1 Ts 4:11 - Li Santil hu

¹¹ Cheqꞌuehak e̱chꞌo̱l chi cua̱nc saꞌ xya̱lal. Me̱chꞌiꞌchꞌiꞌi li ani cuan cꞌaꞌru re. Chexcꞌanjelak re nak ta̱cua̱nk cꞌaꞌru e̱re re xnumsinquil li cutan junju̱nk joꞌ xexkatakla cuiꞌ.

Q'eqchi Bible

¹¹ Yalyooq eeq'e chi wank sa' li tuqtuukilal; cheb'aanu li k'aru tento xb'aanunkil ut chexk'anjelaq rik'in eeruq' jo' chanru chaq'rab'inb'ilex qab'aan,

1 Ts 4:11 ပူးပေါင်းရင်းမြစ်များ

Efesios 4:28

Li ani na-elkꞌac incꞌaꞌ chic chi elkꞌac. Chi cꞌanjelac ban saꞌ xya̱lal re nak cua̱nk li cꞌaꞌru tixsi reheb li ma̱cꞌaꞌ cuanqueb re.

Eclesiastés 4:6

Us nak naxba̱nu chi joꞌcan. Us nak kꞌalkꞌo rukꞌ saꞌ rochoch chiru nak tixcamsi rib chi cꞌanjelac chi ma̱cꞌaꞌ rajbal xban nak aꞌan junes raylal naxqꞌue.

1 Pedro 3:4

Li tzꞌakal xchꞌinaꞌusal li junju̱nk, aꞌan lix ti̱quilal xchꞌo̱l ut lix tu̱lanil. Aꞌan incꞌaꞌ na-osoꞌ. Li ti̱quil chꞌo̱lej ut li tu̱lanil, aꞌaneb li kꞌaxal lokꞌ chiru li Dios.

Tito 3:14

Eb li kech aj pa̱banelil tento nak teꞌxtzol rib xba̱nunquil li usilal ut teꞌxtzol ajcuiꞌ xtenkꞌanquileb li tenkꞌa̱c teꞌraj re nak incꞌaꞌ ta̱cana̱k chi ma̱cꞌaꞌ rajbal lix pa̱ba̱leb.

1 Timoteo 2:2

Chextijok chirixeb li rey ut chixjunileb li cuanqueb saꞌ xcuanquil re nak cua̱nko saꞌ xya̱lal ut tuktu̱k kachꞌo̱l. Ut ma̱cꞌaꞌ taxak ta̱chꞌiꞌchꞌiꞌi̱nk ke saꞌ li kapa̱ba̱l ut ti̱cak taxak li kachꞌo̱l.

Lamentaciones 3:26

Kꞌaxal us nak junak ta̱roybeni nak ta̱tenkꞌa̱k xban li Ka̱cuaꞌ. Ut incꞌaꞌ yo̱k chixcuechꞌinquil li cꞌaꞌru naxba̱nu.

Proverbios 17:1

Kꞌaxal us li tzaca̱nc saꞌ nebaꞌil chi sa saꞌ kachꞌo̱l chiru nak yo̱ko chi ninkꞌei̱c rajlal ut yo̱ko chi pletic.

1 Corintios 4:12

Cau nocotrabajic re xnumsinquil li cutan junju̱nk. Nak nequeꞌxba̱nu ma̱usilal ke, la̱o nakaba̱nu usilal reheb. Ra nequeꞌxba̱nu ke li xicꞌ nequeꞌiloc ke ut nakacuy xnumsinquil li raylal li nequeꞌxba̱nu ke.

1 Pedro 4:15

Cheqꞌuehak retal: mexma̱cob. Xuta̱nal chokꞌ e̱re nak te̱cꞌul junak raylal xban elkꞌac, malaj ut xban li camsi̱nc, malaj ut xban li yoꞌoba̱nc chꞌaꞌajquilal saꞌ xya̱nkeb le̱ ras e̱ri̱tzꞌin, malaj ut xban xba̱nunquil cꞌaꞌak chic re ru incꞌaꞌ us.

1 Timoteo 5:13

Ut joꞌ cuiꞌ anchal nequeꞌxtzol ribeb chi subuc cutan nak nequeꞌxic saꞌ li junju̱nk chi cab. Ut ma̱cuaꞌ caꞌaj cuiꞌ subuc cutan nequeꞌxba̱nu. Nequeꞌxtzol aj ban cuiꞌ li moloc a̱tin ut li qꞌuehoc etal ut nequeꞌxye li moco yehecꞌ ta naraj.

2 Corintios 5:9

Joꞌcan nak junelic nakaqꞌue kachꞌo̱l chixba̱nunquil li cꞌaꞌru naraj li Ka̱cuaꞌ usta cuanco arin saꞌ ruchichꞌochꞌ malaj saꞌ li Santil Choxa.

Romanos 12:11

Qꞌuehomak e̱chꞌo̱l chi cꞌanjelac chiru li Ka̱cuaꞌ. Mexcꞌanjelac chi yal minbil e̱ru. Chexcꞌanjelak ban chiru li Ka̱cuaꞌ chi anchal e̱chꞌo̱l.

Hechos 20:35

Riqꞌuin chixjunil li xinba̱nu, xincꞌut che̱ru chanru xtenkꞌanquileb li teꞌraj tenkꞌa̱c. Chijulticokꞌ ke li quixye li Ka̱cuaꞌ Jesús: Kꞌaxal us li qꞌuehoc chiru li cꞌuluc, chan.

San Marcos 13:34

Chanchan jun li cui̱nk najt co̱ saꞌ xvia̱j. Toj ma̱jiꞌ naxic nak quixqꞌueheb xcuanquileb laj cꞌanjel chiru. Quixcanab xcꞌanjel li junju̱nk. Ut quixye re laj ilol cab nak junelic yoꞌon cua̱nk.

Romanos 15:20

Joꞌcan nak quinqꞌue inchꞌo̱l chixyebal resil li Jesucristo bar toj ma̱jiꞌ rabiomeb resil xban nak incꞌaꞌ nacuaj cꞌanjelac saꞌ li naꞌajej ac tiquibanbil cuiꞌ cꞌanjelac junxil.

Hechos 18:3

Ut quicana rochbeneb chi cꞌanjelac xban nak juntakꞌe̱t li cꞌanjel nequeꞌxba̱nu. Nequeꞌyi̱ban tꞌicr re muheba̱l.

Proverbios 17:14

Li xtiquibanquil jun li ple̱t chanchan xtebal jun rok li haꞌ xban nak junpa̱t naniman ru. Joꞌcan nak kꞌaxal us chokꞌ e̱re nak incꞌaꞌ te̱chꞌic e̱rib saꞌ li ple̱t.