakal.

Salmos 140:12

La̱in ninnau nak li nimajcual Dios incꞌaꞌ naxcanab yal chi joꞌcan li raylal li nequeꞌxcꞌul li rahobtesinbileb. Naxcoleb ban li teꞌraj tenkꞌa̱c.

Salmos 94:1

At nimajcual Dios, la̱at li nacatqꞌuehoc re̱kaj li ma̱usilal li nequeꞌxba̱nu li incꞌaꞌ useb xnaꞌleb. Cꞌutbesi la̱ joskꞌil chiruheb.

Deuteronomio 32:35

Cuulac re xkꞌehil nak li Ka̱cuaꞌ tixqꞌue re̱kaj reheb li incꞌaꞌ us queꞌxba̱nu ut telajeꞌtꞌanekꞌ. Cuulac re xkꞌehil nak teꞌsachekꞌ ruheb ut teꞌosokꞌ.

Deuteronomio 24:7

Cui junak li cui̱nk ta̱relkꞌa li rech aj Israelil ut tixqꞌue joꞌ jun lix mo̱s malaj ut naxcꞌayi, tento nak ta̱camsi̱k li ani qui-elkꞌan re. Tento nak te̱risi saꞌ e̱ya̱nk chixjunil li ma̱usilal aꞌan.

Levítico 25:17

Me̱balakꞌi e̱rib chi ribil e̱rib. Chexucua ban cuu la̱in li Ka̱cuaꞌ le̱ Dios.

Levítico 25:14

Cui te̱cꞌayi le̱ chꞌochꞌ reheb le̱ rech tenamitil, malaj ut te̱lokꞌ e̱chꞌochꞌ, me̱balakꞌi e̱rib chi ribil e̱rib.

Levítico 19:13

Me̱rahobtesiheb le̱ ras e̱ri̱tzꞌin, chi moco te̱relkꞌa li cꞌaꞌru reheb. Ut te̱toj le̱ mo̱s saꞌ xkꞌehil. Me̱canab chokꞌ re cuulaj.

Levítico 19:11

Mex-elkꞌac, mexbalakꞌic, ut me̱ticꞌtiꞌi e̱rib chi ribil e̱rib.

Efesios 4:28

Li ani na-elkꞌac incꞌaꞌ chic chi elkꞌac. Chi cꞌanjelac ban saꞌ xya̱lal re nak cua̱nk li cꞌaꞌru tixsi reheb li ma̱cꞌaꞌ cuanqueb re.

Miqueas 2:2

Nequeꞌxrahi ru li chꞌochꞌ jalan aj e toj retal nequeꞌxmakꞌ chiruheb. Ut nequeꞌxmakꞌ li rochocheb ut nequeꞌxcꞌam chokꞌ reheb. Nequeꞌxrahobtesi laj e̱chal re joꞌqueb ajcuiꞌ li ralal xcꞌajol ut nequeꞌxcꞌam chixjunil li cꞌaꞌru cuan reheb.

Proverbios 16:11

Li ani nabisoc chi tzꞌakal re ru, aꞌan naxba̱nu joꞌ naraj li Ka̱cuaꞌ. Ut li Ka̱cuaꞌ naraj nak li cristian teꞌbisok chi tzꞌakal re ru.

San Lucas 16:28

Aran cuanqueb o̱b li cui̱tzꞌin. Chatakla xchꞌolobanquil xya̱lal chiruheb re nak eb aꞌan incꞌaꞌ teꞌcha̱lk saꞌ li naꞌajej aꞌin chi cꞌuluc raylal,” chan.

2 Corintios 7:11

Qꞌuehomak retal chanru nak xextenkꞌa̱c xban nak xecuy li raylal joꞌ naraj li Dios. Quixqꞌue xcacuil e̱chꞌo̱l saꞌ le̱ pa̱ba̱l. Anakcuan nequeraj rilbal cuu ut nequeraj xpatzꞌbal xcuybal le̱ ma̱c. Nachal chic e̱joskꞌil ut e̱xiu xban li incꞌaꞌ us li nequeꞌxba̱nu li cuanqueb saꞌ e̱ya̱nk. Nequeraj nak laj ma̱c teꞌxtoj rix lix ma̱queb. Riqꞌuin chixjunil aꞌin nacꞌutun nak la̱ex ma̱cꞌaꞌ e̱ma̱c riqꞌuin li cꞌaꞌru quicꞌulman.

1 Ts 2:11

Joꞌ naxba̱nu junak li yucuaꞌbej riqꞌuineb li ralal xcꞌajol, joꞌcan ajcuiꞌ xkaba̱nu la̱o e̱riqꞌuin nak xkaqꞌue e̱naꞌleb che̱junju̱nkalex.

Hebreos 2:6

Joꞌcaꞌin tzꞌi̱banbil saꞌ li Santil Hu: At inDios, li cui̱nk ma̱cꞌaꞌ xcuanquil. ¿Cꞌaꞌut nak nacacꞌoxlaheb? Li cui̱nk ma̱cꞌaꞌeb xcuanquil. ¿Cꞌaꞌut nak nacaqꞌue a̱chꞌo̱l chirixeb?