1 Ts 4:1 - Li Santil hu

¹ Ut anakcuan ex inherma̱n, cuan cuiꞌchic cꞌaꞌru nacuaj xtzꞌa̱manquil che̱ru saꞌ xcꞌabaꞌ li Ka̱cuaꞌ Jesucristo. Aꞌan aꞌin: nak chexcua̱nk taxak saꞌ ti̱quilal joꞌ naraj li Dios ut rajlal yo̱kex chixba̱nunquil chi joꞌcan joꞌ xkacꞌut che̱ru la̱o. Ac yo̱quex chixba̱nunquil, abanan kꞌaxal cuiꞌchic te̱ba̱nu.

Q'eqchi Bible

¹ Chirix chik a'in, ex qas qiitz'in, naqatz'aama naqelaji cheru sa' xk'ab'a' li Qaawa' Jesus naq chexwanq jo' nawulak chiru li Yos, jo' chanru tzolb'ilex wi' qab'aan. Ak yookex xb'aanunkil chi jo'kan, ab'anan q'axal wi' chik cheb'aanu.

1 Ts 4:1 ပူးပေါင်းရင်းမြစ်များ

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.

2 Ts 1:3

Ex inherma̱n, incꞌaꞌ nakacanab xbantioxinquil chiru li Dios saꞌ e̱cꞌabaꞌ la̱ex. Tento takabantioxi chiru li Dios xban nak yo̱ chi cacuu̱c e̱chꞌo̱l saꞌ le̱ pa̱ba̱l ut kꞌaxal cuiꞌchic nequera e̱rib che̱ribil e̱rib.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

Hebreos 13:16

Misach saꞌ e̱chꞌo̱l xba̱nunquil li usilal ut xtenkꞌanquil e̱rib che̱ribil e̱rib xban nak aꞌan jun li mayej nacuulac chiru li Dios.

Filipenses 1:9

Ut li nintzꞌa̱ma chiru li Dios nak nintijoc che̱rix, aꞌan aꞌin: nak kꞌaxal cuiꞌchic cherahak e̱rib chi ribil e̱rib. Ut chinumta̱k taxak li rahoc ut chiqꞌuehekꞌ taxak e̱naꞌleb re xtaubal bar cuan li tzꞌakal ya̱l.

1 Ts 3:12

Aꞌ taxak li Ka̱cuaꞌ chitenkꞌa̱nk e̱re re nak te̱ra e̱rib che̱ribil e̱rib ut chi anchal e̱chꞌo̱l cherahak taxak le̱ ras e̱ri̱tzꞌin joꞌ nak nequexkara la̱ex.

Filipenses 3:14

Ninyal inkꞌe chire̱chaninquil lin ma̱tan joꞌ nak naxyal xkꞌe junak chi a̱linac re ta̱re̱chani lix kꞌajca̱munquil. Abanan li tincue̱chani la̱in, aꞌan li junelic yuꞌam li naxyechiꞌi li Dios reheb li nequeꞌpa̱ban re li Jesucristo.

1 Juan 3:22

Ut yalak cꞌaꞌru takatzꞌa̱ma chiru, tixqꞌue ke xban nak yo̱co chixpa̱banquil lix chakꞌrab ut nakaba̱nu li cꞌaꞌru nacuulac chiru li Dios.

Efesios 4:1

La̱in cuanquin chi pre̱xil xban xyebal resil li Ka̱cuaꞌ Jesucristo. La̱in xintijoc che̱rix ut anakcuan nintzꞌa̱ma che̱ru nak cha̱bilak le̱ yuꞌam joꞌ xcꞌulubeb li ralal xcꞌajol li Dios.

2 Corintios 13:11

Anakcuan ex inherma̱n, texinchakꞌrabi riqꞌuin a a̱tin aꞌin: Jalomak le̱ cꞌaꞌux re nak tzꞌakalak e̱re e̱ru. Cheqꞌuehak retal li joꞌ qꞌuial xinye e̱re. Junajak taxak le̱ cꞌaꞌux ut chexcua̱nk saꞌ xya̱lal chi ribil e̱rib. Ut cua̱nk e̱riqꞌuin li Dios li narahoc ke ut naxqꞌue ke li tuktu̱quil usilal.

1 Corintios 15:58

Joꞌcan ut ex inherma̱n, raro̱quex inban, cauhak taxak e̱chꞌo̱l saꞌ le̱ pa̱ba̱l. Michꞌinan le̱ chꞌo̱l. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ. Ut chenauhak nak li joꞌ qꞌuial te̱ba̱nu saꞌ xcꞌabaꞌ li Ka̱cuaꞌ cuan rajbal.

Li xHu LAJ JOB 17:9

Abanan li ti̱c xchꞌo̱l cau cua̱nk saꞌ lix pa̱ba̱l ut xban nak ti̱c xchꞌo̱l, cauhak rib.

2 Ts 3:1

Ut anakcuan ex inherma̱n, cuan cuiꞌchic cꞌaꞌru nacuaj xtzꞌa̱manquil che̱ru. Nintzꞌa̱ma che̱ru nak textijok chikix re nak ta̱yema̱nk li ra̱tin li Ka̱cuaꞌ Jesucristo yalak bar ut cheꞌxqꞌue xlokꞌal ut cheꞌpa̱ba̱nk taxak joꞌ nak quexpa̱ban la̱ex.

2 Ts 2:1

Ex inherma̱n, anakcuan tinchꞌolob xya̱lal che̱ru chirix lix cꞌulunic li Ka̱cuaꞌ Jesucristo ut lix chꞌutubanquil kib riqꞌuin.

Colosenses 2:6

La̱ex xepa̱b li Cristo ut aꞌan chic yal re saꞌ e̱be̱n. Joꞌcan nak junajakex taxak riqꞌuin li Cristo, ut texcua̱nk joꞌ naraj aꞌan.

Filipenses 1:27

Li kꞌaxal lokꞌ xba̱nunquil, aꞌan aꞌin: Chexcua̱nk saꞌ xya̱lal riqꞌuineb le̱ ras e̱ri̱tzꞌin joꞌ e̱cꞌulub xban nak la̱ex ac xepa̱b li Jesucristo. Usta cuanquin e̱riqꞌuin, usta ma̱ anihin, nacuaj rabinquil resil nak cau e̱chꞌo̱l saꞌ le̱ pa̱ba̱l. Ut nacuaj ajcuiꞌ rabinquil nak junaj le̱ chꞌo̱l ut junaj e̱cꞌaꞌux chixyebal resil li colba-ib saꞌ xcꞌabaꞌ li Jesucristo.

San Juan 15:2

Li ani incꞌaꞌ naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li na-isi̱c xban nak incꞌaꞌ nau̱chin. Abanan li ani naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li nau̱chin. Ut li na-iloc re naxsabesi re nak tixqꞌue nabal li ru.

Salmos 92:14

Usta ac ti̱xeb chic, junelic yo̱keb chi qꞌui̱c ut cauhakeb rib.

1 Ts 4:2

La̱ex ac nequenau le̱ taklanquil qꞌuebil kaban saꞌ xcꞌabaꞌ li Ka̱cuaꞌ Jesucristo.

2 Corintios 5:9

Joꞌcan nak junelic nakaqꞌue kachꞌo̱l chixba̱nunquil li cꞌaꞌru naraj li Ka̱cuaꞌ usta cuanco arin saꞌ ruchichꞌochꞌ malaj saꞌ li Santil Choxa.

Romanos 8:8

Joꞌcan nak li toj nequeꞌxba̱nu li naxrahi ru lix chꞌo̱leb, incꞌaꞌ nasahoꞌ xchꞌo̱l li Dios riqꞌuin li nequeꞌxba̱nu.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Hebreos 13:22

Ex herma̱n, nintzꞌa̱ma jun usilal che̱ru. Checuyak rabinquil li cua̱tin re xchꞌolobanquil e̱naꞌleb. Moco qꞌui ta li a̱tin xintzꞌi̱ba saꞌ li hu aꞌin.

Hebreos 11:6

Ma̱ jokꞌe ta̱sahokꞌ xchꞌo̱l li Dios riqꞌuin li ani incꞌaꞌ napa̱ban. Ma̱ ani naru nachal riqꞌuin li Dios cui incꞌaꞌ naxpa̱b nak cuan li Dios ut nak aꞌan naxqꞌue xkꞌajca̱munquil li ani nasicꞌoc re.

Efesios 5:17

Joꞌcan nak moco joꞌcakex ta li ma̱cꞌaꞌeb xnaꞌleb. Chetauhak ban ru li cꞌaꞌru naraj li Ka̱cuaꞌ.

Efesios 4:20

Abanan la̱ex aj pa̱banel ma̱cuaꞌ li naꞌleb aꞌan li xetzol riqꞌuin li Cristo.

2 Corintios 10:1

Anakcuan cuan cꞌaꞌak re ru nacuaj xyebal e̱re chirixeb li nequeꞌa̱tinac chicuix. Cuan li nequeꞌyehoc chi joꞌcaꞌin: Laj Pablo tu̱lan nak cuan e̱riqꞌuin; abanan nak ma̱ ani saꞌ e̱ya̱nk jalan chic lix naꞌleb ut nak natzꞌi̱bac chak e̱riqꞌuin, kꞌaxal cau naa̱tinac, chanqueb chicuix. Ut la̱in nintzꞌa̱ma che̱ru nak chexcꞌoxlak bayak chirix li Jesucristo. Aꞌan tu̱lan ut kꞌun xchꞌo̱l.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

1 Corintios 15:1

Anakcuan ex inherma̱n, tinchꞌolob cuiꞌchic che̱ru li resil li colba-ib. Li resil aꞌan, aꞌan li ac xinye e̱re ut xecꞌu̱luban saꞌ e̱chꞌo̱l ut riqꞌuin aꞌan cau chic e̱chꞌo̱l saꞌ le̱ pa̱ba̱l.

1 Corintios 11:23

Ac xincꞌut che̱ru lix ya̱lal li cuaꞌac re xjulticanquil lix camic li Jesucristo. Aꞌan ajcuiꞌ li quixcꞌut chicuu li Ka̱cuaꞌ. Saꞌ ajcuiꞌ li kꞌojyi̱n nak toj ma̱jiꞌ quikꞌaxtesi̱c li Ka̱cuaꞌ Jesucristo quixchap li caxlan cua.

Hechos 20:27

xban nak ac xinchꞌolob chi tzꞌakal re ru li naꞌleb li taklanbilin cuiꞌ xban li Dios.

2 Timoteo 4:1

Nintzꞌa̱ma cha̱cuu saꞌ xcꞌabaꞌ li Dios nak ta̱chꞌolob lix ya̱lal. Ut nintzꞌa̱ma ajcuiꞌ saꞌ xcꞌabaꞌ li Ka̱cuaꞌ Jesucristo, li ta̱rakok a̱tin saꞌ xbe̱neb li yoꞌyo̱queb ut li camenakeb nak ta̱cha̱lk cuiꞌchic riqꞌuin lix nimal xcuanquil.

1 Timoteo 5:21

Joꞌ chiru li Dios, joꞌ chiru li Ka̱cuaꞌ Jesucristo, joꞌ ajcuiꞌ chiruheb li santil ángel, la̱in nintzꞌa̱ma cha̱cuu nak ta̱ba̱nu la̱ taklanquil yo̱quin chixyebal a̱cue. Ut incꞌaꞌ ta̱sicꞌ ru junak. Juntakꞌe̱takeb ban chixjunileb nak ta̱cuileb. Jun xxiquic nak ta̱kꞌuseb li ani cuanqueb xma̱c.

Gálatas 6:1

Ex inherma̱n, ma̱re cuan junak e̱rech aj pa̱banelil ta̱oc cuiꞌchic chi ma̱cobc. La̱ex li cuanquex chic rubel xcuanquil li Santil Musikꞌej te̱tenkꞌa saꞌ tu̱lanil re nak ta̱cacuu̱k xchꞌo̱l saꞌ xpa̱ba̱l. Ut cheqꞌuehak retal chi us le̱ yuꞌam re nak la̱ex incꞌaꞌ tex-a̱le̱k.

1 Ts 5:12

Ex herma̱n, nakatzꞌa̱ma che̱ru nak oxlokꞌ cherileb li ani nequeꞌcꞌanjelac chiru li Ka̱cuaꞌ Jesucristo saꞌ e̱ya̱nk. Eb aꞌan nequeꞌcꞌamoc be che̱ru ut aꞌan nequeꞌqꞌuehoc e̱naꞌleb.

2 Ts 3:13

Ut la̱ex, ex herma̱n, incꞌaꞌ taxak textitzꞌk chixba̱nunquil li us.

2 Crónicas 17:4

Quicꞌanjelac ban chiru li Ka̱cuaꞌ Dios li quixlokꞌoni lix yucuaꞌ. Quixba̱nu li cꞌaꞌru naraj li Dios ut incꞌaꞌ quixba̱nu joꞌ queꞌxba̱nu eb laj Israel.