1 Ts 2:15 - Li Santil hu

¹⁵ Eb laj judío queꞌxcamsi li Ka̱cuaꞌ Jesucristo ut queꞌxcamsi ajcuiꞌ eb li profeta ut coeꞌxyo̱lesi la̱o. Incꞌaꞌ nequeꞌxba̱nu li nacuulac chiru li Dios ut kꞌaxal xicꞌ nequeꞌril li ras ri̱tzꞌineb.

Q'eqchi Bible

¹⁵ Eb' a'an ke'xkamsi li Qaawa' Jesus jo'wi' eb' li propeet, ut xoohe'xrahob'tesi laa'o. Neke'xb'aanu li raaxiik' reheb' chixjunil, ut li Yos ink'a' nawulak chiru li xna'leb'eb';

1 Ts 2:15 ပူးပေါင်းရင်းမြစ်များ

San Mateo 5:12

Mirahoꞌ e̱chꞌo̱l. Chisahokꞌ ban e̱chꞌo̱l riqꞌuin li cꞌaꞌru ta̱uxk e̱re xban nak kꞌaxal nim le̱ kꞌajca̱munquil ta̱qꞌuehekꞌ e̱re saꞌ choxa. Moco caꞌaj cuiꞌ ta la̱ex yo̱quex chi cꞌuluc re li raylal. Joꞌcan aj ban cuiꞌ queꞌxcꞌul li profeta li queꞌcuan junxil.

Hechos 7:52

¿Ma cuan ta biꞌ junak profeta incꞌaꞌ quirahobtesi̱c xbaneb le̱ xeꞌto̱nil yucuaꞌ? ¿Ma incꞌaꞌ ta biꞌ queꞌxcamsiheb li queꞌchꞌoloban chak resil lix cꞌulunic li jun li Ti̱c Xchꞌo̱l, li quekꞌaxtesi la̱ex chi camsi̱c?

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

Hechos 3:15

La̱ex queqꞌue chi camsi̱c aꞌan, ut aꞌan li naqꞌuehoc yuꞌam. Abanan quicuaclesi̱c cuiꞌchic chi yoꞌyo xban li Dios saꞌ xya̱nkeb li camenak. Ut aꞌan li nakachꞌolob xya̱lal la̱o xban nak la̱o xkil chi tzꞌakal nak quicuacli.

San Lucas 24:20

Eb li xbe̱nil aj tij ut eb li nequeꞌtaklan saꞌ kabe̱n queꞌxkꞌaxtesi chi camsi̱c ut queꞌxqꞌue chiru cruz.

San Mateo 27:25

Ut chixjunileb li tenamit queꞌchakꞌoc ut queꞌxye: —Saꞌ kabe̱n la̱o ut saꞌ xbe̱neb li kalal kacꞌajol chicana̱k xtojbal rix lix camic, chanqueb.

San Mateo 23:37

Ex aj Jerusalén, ex aj Jerusalén, nequecamsiheb li tzꞌakal profeta ut nequecuti chi pec eb li nequeꞌtakla̱c e̱riqꞌuin xban li Dios. Nabal sut raj xcuaj e̱colbal joꞌ nak naxchꞌutubeb li ral li caxlan rubel lix xicꞌ. Abanan la̱ex incꞌaꞌ xeraj.

Ester 3:8

Laj Amán quixye re li rey Asuero: —Saꞌ xya̱nkeb li tenamit li cuanqueb rubel la̱ takl, cuan jun te̱p li tenamit xjuneseb nequeꞌxcꞌam ribeb. Incꞌaꞌ nequeꞌxjunaji rib riqꞌuineb li jun chꞌol chic. Jalan lix chakꞌrabeb ut incꞌaꞌ nequeꞌxba̱nu li cꞌaꞌru nacaye la̱at. Ma̱cꞌaꞌ aj e nak cuanqueb saꞌ eb li naꞌajej li cuanqueb rubel la̱ cuanquil.

1 Corintios 10:5

Abanan moco chixjunileb ta queꞌxba̱nu joꞌ naraj li Dios. Lix qꞌuialeb queꞌxkꞌet ra̱tin li Dios ut xban nak incꞌaꞌ queꞌxba̱nu joꞌ naraj li Dios, joꞌcan nak queꞌcam saꞌ li chaki chꞌochꞌ ut incꞌaꞌ queꞌoc saꞌ li tenamit Canaán.

Hechos 12:3

Laj Herodes quixqꞌue retal nak eb laj judío queꞌsahoꞌ xchꞌo̱l riqꞌuin li cꞌaꞌru quixba̱nu. Joꞌcan nak quixtakla ajcuiꞌ xchapbal laj Pedro. Quixba̱nu aꞌin saꞌ li ninkꞌe nak nequeꞌxcuaꞌ li caxlan cua ma̱cꞌaꞌ xchꞌamal.

Hechos 5:30

Li Dios li queꞌxlokꞌoni chak li kaxeꞌto̱nil yucuaꞌ, aꞌan li quicuaclesin cuiꞌchic re li Jesús chi yoꞌyo saꞌ xya̱nkeb li camenak, li queqꞌue chi camsi̱c chiru cruz la̱ex.

Amós 7:12

Tojoꞌnak quixye laj Amasías re laj Amós: —At profeta, elen arin. Ayu cuiꞌchic saꞌ li tenamit Judá cui ta̱cuaj ta̱qꞌuehekꞌ a̱cua riqꞌuin xyebal ra̱tin profeta.

Hechos 4:10

Takaye lix ya̱lal e̱re re nak te̱nau nak li cui̱nk aꞌin xqꞌuira saꞌ xcꞌabaꞌ li Jesucristo laj Nazaret li queqꞌue la̱ex chi camsi̱c chiru cruz. Ut aꞌan li quicuaclesi̱c cuiꞌchic chi yoꞌyo xban li Dios saꞌ xya̱nkeb li camenak. Saꞌ xcꞌabaꞌ aꞌan xqꞌuira li cui̱nk aꞌin li yo̱quex chirilbal arin anakcuan.

Jeremías 2:30

Ma̱cꞌaꞌ rajbal nak quebinkꞌus chi cau le̱ ralal e̱cꞌajol xban nak incꞌaꞌ queꞌxqꞌue saꞌ xchꞌo̱l lix tijbaleb. La̱ex xecamsiheb li profeta joꞌ nak li cakcoj naxcamsi lix tib.

2 Corintios 11:26

Yalak bar ninxic xyebal resil li Cristo, xiu xiu cuanquin. Xiu xiu cuanquin nak ninnumeꞌ saꞌ eb li nimaꞌ. Xiu xiu cuanquin xbaneb laj e̱lkꞌ ut xbaneb li cuech tenamitil ut xbaneb li ma̱cuaꞌeb aj judío. Xiu xiu cuanquin saꞌ eb li tenamit joꞌ ajcuiꞌ saꞌ li qꞌuicheꞌ. Xiu xiu cuanquin nak ninnumeꞌ saꞌ li palau. Xiu xiu cuanquin xbaneb li nequeꞌxqꞌue rib joꞌ aj pa̱banel.

Salmos 109:20

At Ka̱cuaꞌ, joꞌcaꞌin taxak nak ta̱qꞌueheb chixtojbal lix ma̱queb li xicꞌ nequeꞌiloc cue. Chaqꞌueheb taxak chixtojbal xma̱queb li nequeꞌyoꞌoban a̱tin chicuix.