1 Ts 2:4 - Li Santil hu

⁴ Nakachꞌolob ban xya̱lal joꞌ naraj li Dios xban nak aꞌan cꞌojcꞌo xchꞌo̱l saꞌ kabe̱n ut aꞌan quixakaban ke re xyebal resil li evangelio. Incꞌaꞌ nakaba̱nu joꞌ nequeꞌcuulac chiru li cristian. Nakaba̱nu ban joꞌ nacuulac chiru li Dios li nanaꞌoc re chanru li kacꞌaꞌux.

Q'eqchi Bible

⁴ Relik chi yaal, jo' naq li Yos kixyal qix ut kixq'axtesi qe li Chaab'il Esilal, jo'kan ajwi' naq naqapuktesi laa'o, maawa' re xk'ojob'ankil xch'ool li winq, re b'an xk'ojob'ankil xch'ool li Yos li naxyal qix sa' xchamal li qaanm.

1 Ts 2:4 ပူးပေါင်းရင်းမြစ်များ

Gálatas 1:10

¿Ma yal re ta biꞌ nak teꞌsahokꞌ xchꞌo̱l li cui̱nk cuiqꞌuin nak yo̱quin chixyebal chi joꞌcaꞌin? ¿Ma incꞌaꞌ ta biꞌ yo̱quin chixyebal chi joꞌcaꞌin re nak sahak xchꞌo̱l li Dios cuiqꞌuin? ¿Ma tincuaj ta biꞌ tincꞌojob xchꞌo̱leb li cui̱nk? Ma̱ jokꞌe xban nak cui ta toj nacuaj xcꞌojobanquil xchꞌo̱leb li cui̱nk ma̱cuaꞌin raj aj cꞌanjel chiru li Jesucristo.

Romanos 8:27

Li Dios naxnau cꞌaꞌru cuan saꞌ kachꞌo̱l ut naxnau ajcuiꞌ lix cꞌaꞌux li Santil Musikꞌej. Ut li Santil Musikꞌej natzꞌa̱man chikix la̱o aj pa̱banel joꞌ naraj li Dios.

Gálatas 2:7

Ma̱cꞌaꞌ queꞌxye li ni̱nkeb xcuanquil. Queꞌxqꞌue ban retal nak tenebanbil saꞌ inbe̱n xban li Dios xyebal resil li evangelio reheb li ma̱cuaꞌeb aj judío joꞌ nak quiteneba̱c saꞌ xbe̱n laj Pedro xban li Dios xyebal resil li evangelio reheb laj judío.

2 Timoteo 1:14

Riqꞌuin xcuanquil li Santil Musikꞌej li cuan a̱cuiqꞌuin, chacꞌu̱lahak saꞌ a̱chꞌo̱l lix ya̱lal li lokꞌlaj colba-ib kꞌaxtesinbil a̱cue xban li Dios.

Salmos 17:3

La̱at nacanau chanru lin cꞌaꞌux. Chi kꞌek chi cutan nacacuil chanru lin naꞌleb. La̱at xayal rix lin pa̱ba̱l ut nacanau nak ma̱cꞌaꞌ ma̱usilal ninba̱nu. Ut la̱at nacanau nak ma̱ jun yibru a̱tin na-el chi xtzꞌu̱mal cue.

Efesios 6:6

Moco toj yo̱keb ta che̱rilbal nak te̱ba̱nu le̱ cꞌanjel re nak sahak xchꞌo̱l le̱ patrón e̱riqꞌuin. Chexcꞌanjelak ban chiru le̱ patrón joꞌ nak yo̱kex chi cꞌanjelac chiru li Cristo. Chi anchal e̱chꞌo̱l cheba̱nuhak li naraj li Dios.

Tito 1:3

Nak quicuulac xkꞌehil li Dios laj Colol ke quixcꞌutbesi lix ya̱lal li colba-ib chiku. Tenebanbil saꞌ inbe̱n xban li Dios xchꞌolobanquil xya̱lal li colba-ib yalak bar.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

2 Corintios 4:2

Nakatzꞌekta̱na chi junaj cua xba̱nunquil li ma̱usilal li moco uxc ta naraj li nequeꞌxba̱nu li jun chꞌol chic. Incꞌaꞌ nocobalakꞌin. Ut incꞌaꞌ nakapoꞌ ru li ra̱tin li Dios. Nakachꞌolob ban chi tzꞌakal lix ya̱lal re nak chixjunileb teꞌxqꞌue retal nak saꞌ xya̱lal cuanco chiru li Dios.

Jeremías 32:19

Kꞌaxal lokꞌ li nacacꞌu̱b ru ut sachba chꞌo̱lej li nacaba̱nu riqꞌuin xnimal la̱ cuanquil. La̱at nacacuil chixjunil li nequeꞌxba̱nu li cristian. Ut nacaqꞌue xkꞌajca̱munquil li junju̱nk aꞌ ya̱l chanru lix yehom xba̱nuhom.

1 Crónicas 29:17

At inDios, la̱in ninnau nak la̱at nacanau li cꞌaꞌru nanumeꞌ saꞌ li kacꞌaꞌux. Nacuulac cha̱cuu li ti̱quilal. Joꞌcan nak la̱in chi anchal inchꞌo̱l xinqꞌue a̱cue chixjunil aꞌin. Ut anakcuan xinqꞌue retal nak chi saheb saꞌ xchꞌo̱leb chixjunileb la̱ tenamit li chꞌutchꞌu̱queb arin xeꞌxqꞌue a̱cue lix mayejeb.

1 Corintios 9:17

Cui ta yo̱quin chixba̱nunquil yal xban nak nacuaj la̱in, tinyoꞌoni raj intojbal. Abanan yo̱quin chixba̱nunquil lin cꞌanjel xban nak tenebanbil saꞌ inbe̱n xban li Dios xyebal resil li colba-ib.

San Lucas 16:11

Cui la̱ex incꞌaꞌ nequenau xra̱bal li biomal saꞌ ruchichꞌochꞌ, ¿chan ta cuiꞌ ru nak tixcꞌojob xchꞌo̱l li Dios chixqꞌuebal e̱re li tzꞌakal biomal?

Proverbios 17:3

Li oro ut li plata isinbil lix tzꞌajnil riqꞌuin xam. Abanan li Ka̱cuaꞌ narisi li ma̱usilal saꞌ xchꞌo̱leb li cristian.

1 Reyes 8:39

Ut la̱at ta̱cuabi lix tijeb toj saꞌ li choxa li cuancat cuiꞌ chak. Ut ta̱cuy xma̱queb. La̱at tatrakok a̱tin saꞌ xbe̱neb aꞌ yal chanru lix naꞌlebeb cha̱cuu. La̱at nacanau cꞌaꞌru cuan saꞌ li ra̱meb xban nak la̱at nacanau cꞌaꞌru cuan saꞌ lix cꞌaꞌuxeb li cuanqueb saꞌ li ruchichꞌochꞌ.

Números 27:16

—At Ka̱cuaꞌ, la̱at li nacatqꞌuehoc ke li kayuꞌam. Nintzꞌa̱ma cha̱cuu nak ta̱xakab junak li cui̱nk chi cꞌamoc be chiruheb li tenamit aꞌin.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

1 Timoteo 6:20

At Timoteo, cua̱nk saꞌ a̱chꞌo̱l li tijleb qꞌuebil a̱cue xban li Dios. Ma̱qꞌue xcuanquil li joꞌ ma̱joꞌil serakꞌ ut li cuechꞌij ib xban nak ma̱cꞌaꞌ na-oc cuiꞌ. Cuan li nequeꞌyehoc re nak cha̱bil naꞌleb, abanan moco ya̱l ta.

Colosenses 3:22

Ex aj cꞌanjel, junelic chexpa̱ba̱nk chiruheb le̱ patrón. Chanru nak nequexcꞌanjelac nak yo̱ che̱rilbal le̱ patrón, joꞌcan ajcuiꞌ texcꞌanjelak nak incꞌaꞌ yo̱ che̱rilbal. Mexcꞌanjelac re xnimobresinquil e̱rib. Chexcꞌanjelak ban chi anchal le̱ chꞌo̱l xban nak la̱ex nequera li Ka̱cuaꞌ Dios.

2 Corintios 5:11

Joꞌcan nak nakaxucua ru li Dios ut nakaqꞌue kachꞌo̱l chixchꞌolobanquil lix ya̱lal. Ut li Dios naxnau chi tzꞌakal nak ti̱c li kachꞌo̱l. Ut la̱in nacuaj nak te̱nau ajcuiꞌ la̱ex.

Jeremías 17:10

Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

Salmos 44:21

la̱at xanau raj ajcuiꞌ xban nak ma̱cꞌaꞌ mukmu cha̱cuu. La̱at nacanau chixjunil.

2 Timoteo 2:2

Li xya̱lal li xincꞌut cha̱cuu chiruheb nabaleb li cristian, aꞌan ajcuiꞌ chajultica chiruheb li cui̱nk li ti̱queb xchꞌo̱leb re nak eb aꞌan chic teꞌcꞌutuk re chiruheb jalaneb chic.

2 Corintios 5:16

Incꞌaꞌ chic nakaqꞌue retal chanru nak cuanqueb li junju̱nk saꞌ ruchichꞌochꞌ. Anakcuan la̱o chic aj pa̱banel ut jalan chic li kanaꞌleb. Junxil nak toj ma̱jiꞌ nocopa̱ban incꞌaꞌ xkaqꞌue xcuanquil li Cristo xban nak xkacꞌoxla nak yal cui̱nk. Abanan anakcuan nakanau chic lix ya̱lal.

1 Corintios 7:25

La̱in tinye e̱re li nincꞌoxla chirixeb li sa̱j ixk ut li sa̱j cui̱nk. Usta ma̱cuaꞌ ra̱tin li Ka̱cuaꞌ, us cui tex-abi̱nk chicuu xban nak riqꞌuin xnimal ruxta̱n li Ka̱cuaꞌ naxqꞌue innaꞌleb chixyebal e̱re lix ya̱lal.

San Juan 21:17

Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.

San Lucas 12:42

Ut li Ka̱cuaꞌ quixye re: —Li mo̱s li cuan xnaꞌleb ut cha̱bil, aꞌan li ta̱qꞌuehekꞌ xcuanquil xban lix patrón saꞌ xbe̱neb li rech mo̱sil. Aꞌan chic ta̱qꞌuehok re xtzacae̱mkeb saꞌ x-o̱ril.

Salmos 7:9

At inDios, kꞌaxal ti̱c a̱chꞌo̱l. La̱at nacanau lix cꞌaꞌux li junju̱nk ut nacanau li cꞌaꞌru nanumeꞌ saꞌ xchꞌo̱leb. Charam chiruheb li ma̱usilal li nequeꞌxba̱nu li incꞌaꞌ useb xnaꞌleb. Ut chaqꞌue xcacuilal xchꞌo̱l li cha̱bileb xnaꞌleb.

Salmos 139:23

At inDios, chacuil taxak chanru lin cꞌaꞌux cha̱cuu. Chayal taxak cuix re nak ta̱nau chanru lin naꞌleb.

2 Corintios 2:17

Caꞌaj cuiꞌ la̱o li taklanbilo xban li Dios. Chi anchal kachꞌo̱l nococꞌanjelac chiru li Dios saꞌ xcꞌabaꞌ li Cristo xban nak reho chic. Moco juntakꞌe̱to ta riqꞌuineb li jun chꞌol chic li incꞌaꞌ nequeꞌxqꞌue xlokꞌal li ra̱tin li Dios. Chanchaneb aj yaconel nak nequeꞌxsicꞌ xtumineb riqꞌuin xyebal li ra̱tin li Dios.

1 Pedro 4:11

Cui ani cuan xma̱tan chi a̱tinac, chixyehak ra̱tin li Dios. Cui ani naraj cꞌanjelac, chi cꞌanjelac aꞌ yal chanru lix cacuilal qꞌuebil re xban li Dios. Riqꞌuin chixjunil li cꞌaꞌak re ru ta̱uxma̱nk, nimanbilak taxak xcꞌabaꞌ li Dios saꞌ xcꞌabaꞌ li Jesucristo. Aꞌan laj e̱chal re li nimajcual cuanquilal ut lokꞌoninbilak taxak chi junelic kꞌe cutan. Joꞌcan taxak.

2 Reyes 16:16

Ut laj Urías laj tij quixba̱nu chixjunil li quitakla̱c cuiꞌ xban li rey Acaz.