1 Ts 2:17 - Li Santil hu

¹⁷ Ex herma̱n, usta ma̱ aniho saꞌ e̱ya̱nk, abanan junelic nequexkacꞌoxla. Tojeꞌ ajcuiꞌ xo-el e̱riqꞌuin nak ac takaj cuiꞌchic rilbal e̱ru.

Q'eqchi Bible

¹⁷ Ex qas qiitz'in, naq laa'o xoo'elk sa' eeyanq chiru jun k'amok, xoomaaniho'k sa' eeyanq rik'in li qoq quq', ab'an li qach'ool wank eerik'in. Ut k'ajo' naq xqayal qaq'e chi rilb'al wi' chik eeru. A'an a'in tz'aqal li rajom qach'ool.

1 Ts 2:17 ပူးပေါင်းရင်းမြစ်များ

Colosenses 2:5

Usta ma̱ anihin chak saꞌ e̱ya̱nk, abanan junelic nequexincꞌoxla. Nasahoꞌ saꞌ inchꞌo̱l chirabinquil nak junaj le̱ chꞌo̱l ut cuanquex saꞌ ti̱quilal. Nasahoꞌ ajcuiꞌ saꞌ inchꞌo̱l chirabinquil nak anchal e̱chꞌo̱l nak nequepa̱b li Cristo.

1 Corintios 5:3

Usta najt cuanquin e̱riqꞌuin junelic yo̱quin che̱cꞌoxlanquil. La̱in ninnau nak li cui̱nk aꞌan cuan xma̱c. Usta ma̱ anihin chak e̱riqꞌuin, abanan li Cristo quixcꞌut chicuu nak li jun aꞌan cuan xma̱c ut tento nak tixtoj rix lix ma̱c.

1 Ts 3:6

Tojeꞌ xsukꞌi chak laj Timoteo e̱riqꞌuin ut aꞌan xcꞌam chak jun cha̱bil esilal che̱rix chanru nak cau e̱chꞌo̱l saꞌ le̱ pa̱ba̱l ut chanru nak nequexrahoc. Ut xye ajcuiꞌ ke nak rajlal nocoe̱cꞌoxla joꞌ ajcuiꞌ nak nequexkacꞌoxla la̱o. La̱ex nequeraj rilbal ku ut joꞌcan ajcuiꞌ la̱o nakaj rilbal e̱ru la̱ex.

Romanos 1:13

Ex herma̱n, nacuaj nak te̱nau nak nabal sut nincꞌoxla raj xic e̱riqꞌuin, abanan toj ma̱jiꞌ naru ninxic. Ma̱re cuan raj teꞌpa̱ba̱nk aran nak teꞌrabi ra̱tin li Dios li tinchꞌolob xya̱lal chiruheb joꞌ nak queꞌpa̱ban chak chicuu saꞌ eb li tenamit quinnumeꞌ cuiꞌ chak.

Romanos 15:23

Ac cuan nabal chihab cuoquic chixcꞌoxlanquil xic e̱riqꞌuin. Ut anakcuan xinchoy lin cꞌanjel arin saꞌ li naꞌajej cuanquin cuiꞌ.

San Lucas 22:15

Ut quixye reheb: —Cꞌajoꞌ nak yo̱quin chixrahinquil ru nak tocuaꞌak cuochbenex saꞌ li ninkꞌe aꞌin nak toj ma̱jiꞌ nincam.

Salmos 63:1

At Ka̱cuaꞌ, la̱at lin Dios. Chi anchal inchꞌo̱l nacuaj cua̱nc a̱cuiqꞌuin. Chanchanin li chaki chꞌochꞌ ta̱raj ru li haꞌ. Ta̱chakik re li cua̱m re a̱sicꞌbal, at inDios.

Hechos 17:10

Saꞌ ajcuiꞌ li kꞌojyi̱n aꞌan eb laj pa̱banel li cuanqueb aran queꞌrisi laj Pablo ut laj Silas saꞌ li tenamit aꞌan ut queꞌxtaklaheb toj Berea. Nak queꞌcuulac aran, queꞌco̱eb saꞌ li cab li nequeꞌxchꞌutub cuiꞌ ribeb laj judío.

2 Reyes 5:26

Laj Eliseo quixye re: —¿Ma incꞌaꞌ ta biꞌ ninnau nak laj Naamán x-el saꞌ lix carruaje cha̱cꞌulbal? Anakcuan ma̱cuaꞌ xkꞌehil xcꞌulbal li tumin ut li cha̱bil tꞌicr, chi moco lix naꞌaj li acui̱mk uva ut olivo, chi moco li carner ut li cuacax, chi moco li mo̱s.

2 Samuel 13:39

Nak ac xnumeꞌ xrahil xchꞌo̱l laj David chirix li ralal li quicam, quiraj cuiꞌchic rilbal ru laj Absalón.

Génesis 48:11

Laj Jacob quixye re laj José: —La̱in cuan saꞌ inchꞌo̱l nak incꞌaꞌ chic tincuil a̱cuu. Abanan li Ka̱cuaꞌ Dios xba̱nu usilal cue. Xcuil a̱cuu la̱at ut xcuil ajcuiꞌ ruheb la̱ cualal, chan laj Jacob.

Génesis 45:28

Ut laj Jacob quixye: —Tzꞌakal riqꞌuin aꞌin. La̱in ninpa̱b nak relic chi ya̱l toj yoꞌyo li cualal laj José. La̱in tinxic aran ut tincuil ru nak toj yoꞌyo̱quin la̱in, chan laj Jacob.

Génesis 31:30

La̱in ninnau nak xat-el cuiqꞌuin saꞌ junpa̱t xban nak ta̱cuaj ru xic saꞌ rochoch la̱ yucuaꞌ. Caꞌaj cuiꞌ li incꞌaꞌ nintau ru la̱in, ¿cꞌaꞌut nak xacuelkꞌaheb chak lin dios? chan laj Labán.

San Lucas 12:58

Nak yo̱quex chi xic riqꞌuin laj rakol a̱tin, yi̱bomak ru le̱ chꞌaꞌajquil saꞌ junpa̱t riqꞌuin li xicꞌ na-iloc a̱cue nak toj ma̱jiꞌ nequexcuulac. Cui incꞌaꞌ nacacꞌam a̱cuib saꞌ usilal chi junpa̱t, laj rakol a̱tin tatxtakla sa tzꞌalam.