1 Ts 3:8 - Li Santil hu

⁸ Ut anakcuan naru chic tocua̱nk chi sa saꞌ kachꞌo̱l xban nak nakanau nak cau e̱chꞌo̱l saꞌ e̱pa̱ba̱l saꞌ xcꞌabaꞌ li Jesucristo.

Q'eqchi Bible

⁸ Anaqwan yaal naq yo'yooko: xb'aan naq naqanaw naq kaw xaqxookex rik'in li Qaawa'.

1 Ts 3:8 ပူးပေါင်းရင်းမြစ်များ

Colosenses 1:23

Abanan tento nak texpa̱ba̱nk chi tzꞌakal ut cauhak e̱chꞌo̱l riqꞌuin li Dios saꞌ le̱ pa̱ba̱l. Me̱canab xyoꞌoninquil li yechiꞌinbil e̱re saꞌ xcꞌabaꞌ li colba-ib xban nak la̱ex ac nequenau nak saꞌ e̱cꞌabaꞌ quicam li Jesucristo. Ut li resil li ac xerabi la̱ex yo̱queb chirabinquil saꞌ chixjunil li ruchichꞌochꞌ. La̱in laj Pablo, tenebanbil saꞌ inbe̱n xyebal resilal li colba-ib.

1 Corintios 16:13

Michꞌinan e̱chꞌo̱l saꞌ le̱ pa̱ba̱l. Cauhak taxak e̱chꞌo̱l chi pa̱ba̱nc ut me̱qꞌue e̱rib chi a̱le̱c. Yoꞌon cua̱nkex ut chepa̱bak li Ka̱cuaꞌ chi anchal e̱chꞌo̱l, usta nachal raylal saꞌ e̱be̱n.

Apocalipsis 3:11

La̱in chi se̱b tincha̱lk. Tincuulak e̱riqꞌuin. Joꞌcan nak cauhak taxak e̱chꞌo̱l saꞌ le̱ pa̱ba̱l ut me̱canab inpa̱banquil re nak te̱cꞌul le̱ kꞌajca̱munquil li tinqꞌue ut re ajcuiꞌ nak incꞌaꞌ ta̱qꞌuehekꞌ re jalan.

Hebreos 10:23

Joꞌcan nak cauhak taxak kachꞌo̱l saꞌ li kapa̱ba̱l xban nak li Dios naxqꞌue li cꞌaꞌru naxyechiꞌi ke.

Hebreos 4:14

Li Ka̱cuaꞌ Jesucristo, li Ralal li Dios, aꞌan lix yucuaꞌil aj tij chokꞌ ke. Quitakeꞌ saꞌ choxa ut cuan chak riqꞌuin li Dios Acuabej. Yo̱ chak chi oque̱nc chikix chiru li Dios. Joꞌcan nak cauhak taxak kachꞌo̱l saꞌ li kapa̱ba̱l.

Filipenses 1:21

La̱in, nak toj yoꞌyo̱quin, cuanquin chi sum a̱tin riqꞌuin li Cristo. Abanan kꞌaxal raj cuiꞌchic us li ca̱mc chokꞌ cue xban nak ninnau nak tinxic riqꞌuin.

Apocalipsis 3:3

Chijulticokꞌ e̱re lix ya̱lal li querabi chak junxil. Chiyotꞌekꞌ e̱chꞌo̱l ut jalomak e̱cꞌaꞌux. Cacuubresihomak e̱chꞌo̱l saꞌ le̱ pa̱ba̱l. Cui incꞌaꞌ te̱ba̱nu aꞌan, la̱in tincuulak e̱riqꞌuin chi ma̱cꞌaꞌ saꞌ e̱chꞌo̱l joꞌ naxba̱nu laj e̱lkꞌ ut tinrakok a̱tin saꞌ e̱be̱n.

Hebreos 3:14

Totzꞌako̱nk riqꞌuin xlokꞌal li Jesucristo cui nakaqꞌue kachꞌo̱l chixpa̱banquil. Chanru nak xkatiquib chak xpa̱banquil li Ka̱cuaꞌ, joꞌcan taxak toj chalen saꞌ rosoꞌjic li cutan.

Efesios 3:17

Ut nintzꞌa̱ma ajcuiꞌ chiru nak chicua̱nk le̱ pa̱ba̱l re nak cua̱nk li Cristo e̱riqꞌuin chi tzꞌakal. Te̱tau taxak xcacuil le̱ chꞌo̱l riqꞌuin xra̱bal li Dios joꞌ eb ajcuiꞌ le̱ ras e̱ri̱tzꞌin.

Hechos 11:23

Nak quicuulac laj Bernabé quixqꞌue retal nak li Dios yo̱ chirosobtesinquileb laj pa̱banel li cuanqueb aran. Quixqꞌue xcacuilal xchꞌo̱leb ut quixye ajcuiꞌ reheb nak cheꞌxqꞌuehak xchꞌo̱leb chixpa̱banquil li Ka̱cuaꞌ.

Salmos 30:5

At Ka̱cuaꞌ, junpa̱t ajcuiꞌ nacatjoskꞌoꞌ. Abanan la̱ cha̱bilal nacuan chi junelic. Ma̱re tinya̱bak chiru li kꞌojyi̱n xban xrahil saꞌ inchꞌo̱l. Abanan joꞌ cuulajak chic sahak chic saꞌ inchꞌo̱l.

2 Pedro 3:17

Joꞌcan ut ex herma̱n, kꞌaxal raro̱quex kaban, ac kayehom resil e̱re chirixeb laj balakꞌ. Chicua̱nk saꞌ e̱chꞌo̱l aꞌin re nak incꞌaꞌ texbalakꞌi̱k xbaneb li cui̱nk li yibeb ru xnaꞌleb. Ut, la̱ex li cau e̱chꞌo̱l chixpa̱banquil li Cristo, michꞌinan e̱chꞌo̱l xbaneb laj balakꞌ.

1 Pedro 5:10

La̱ex te̱cꞌul li raylal. Cuyomak cuan caꞌchꞌinak xban nak chi se̱b ajcuiꞌ nocoxtenkꞌa li Dios. Aꞌan ta̱tzꞌakobresi̱nk e̱ru. Aꞌan ta̱tenkꞌa̱nk e̱re re nak incꞌaꞌ ta̱chꞌina̱nk e̱chꞌo̱l. Tixqꞌue ban xcacuil e̱chꞌo̱l. Li Dios, li naqꞌuehoc ke li usilal, aꞌan quibokoc ke chi tzꞌako̱nc riqꞌuin lix nimal xlokꞌal saꞌ choxa kochben li Cristo.

Filipenses 4:1

Ex inherma̱n, raro̱quex inban, nacuaj rilbal e̱ru. Cꞌajoꞌ nasahoꞌ inchꞌo̱l e̱ban. Nincꞌoxla nak la̱ex joꞌ jun inkꞌajca̱munquil riqꞌuin li cꞌanjel xinba̱nu saꞌ e̱ya̱nk. Junelic taxak cauhak e̱chꞌo̱l saꞌ le̱ pa̱ba̱l.

Filipenses 1:27

Li kꞌaxal lokꞌ xba̱nunquil, aꞌan aꞌin: Chexcua̱nk saꞌ xya̱lal riqꞌuineb le̱ ras e̱ri̱tzꞌin joꞌ e̱cꞌulub xban nak la̱ex ac xepa̱b li Jesucristo. Usta cuanquin e̱riqꞌuin, usta ma̱ anihin, nacuaj rabinquil resil nak cau e̱chꞌo̱l saꞌ le̱ pa̱ba̱l. Ut nacuaj ajcuiꞌ rabinquil nak junaj le̱ chꞌo̱l ut junaj e̱cꞌaꞌux chixyebal resil li colba-ib saꞌ xcꞌabaꞌ li Jesucristo.

1 Corintios 15:58

Joꞌcan ut ex inherma̱n, raro̱quex inban, cauhak taxak e̱chꞌo̱l saꞌ le̱ pa̱ba̱l. Michꞌinan le̱ chꞌo̱l. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ. Ut chenauhak nak li joꞌ qꞌuial te̱ba̱nu saꞌ xcꞌabaꞌ li Ka̱cuaꞌ cuan rajbal.

San Juan 15:7

Cui la̱ex cua̱nkex cuiqꞌuin ut te̱ba̱nu li cꞌaꞌru xinye e̱re, ta̱qꞌuehekꞌ e̱re chixjunil li cꞌaꞌru te̱tzꞌa̱ma.

San Juan 15:4

Cua̱nkex cuiqꞌuin ut la̱in cua̱nkin e̱riqꞌuin. Joꞌ li rukꞌ li cheꞌ, cui incꞌaꞌ letzlo riqꞌuin lix to̱nal, incꞌaꞌ naru nau̱chin. Joꞌcan ajcuiꞌ la̱ex. Cui incꞌaꞌ cua̱nkex cuiqꞌuin, incꞌaꞌ ta̱ru̱k texqꞌui̱k saꞌ le̱ pa̱ba̱l.

1 Samuel 25:6

Ut te̱ye re, “Aꞌ taxak li tuktu̱quil usilal chicua̱nk a̱cuiqꞌuin ut riqꞌuineb ajcuiꞌ chixjunileb la̱ cuechꞌalal, joꞌ eb ajcuiꞌ li cꞌaꞌru cuan a̱cue, chan laj David.

Gálatas 5:1

Ma̱cuaꞌo chic joꞌ li lokꞌbil mo̱s xban nak moco cuanco ta chic rubel xcuanquil li najter chakꞌrab. Libre ban chic cuanco xban nak li Cristo quicoloc ke chiru xcuanquil li najter chakꞌrab. Chexcua̱nk ut chi cau e̱chꞌo̱l saꞌ le̱ pa̱ba̱l ut me̱qꞌue chic e̱rib rubel xcuanquil li chakꞌrab.

San Juan 8:31

Li Jesús quia̱tinac riqꞌuineb laj judío li queꞌpa̱ban re. Quixye reheb: —Cui la̱ex te̱ba̱nu li cꞌaꞌru ninye e̱re, la̱exak tzꞌakal intzolom.

1 Ts 3:7

Riqꞌuin aꞌin, ex herma̱n, saꞌ chixjunil li raylal li yo̱co chixcꞌulbal, nacꞌojla kachꞌo̱l chirabinquil nak cau e̱chꞌo̱l saꞌ le̱ pa̱ba̱l.