1 Ts 4:13 - Li Santil hu

¹³ Nakaj ut ex herma̱n nak te̱tau xya̱lal chirixeb li ac xeꞌcam re nak incꞌaꞌ ta̱rahokꞌ e̱chꞌo̱l joꞌ nequeꞌxba̱nu li jun chꞌol chic li ma̱cꞌaꞌ nequeꞌroybeni.

Q'eqchi Bible

¹³ Ex qas qiitz'in, ink'a' naqaj naq q'oqyinaq ru leena'leb' chirixeb' li kamenaq re naq ink'a' chiraho'q leech'ool jo'keb' li junch'ol li maak'a' neke'royb'eni.

1 Ts 4:13 ပူးပေါင်းရင်းမြစ်များ

Daniel 12:2

Ut nabaleb li ac camenakeb teꞌcuacli̱k cuiꞌchic. Cuan li teꞌxcꞌul li yuꞌam chi junelic ut cuan li xuta̱nal teꞌxcꞌul nak teꞌxic saꞌ li tojba ma̱c chi junelic.

1 Ts 5:10

Aꞌan quicam saꞌ kacꞌabaꞌ re nak usta yoꞌyo̱co usta ac camenako chic nak ta̱cꞌulu̱nk, ta̱cua̱nk kayuꞌam chi junelic kochben aꞌan.

1 Ts 4:15

Aꞌin ra̱tin li Ka̱cuaꞌ Jesucristo nakaye e̱re, nak cui la̱o toj yoꞌyo̱ko saꞌ lix cꞌulunic li Ka̱cuaꞌ Jesucristo, ma̱cuaꞌ la̱o li tocꞌamekꞌ xbe̱n cua. Aꞌ li ac camenakeb, aꞌan eb li teꞌcꞌamekꞌ xbe̱n cua riqꞌuin li Ka̱cuaꞌ.

Efesios 2:12

Junxil moco cuan ta li Cristo e̱riqꞌuin ut ma̱cuaꞌex xcomoneb laj Israel. Incꞌaꞌ querabi resil li contrato li quiyehoc resil lix cꞌulunic laj Colonel. Cuanquex arin saꞌ ruchichꞌochꞌ chi ma̱cꞌaꞌ cꞌaꞌru yo̱quex chiroybeninquil ut chi ma̱cꞌaꞌ li Dios e̱riqꞌuin.

2 Pedro 3:4

Eb aꞌan teꞌxye: Li Jesucristo quixye nak ta̱cha̱lk. ¿Bar ta cuan? ¿Ma ac xcꞌulun ta? Chalen chak xcamiqueb li kaxeꞌ kato̱n chixjunil li cꞌaꞌak re ru cuan ajcuiꞌ anakcuan joꞌ nak quicuan chak chalen chak saꞌ xticlajic li ruchichꞌochꞌ, chaꞌkeb.

1 Corintios 15:6

Ut chirix chic aꞌan quixcꞌut rib chiruheb numenak o̱b ciento chi aj pa̱banel nak chꞌutchꞌu̱queb. Saꞌ xya̱nkeb aꞌan cuanqueb nabaleb toj yoꞌyo̱queb anakcuan ut cuanqueb ajcuiꞌ li ac camenakeb.

Hechos 7:60

Quixcuikꞌib rib, quixjap re chi cau ut quixye: —At Ka̱cuaꞌ, ma̱qꞌue li ma̱c aꞌin saꞌ xbe̱neb.— Ut nak quixye aꞌan, quicam.

Ezequiel 37:11

Ut quixye cuiꞌchic cue li Ka̱cuaꞌ: —At ralal cui̱nk, eb li bak aꞌin, aꞌan retalileb chixjunileb li ralal xcꞌajol laj Israel. Eb aꞌan nequeꞌxye, “Xchakic li kabakel. Ma̱cꞌaꞌ chic cꞌaꞌru nakayoꞌoni. Ac xo-osoꞌ,” chanqueb.

2 Corintios 1:8

Ex inherma̱n, nacuaj nak te̱nau joꞌ qꞌuial li raylal xkacꞌul saꞌ li naꞌajej Asia. Kꞌaxal ra xkacꞌul chak ut xkacꞌoxla nak incꞌaꞌ chic takacuy xnumsinquil. La̱o xkacꞌoxla nak incꞌaꞌ chic toeꞌxcanab chi yoꞌyo.

1 Corintios 10:1

Ex inherma̱n, la̱in nacuaj nak texcꞌoxlak caꞌchꞌinak chirix li cꞌaꞌru queꞌxcꞌul li kaxeꞌto̱nil yucuaꞌ nak queꞌel saꞌ li tenamit Egipto. Li Dios quixtakla li chok chi cꞌamoc be chiruheb ut chixjunileb queꞌnumeꞌ jun pacꞌal li Caki Palau nak quixjach rib re teꞌnumekꞌ.

Romanos 1:13

Ex herma̱n, nacuaj nak te̱nau nak nabal sut nincꞌoxla raj xic e̱riqꞌuin, abanan toj ma̱jiꞌ naru ninxic. Ma̱re cuan raj teꞌpa̱ba̱nk aran nak teꞌrabi ra̱tin li Dios li tinchꞌolob xya̱lal chiruheb joꞌ nak queꞌpa̱ban chak chicuu saꞌ eb li tenamit quinnumeꞌ cuiꞌ chak.

Hechos 13:36

Relic chi ya̱l laj David nak toj yoꞌyo̱k quicꞌanjelac chiru lix tenamit joꞌ quiraj li Dios. Quicam ut quimukeꞌ chixcꞌatk lix xeꞌto̱nil yucuaꞌ ut quikꞌa lix tibel.

San Juan 11:24

Ut lix Marta quixye: —La̱in ninnau nak ta̱cuacli̱k cuiꞌchic chi yoꞌyo nak teꞌcuacli̱k li camenak saꞌ rosoꞌjiqueb li cutan, chan.

2 Pedro 3:8

Abanan ex herma̱n, la̱ex li raro̱quex inban, chetau taxak ru aꞌin: Nak li jun cutan chiru li Ka̱cuaꞌ aꞌan joꞌ li jun mil chihab chiku la̱o, ut li jun mil chihab joꞌ li jun cutan chiru li Dios.

Hechos 8:2

Cuib oxib laj pa̱banel queꞌmukuc re laj Esteban ut cꞌajoꞌ nak queꞌrahoꞌ xchꞌo̱leb xban lix camic.

Proverbios 14:32

Li ani incꞌaꞌ useb xnaꞌleb, aꞌ ajcuiꞌ lix ma̱usilaleb nasachoc reheb. Ut eb li ti̱c xchꞌo̱leb incꞌaꞌ nequeꞌxxucua ru li ca̱mc xban nak cuan li cꞌaꞌru nequeꞌroybeni.

1 Reyes 2:10

Laj David quicam ut coxixtauheb lix xeꞌto̱nil yucuaꞌ. Ut quimukeꞌ Jerusalén saꞌ lix tenamit.

1 Reyes 1:21

Cui la̱at incꞌaꞌ ta̱ye ani ta̱oc chokꞌ rey, teꞌxcamsi laj Salomón ut tineꞌxcamsi ajcuiꞌ la̱in, chan.

Levítico 19:28

Me̱set le̱ tibel xban xrahil e̱chꞌo̱l chirix junak camenak. Ut incꞌaꞌ te̱qꞌue e̱retalil saꞌ le̱ tibel. La̱in li Ka̱cuaꞌ le̱ Dios xinyehoc re aꞌin.

San Mateo 27:52

Quilajeꞌteli li queꞌmukeꞌ cuiꞌ li camenak ut nabaleb li ti̱queb xchꞌo̱l queꞌcuacli cuiꞌchic chi yoꞌyo.

1 Corintios 12:1

Ex inherma̱n, la̱in nacuaj nak te̱tau ru lix ya̱lal li ma̱tan li naxqꞌue li Santil Musikꞌej re li junju̱nk re nak ta̱cꞌanjelak chiru li Dios.

Li xHu LAJ JOB 1:21

Ut quixye: —Ma̱cꞌaꞌ cuan cue saꞌ li ruchichꞌochꞌ aꞌin nak quinyoꞌla ut ma̱cꞌaꞌ ajcuiꞌ tincꞌam chicuix nak tinca̱mk. Li Ka̱cuaꞌ xqꞌuehoc cue chixjunil li cꞌaꞌru cuan cue ut aꞌan x-isin re chicuu. Lokꞌoninbil taxak xcꞌabaꞌ li Ka̱cuaꞌ, chan.

2 Samuel 18:33

Cꞌajoꞌ nak quirahoꞌ xchꞌo̱l laj David. Co̱ xjunes saꞌ li naꞌajej saꞌ xbe̱n li oqueba̱l ut cꞌajoꞌ nak quiya̱bac. Nak yo̱ chi xic, quixye: —¡At Absalón, at cualal! ¡At Absalón, at cualal! Us raj nak la̱in xincam ut la̱at toj yoꞌyo̱cat. ¡At Absalón, at cualal! chan.

Génesis 37:35

Ut chixjunileb li ralal xcꞌajol queꞌoc chixcꞌojobanquil xchꞌo̱l lix yucuaꞌeb. Abanan laj Jacob incꞌaꞌ quixcꞌojob xchꞌo̱l ut quixye: —La̱in incꞌaꞌ ta̱cꞌojla̱k inchꞌo̱l chalen nak tinca̱mk ut tintau li cualal li ac camenak, chan. Ut li yucuaꞌbej junelic naya̱bac chirix laj José.

Efesios 2:3

Joꞌcan ajcuiꞌ la̱o aj judío. Junxil xkaba̱nu chak li ma̱usilal li naxrahi ru li kachꞌo̱l xba̱nunquil. Xkaba̱nu li incꞌaꞌ us li xkaj xba̱nunquil kajunes. Joꞌcan nak tento raj takacꞌul xtojbal li kama̱c joꞌ eb chixjunileb li incꞌaꞌ nequeꞌraj pa̱ba̱nc.

1 Ts 4:14

La̱o nakapa̱b nak li Jesús quicam ut quicuacli cuiꞌchic chi yoꞌyo. Ut nakapa̱b ajcuiꞌ nak li joꞌ qꞌuialeb queꞌpa̱ban re li Cristo, li Dios tixcuaclesiheb cuiꞌchic chi yoꞌyo saꞌ xya̱nkeb li camenak ut tixcꞌameb chak rochben nak ta̱cha̱lk cuiꞌchic li Jesucristo.

1 Ts 5:6

Junelic yoꞌon taxak cua̱nko ut yo̱ko taxak chiroybeninquil lix cꞌulunic li Jesucristo. Incꞌaꞌ takaba̱nu joꞌ nequeꞌxba̱nu li jun chꞌol chic. Aj-ajak ban ku saꞌ li kapa̱ba̱l.

Levítico 21:2

Abanan naru teꞌxchꞌeꞌ li camenak cui aꞌan lix naꞌ, lix yucuaꞌ, li ralal ut lix rabin, ut li ras ut li ri̱tzꞌin.