1 Ts 2:7 - Li Santil hu

⁷ Saꞌ tu̱lanil ban xocuan saꞌ e̱ya̱nk joꞌ junak naꞌbej naxqꞌuiresiheb saꞌ tu̱lanil lix cocꞌal.

Q'eqchi Bible

⁷ Us ta xru raj xqaxaqab' qawankil xb'aan naq laa'o x'apóstol li Kriist, ab'anan xoowank sa' q'unil sa' eeyanq, jo' jun na'b'ej naxraheb' li ralal xk'ajol.

1 Ts 2:7 ပူးပေါင်းရင်းမြစ်များ

1 Ts 2:11

Joꞌ naxba̱nu junak li yucuaꞌbej riqꞌuineb li ralal xcꞌajol, joꞌcan ajcuiꞌ xkaba̱nu la̱o e̱riqꞌuin nak xkaqꞌue e̱naꞌleb che̱junju̱nkalex.

Isaías 66:13

La̱in tincꞌojob e̱chꞌo̱l joꞌ nak li naꞌbej naxcꞌojob xchꞌo̱leb li ralal xcꞌajol. Ut aran Jerusalén te̱tau xcꞌojobanquil le̱ chꞌo̱l.—

Isaías 49:23

Eb li rey ut eb li reina chanchanakeb lix naꞌ xyucuaꞌeb la̱ tenamit. Eb li jalan tenamit teꞌxcubsi ribeb cha̱cuu. Teꞌxcuikꞌib ribeb cha̱cuu re xqꞌuebal a̱lokꞌal. Ut la̱at ta̱nau nak la̱in li Ka̱cuaꞌ ut eb li cauheb xchꞌo̱l cuiqꞌuin incꞌaꞌ teꞌchꞌina̱nk xchꞌo̱leb.

Santiago 3:17

Li ani qꞌuebileb xnaꞌleb xban li Dios, tzꞌakal re ru lix yuꞌameb. Cuanqueb saꞌ usilal, cha̱bileb ut tu̱laneb. Nequeꞌuxta̱nan u, nequeꞌxba̱nu li us, ut incꞌaꞌ nequeꞌbalakꞌin. Junelic ya̱l nequeꞌa̱tinac.

2 Corintios 10:1

Anakcuan cuan cꞌaꞌak re ru nacuaj xyebal e̱re chirixeb li nequeꞌa̱tinac chicuix. Cuan li nequeꞌyehoc chi joꞌcaꞌin: Laj Pablo tu̱lan nak cuan e̱riqꞌuin; abanan nak ma̱ ani saꞌ e̱ya̱nk jalan chic lix naꞌleb ut nak natzꞌi̱bac chak e̱riqꞌuin, kꞌaxal cau naa̱tinac, chanqueb chicuix. Ut la̱in nintzꞌa̱ma che̱ru nak chexcꞌoxlak bayak chirix li Jesucristo. Aꞌan tu̱lan ut kꞌun xchꞌo̱l.

1 Corintios 9:22

Nak cuanquin saꞌ xya̱nkeb li toj kꞌuneb xchꞌo̱l saꞌ lix pa̱ba̱l, nincubsi cuib chiruheb re nak teꞌcacuu̱k xchꞌo̱l saꞌ xpa̱ba̱leb inban la̱in. Naraj naxye nak ninjuntakꞌe̱ta cuib riqꞌuin chixjunileb re nak naru tinchꞌolob xya̱lal chiruheb. Ninba̱nu chi joꞌcan re nak teꞌcolekꞌ.

2 Corintios 13:4

Cubenak xcuanquil li Cristo nak quicamsi̱c chiru li cruz. Abanan quicuaclesi̱c cuiꞌchic saꞌ xya̱nkeb li camenak chi yoꞌyo xban xcuanquil li Dios. Joꞌ nak quixcubsi xcuanquil li Cristo, joꞌcan ajcuiꞌ takacubsi kacuanquil la̱o. Abanan yoꞌyo̱co xban xcuanquil li Dios ut qꞌuebil ke li kacuanquil xban li Dios re xkꞌusbaleb li nequeꞌxba̱nu li incꞌaꞌ us.

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

Números 11:12

¿Ma la̱in ta biꞌ xyucuaꞌeb? Ut, ¿ma la̱in ta biꞌ xnaꞌeb nak ta̱ye cue nak tincꞌameb chi kꞌalkꞌo joꞌ nequeꞌkꞌalu̱c li cocꞌal li toj nequeꞌtuꞌuc? ¿Ma tento nak toj la̱in tincꞌamok reheb saꞌ li naꞌajej li cayechiꞌi reheb lix xeꞌto̱nil yucuaꞌeb?

1 Corintios 2:3

Nak cuanquin e̱riqꞌuin ninsicsot xban inxiu nak yo̱quin chi a̱tinac e̱riqꞌuin xban nak incꞌaꞌ cau inchꞌo̱l.

Hechos 13:18

Caꞌcꞌa̱l chihab quixcuy chak rilbaleb nak yo̱queb chak chi numecꞌ saꞌ li chaki chꞌochꞌ.

Gálatas 4:19

Ex inherma̱n, chanchanex incocꞌal nak nequexcuil. Cꞌajoꞌ nak nayotꞌeꞌ inchꞌo̱l saꞌ e̱cꞌabaꞌ la̱ex. Chanchan li raylal li naxcꞌul li ixk li cua̱nc re xcꞌulaꞌal. Cꞌajoꞌ narahoꞌ inchꞌo̱l nak toj ma̱jiꞌ nequekꞌaxtesi e̱rib chi tzꞌakal rubel rok rukꞌ li Cristo.