1 Ts 2:19 - Li Santil hu

¹⁹ ¿Cꞌaꞌru nakoybeni ut cꞌaꞌru lix saylal li kachꞌo̱l? ¿Ut cꞌaꞌru li tokꞌajca̱mu̱k cuiꞌ nak tol-e̱lk cuiꞌchic li Ka̱cuaꞌ Jesucristo? ¿Ma incꞌaꞌ ta biꞌ saꞌ e̱cꞌabaꞌ la̱ex takacꞌul li kakꞌajca̱munquil?

Q'eqchi Bible

¹⁹ B'ar pe' wank li qoyb'enihom, li qasahilal, li qaloq'al li tqanima wi' qib' chiru li Qaawa' Jesus sa' li xk'ulunik? Ma ink'a' tab'i' laa'ex?

1 Ts 2:19 ပူးပေါင်းရင်းမြစ်များ

Filipenses 4:1

Ex inherma̱n, raro̱quex inban, nacuaj rilbal e̱ru. Cꞌajoꞌ nasahoꞌ inchꞌo̱l e̱ban. Nincꞌoxla nak la̱ex joꞌ jun inkꞌajca̱munquil riqꞌuin li cꞌanjel xinba̱nu saꞌ e̱ya̱nk. Junelic taxak cauhak e̱chꞌo̱l saꞌ le̱ pa̱ba̱l.

1 Ts 3:13

Aꞌ taxak li Dios li kaYucuaꞌ chiqꞌuehok xcacuil e̱chꞌo̱l. Tzꞌakalak taxak re ru le̱ pa̱ba̱l. Ma̱cꞌaꞌak taxak e̱ma̱c chiru li Dios nak ta̱cha̱lk li Jesucristo rochbeneb li ac colbileb.

Filipenses 2:16

Cui joꞌcan yo̱kex, cꞌajoꞌ nak ta̱sahokꞌ saꞌ inchꞌo̱l e̱riqꞌuin nak tol-e̱lk cuiꞌchic li Jesucristo. Ta̱sahokꞌ inchꞌo̱l xban nak tinnau nak cuan rajbal chixjunil li xinba̱nu nak xincꞌanjelac saꞌ e̱ya̱nk.

1 Ts 5:23

Aꞌ taxak li Dios li naqꞌuehoc tuktu̱quil usilal chisantobresi̱nk e̱re chi tzꞌakal ut aꞌan taxak chi-osobtesi̱nk re le̱ ra̱m, le̱ cꞌaꞌux ut le̱ rok e̱rukꞌ re nak texcua̱nk chi tzꞌakal e̱re e̱ru chi ma̱cꞌaꞌak e̱kꞌusbal saꞌ xcꞌulunic li Ka̱cuaꞌ Jesucristo.

2 Corintios 1:14

Cuan tana li xetau ru ut cuan tana incꞌaꞌ. Abanan nacuaj nak te̱tau ru chi tzꞌakal nak la̱in x-apóstol li Jesucristo re nak sahak saꞌ e̱chꞌo̱l cuiqꞌuin nak tol-e̱lk li Jesucristo ut sahak ajcuiꞌ inchꞌo̱l la̱in e̱riqꞌuin la̱ex.

1 Corintios 15:23

Ut nak teꞌcuacli̱k cuiꞌchic chi yoꞌyo eb li camenak, moco jun cuaclijiqueb ta nak teꞌcuacli̱k chak. Li xbe̱n li quicuacli chak chi yoꞌyo, aꞌan li Jesucristo. Ut mokon nak tol-e̱lk cuiꞌchic li Jesucristo, teꞌcuacli̱k chak eb li queꞌpa̱ban re.

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

1 Juan 2:28

Ut anakcuan, ex herma̱n, ninye cuiꞌchic e̱re nak chexcua̱nk chi sum a̱tin riqꞌuin li Jesucristo re nak ma̱cꞌaꞌak le̱ xiu nak tol-e̱lk cuiꞌchic li Ka̱cuaꞌ Jesucristo. Sahak ban saꞌ kachꞌo̱l chixcꞌulbal chi ma̱cꞌaꞌak kaxuta̱n.

Apocalipsis 22:12

—Qꞌuehomak retal, chan li Jesús. —La̱in chi se̱b tincha̱lk ut tincꞌam chak le̱ kꞌajca̱munquil. Tinqꞌue xkꞌajca̱munquil li junju̱nk aꞌ yal chanru lix yehom xba̱nuhom.

Apocalipsis 1:7

Qꞌuehomak retal. Aꞌan ta̱cha̱lk chak saꞌ li chok ut chixjunileb teꞌilok re. Teꞌril ajcuiꞌ eb li queꞌcamsin re. Chixjunileb li cuanqueb saꞌ ruchichꞌochꞌ teꞌyotꞌekꞌ xchꞌo̱l ut teꞌya̱bak xban li raylal li teꞌxcꞌul. Joꞌcan taxak chicꞌulma̱nk.

Tito 2:13

Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

1 Ts 4:15

Aꞌin ra̱tin li Ka̱cuaꞌ Jesucristo nakaye e̱re, nak cui la̱o toj yoꞌyo̱ko saꞌ lix cꞌulunic li Ka̱cuaꞌ Jesucristo, ma̱cuaꞌ la̱o li tocꞌamekꞌ xbe̱n cua. Aꞌ li ac camenakeb, aꞌan eb li teꞌcꞌamekꞌ xbe̱n cua riqꞌuin li Ka̱cuaꞌ.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

1 Pedro 5:4

Li Jesucristo aꞌan tzꞌakal laj ilol ke. Cui nakachꞌolaniheb chi us li kꞌaxtesinbileb ke, li Jesucristo tixqꞌue kakꞌajca̱munquil nak tol-e̱lk cuiꞌchic. Li kakꞌajca̱munquil aꞌan incꞌaꞌ nalaj incꞌaꞌ na-osoꞌ. Ut totzꞌako̱nk ajcuiꞌ riqꞌuin lix nimal xlokꞌal.

2 Ts 1:7

Abanan la̱ex li yo̱quex chixcꞌulbal raylal, li Dios texqꞌue chi hila̱nc kochben la̱o ut incꞌaꞌ chic takacꞌul raylal. Aꞌin ta̱cꞌulma̱nk nak li Ka̱cuaꞌ Jesucristo tixcꞌutbesi chak rib nak ta̱cha̱lk toj saꞌ choxa. Ta̱cha̱lk rochbenakeb chak lix ángel li cuanqueb xcuanquil.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

Isaías 62:3

Cꞌajoꞌak xlokꞌaleb joꞌ jun li corona saꞌ rukꞌ li Ka̱cuaꞌ.

Proverbios 17:6

Lix lokꞌaleb li ac ti̱xeb, aꞌaneb li ri. Ut lix lokꞌaleb li alalbej cꞌajolbej, aꞌaneb lix naꞌ xyucuaꞌeb.

Proverbios 12:4

Junak li be̱lomej naqꞌueheꞌ xlokꞌal xban nak cha̱bil xnaꞌleb li rixakil. Abanan li ixakilbej li incꞌaꞌ us xnaꞌleb naxsach xcuanquil lix be̱lom.

1 Ts 2:20

La̱ex li kalokꞌal ut lix saylal li kachꞌo̱l.

Proverbios 16:13

Eb li rey nequeꞌxra li ani nequeꞌxye li ya̱l ut nequeꞌsahoꞌ saꞌ xchꞌo̱leb riqꞌuineb li cuanqueb saꞌ xya̱lal.

Proverbios 4:9

Cui cha̱bil a̱naꞌleb, ta̱qꞌuehekꞌ a̱lokꞌal la̱at. Chanchan nak ta̱qꞌuehekꞌ a̱kꞌol yi̱banbil riqꞌuin utzꞌuꞌuj, ut chanchan ta̱qꞌuehekꞌ a̱corona saꞌ a̱jolom nak ta̱qꞌuehekꞌ a̱lokꞌal.—

San Marcos 8:38

Li ani ta̱xuta̱na̱k chiruheb li tenamit aj ma̱c inban la̱in malaj ut xban li cua̱tin, la̱in li Alalbej tinxuta̱na̱k ajcuiꞌ xbaneb nak tincha̱lk chak riqꞌuin xnimal xlokꞌal lin Yucuaꞌ cuochbeneb li santil ángel.—

San Juan 21:22

Li Jesús quixye re: —Cui la̱in tincuaj nak yoꞌyo̱k aꞌan toj tincꞌulu̱nk cuiꞌchic, ¿cꞌaꞌru ta̱cuaj re la̱at? La̱at qꞌue a̱chꞌo̱l chinta̱kenquil, chan li Jesús re laj Pedro.

2 Ts 1:4

Joꞌcan nak kꞌaxal sa saꞌ kachꞌo̱l chixserakꞌinquil resil le̱ pa̱ba̱l reheb li nequeꞌpa̱ban re li Dios yalak bar. Nakaye reheb chanru nak nequexpa̱ban chi anchal e̱chꞌo̱l ut cau e̱chꞌo̱l nak yo̱quex chixcuybal xnumsinquil li raylal ut li ra xi̱cꞌ.

2 Ts 2:1

Ex inherma̱n, anakcuan tinchꞌolob xya̱lal che̱ru chirix lix cꞌulunic li Ka̱cuaꞌ Jesucristo ut lix chꞌutubanquil kib riqꞌuin.

Santiago 5:7

Joꞌcan ut ex herma̱n, checuyak roybeninquil lix cꞌulunic li Ka̱cuaꞌ Jesucristo. Joꞌ laj cꞌalom naxcuy roybeninquil jokꞌe natꞌaneꞌ li hab re nak ta̱a̱uk ut naxcuy ajcuiꞌ roybeninquil nak nacuulac xkꞌehil li kꞌoloc re nak tixkꞌol ru li racui̱mk.

Santiago 5:8

Joꞌcan ajcuiꞌ la̱ex checuyak oybeni̱nc ut me̱chꞌinan e̱chꞌo̱l. Cacuubresihomak ban e̱chꞌo̱l xban nak li Ka̱cuaꞌ chi se̱b ta̱cha̱lk cuiꞌchic.

2 Pedro 1:16

Li cꞌaꞌru yo̱quin chixyebal e̱re chirix lix cuanquilal li Jesucristo ut lix cꞌulunic, ma̱cuaꞌ yal yoꞌobanbil a̱tin. Chꞌolchꞌo nak xkil riqꞌuin xnakꞌ ku lix nimajcual cuanquilal.

2 Pedro 3:4

Eb aꞌan teꞌxye: Li Jesucristo quixye nak ta̱cha̱lk. ¿Bar ta cuan? ¿Ma ac xcꞌulun ta? Chalen chak xcamiqueb li kaxeꞌ kato̱n chixjunil li cꞌaꞌak re ru cuan ajcuiꞌ anakcuan joꞌ nak quicuan chak chalen chak saꞌ xticlajic li ruchichꞌochꞌ, chaꞌkeb.