1 Ts 4:14 - Li Santil hu

¹⁴ La̱o nakapa̱b nak li Jesús quicam ut quicuacli cuiꞌchic chi yoꞌyo. Ut nakapa̱b ajcuiꞌ nak li joꞌ qꞌuialeb queꞌpa̱ban re li Cristo, li Dios tixcuaclesiheb cuiꞌchic chi yoꞌyo saꞌ xya̱nkeb li camenak ut tixcꞌameb chak rochben nak ta̱cha̱lk cuiꞌchic li Jesucristo.

Q'eqchi Bible

¹⁴ Ma ink'a' tab'i' naqapaab' naq li Jesus kikamk ut kiwakliik wi' chik chi yo'yo? Jo'kan naq li Yos tixk'ameb' rik'in li Jesus eb' li xe'kamk sa' xk'ab'a' A'an.

1 Ts 4:14 ပူးပေါင်းရင်းမြစ်များ

Romanos 8:11

Li Santil Musikꞌej, aꞌan li quicuaclesin cuiꞌchic re chi yoꞌyo li Cristo saꞌ xya̱nkeb li camenak. Cui li Santil Musikꞌej quicuaclesin re li Cristo, aꞌan ajcuiꞌ ta̱cuaclesi̱nk re le̱ tzꞌejcual chi yoꞌyo re li junelic yuꞌam xban nak li Santil Musikꞌej cuan e̱riqꞌuin.

Isaías 26:19

Abanan eb la̱ tenamit li queꞌcam teꞌcuacli̱k cuiꞌchic chi yoꞌyo. Chixjunileb li cuanqueb saꞌ li mukleba̱l teꞌcuacli̱k cuiꞌchic chi yoꞌyo ut teꞌxjap reheb xban xsahil xchꞌo̱leb. Li Ka̱cuaꞌ tixcuaclesiheb cuiꞌchic chi yoꞌyo li camenak joꞌ nak li xchuꞌque naxqꞌueheb chi yoꞌla̱c li acui̱mk.

1 Ts 4:13

Nakaj ut ex herma̱n nak te̱tau xya̱lal chirixeb li ac xeꞌcam re nak incꞌaꞌ ta̱rahokꞌ e̱chꞌo̱l joꞌ nequeꞌxba̱nu li jun chꞌol chic li ma̱cꞌaꞌ nequeꞌroybeni.

1 Ts 3:13

Aꞌ taxak li Dios li kaYucuaꞌ chiqꞌuehok xcacuil e̱chꞌo̱l. Tzꞌakalak taxak re ru le̱ pa̱ba̱l. Ma̱cꞌaꞌak taxak e̱ma̱c chiru li Dios nak ta̱cha̱lk li Jesucristo rochbeneb li ac colbileb.

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Apocalipsis 14:13

Ut quicuabi jun yo̱ chi a̱tinac saꞌ choxa ut quixye cue: —Tzꞌi̱ba li a̱tin aꞌin: Chalen anakcuan us xak reheb li nequeꞌcam, li ac xeꞌxpa̱b li Ka̱cuaꞌ. Ya̱l. Us xak reheb, chan li Santil Musikꞌej, xban nak teꞌhila̱nk chixba̱nunquil li cha̱bil cꞌanjel li ac xeꞌxba̱nu ut teꞌxcꞌul xkꞌajca̱munquil.—

1 Ts 4:17

Acaꞌ chic la̱o li toj yoꞌyo̱ko tosapu̱k takecꞌ saꞌ li chok kochbenakeb aꞌan re xcꞌulbal li Ka̱cuaꞌ Jesucristo saꞌ ikꞌ. Ut cua̱nko junelic riqꞌuin li Ka̱cuaꞌ Jesucristo.

San Mateo 24:31

Ut nak ta̱ecꞌa̱nk chak chi cau li trompeta, tintaklaheb lin ángel. Ut teꞌxchꞌutub li sicꞌbileb ru inban li cua̱nkeb yalak bar jun sut rubel choxa jun sut saꞌ ruchichꞌochꞌ.

2 Ts 2:1

Ex inherma̱n, anakcuan tinchꞌolob xya̱lal che̱ru chirix lix cꞌulunic li Ka̱cuaꞌ Jesucristo ut lix chꞌutubanquil kib riqꞌuin.

Zacarías 14:15

Li raylal li teꞌxcꞌul li teꞌrahobtesi̱nk re li tenamit Jerusalén, teꞌxcꞌul ajcuiꞌ lix cacua̱yeb, lix mu̱leb, ut lix camelleb, ut lix bu̱reb, joꞌqueb ajcuiꞌ chixjunil li xul li queꞌcꞌanjelac chiruheb saꞌ li ple̱t.

Génesis 49:19

Ut laj Jacob quixye re laj Gad: —La̱at, Gad, joꞌ eb ajcuiꞌ la̱ cualal a̱cꞌajol, cauhak e̱rib chiruheb li xicꞌ teꞌilok e̱re ut incꞌaꞌ textꞌanekꞌ saꞌ rukꞌ eb aꞌan nak tateꞌxpleti. Aban la̱at chic ta̱pleti eb aꞌan.

Romanos 14:9

Joꞌcan nak quicam li Jesucristo, ut quicuacli cuiꞌchic chi yoꞌyo re nak aꞌanak li Ka̱cuaꞌ reheb li yoꞌyo̱queb joꞌ eb ajcuiꞌ li camenakeb.