1 Ts 3:12 - Li Santil hu

¹² Aꞌ taxak li Ka̱cuaꞌ chitenkꞌa̱nk e̱re re nak te̱ra e̱rib che̱ribil e̱rib ut chi anchal e̱chꞌo̱l cherahak taxak le̱ ras e̱ri̱tzꞌin joꞌ nak nequexkara la̱ex.

Q'eqchi Bible

¹² Ut li Qaawa' chixk'e taxaq eere naq chik'iiq ut chinumtaaq li rahok eerik'in cherib'il eerib' ut rik'in chixjunileb' leeras eeriitz'in, jo' ajwi' naq nekexqara laa'o,

1 Ts 3:12 ပူးပေါင်းရင်းမြစ်များ

Filipenses 1:9

Ut li nintzꞌa̱ma chiru li Dios nak nintijoc che̱rix, aꞌan aꞌin: nak kꞌaxal cuiꞌchic cherahak e̱rib chi ribil e̱rib. Ut chinumta̱k taxak li rahoc ut chiqꞌuehekꞌ taxak e̱naꞌleb re xtaubal bar cuan li tzꞌakal ya̱l.

San Mateo 22:39

Ut li xcab, chanchan ajcuiꞌ aꞌin: Ta̱ra la̱ cuas a̱cui̱tzꞌin joꞌ nak nacara a̱cuib la̱at.

1 Ts 5:15

Cheqꞌuehak retal nak ma̱ ani junak saꞌ e̱ya̱nk chixqꞌue re̱kaj li ma̱usilal qui-ux re riqꞌuin ma̱usilal. Cheba̱nuhak ban chi junelic li cꞌaꞌru us che̱ribil e̱rib ut riqꞌuin chixjunileb.

Romanos 13:8

Ma̱ ani aj iqꞌuin chicua̱nk e̱cꞌas. Ut cherahak e̱rib chi ribil e̱rib xban nak li ani naxra li ras ri̱tzꞌin naxba̱nu li cꞌaꞌru naxye li chakꞌrab.

2 Ts 1:3

Ex inherma̱n, incꞌaꞌ nakacanab xbantioxinquil chiru li Dios saꞌ e̱cꞌabaꞌ la̱ex. Tento takabantioxi chiru li Dios xban nak yo̱ chi cacuu̱c e̱chꞌo̱l saꞌ le̱ pa̱ba̱l ut kꞌaxal cuiꞌchic nequera e̱rib che̱ribil e̱rib.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.

1 Ts 2:8

Kꞌaxal nequexkara. Ma̱cuaꞌ raj caꞌaj cuiꞌ xyebal resil li colba-ib li naxqꞌue li Dios li xkaba̱nu. Xru aj raj cuiꞌ xkakꞌaxtesi li kayuꞌam saꞌ e̱cꞌabaꞌ la̱ex xban nak kꞌaxal nequexkara.

2 Pedro 1:7

Ma̱cuaꞌ caꞌaj cuiꞌ aꞌan takaba̱nu. Chisahokꞌ ban ajcuiꞌ kachꞌo̱l riqꞌuineb li kas ki̱tzꞌin ut chikaraheb.

San Mateo 7:12

Joꞌcan nak li cꞌaꞌru nequeraj la̱ex nak teꞌxba̱nu raj le̱ ras e̱ri̱tzꞌin, cheba̱nuhak la̱ex reheb aꞌan, xban nak aꞌan aꞌin xya̱lal li chakꞌrab li quiqꞌueheꞌ re laj Moisés, ut aꞌan ajcuiꞌ lix ya̱lal lix yehomeb li profeta.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

1 Ts 4:1

Ut anakcuan ex inherma̱n, cuan cuiꞌchic cꞌaꞌru nacuaj xtzꞌa̱manquil che̱ru saꞌ xcꞌabaꞌ li Ka̱cuaꞌ Jesucristo. Aꞌan aꞌin: nak chexcua̱nk taxak saꞌ ti̱quilal joꞌ naraj li Dios ut rajlal yo̱kex chixba̱nunquil chi joꞌcan joꞌ xkacꞌut che̱ru la̱o. Ac yo̱quex chixba̱nunquil, abanan kꞌaxal cuiꞌchic te̱ba̱nu.

San Lucas 17:5

Eb li apóstol queꞌxye re li Ka̱cuaꞌ: —At Ka̱cuaꞌ, choa̱tenkꞌa taxak re nak cua̱nk kapa̱ba̱l chi tzꞌakal, chanqueb.

Salmos 115:4

Abanan li jalanil dios li nequeꞌxlokꞌoni li tenamit li incꞌaꞌ nequeꞌxpa̱b li Dios, aꞌan yal yi̱banbil xbaneb li cui̱nk riqꞌuin oro ut plata.

2 Corintios 9:10

Li Dios junelic naxqꞌue li iyaj re laj acuinel ut naxqꞌue li kacua. Ut aꞌan tixqꞌue ajcuiꞌ li cꞌaꞌru ta̱cꞌanjelak ke. Ut tixqꞌue re̱kaj ut tixtambresi aꞌ yal chanru nocosihin.