1 Ts 2:1 - Li Santil hu

¹ Ex inherma̱n, la̱ex ac nequenau nak moco xcana ta chi ma̱cꞌaꞌ rajbal nak xocuulac e̱riqꞌuin.

Q'eqchi Bible

¹ Ex was wiitz'in, nekenaw chi us naq li qawulajik eerik'in moko xkanaak ta chi maak'a' rajb'al.

1 Ts 2:1 ပူးပေါင်းရင်းမြစ်များ

2 Ts 3:1

Ut anakcuan ex inherma̱n, cuan cuiꞌchic cꞌaꞌru nacuaj xtzꞌa̱manquil che̱ru. Nintzꞌa̱ma che̱ru nak textijok chikix re nak ta̱yema̱nk li ra̱tin li Ka̱cuaꞌ Jesucristo yalak bar ut cheꞌxqꞌue xlokꞌal ut cheꞌpa̱ba̱nk taxak joꞌ nak quexpa̱ban la̱ex.

1 Ts 2:13

Junelic nakabantioxi chiru li Dios nak quepa̱b li ra̱tin li Dios li xkachꞌolob che̱ru. Moco ra̱tin cui̱nk ta quepa̱b. Ra̱tin li Dios ban quepa̱b. Ut ya̱l ajcuiꞌ nak aꞌan ra̱tin li Dios. Ut aꞌan li yo̱ chi jaloc re le̱ yuꞌam la̱ex aj pa̱banel.

Filipenses 2:16

Cui joꞌcan yo̱kex, cꞌajoꞌ nak ta̱sahokꞌ saꞌ inchꞌo̱l e̱riqꞌuin nak tol-e̱lk cuiꞌchic li Jesucristo. Ta̱sahokꞌ inchꞌo̱l xban nak tinnau nak cuan rajbal chixjunil li xinba̱nu nak xincꞌanjelac saꞌ e̱ya̱nk.

1 Corintios 15:58

Joꞌcan ut ex inherma̱n, raro̱quex inban, cauhak taxak e̱chꞌo̱l saꞌ le̱ pa̱ba̱l. Michꞌinan le̱ chꞌo̱l. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ. Ut chenauhak nak li joꞌ qꞌuial te̱ba̱nu saꞌ xcꞌabaꞌ li Ka̱cuaꞌ cuan rajbal.

1 Corintios 15:2

Aꞌan aꞌin lix ya̱lal li xinchꞌolob che̱ru, li xexcoleꞌ cuiꞌ. La̱ex colbilex chic cui nequexpa̱ban chi tzꞌakal ut incꞌaꞌ nequecanab xpa̱banquil. Abanan cui incꞌaꞌ nequepa̱b chi anchal e̱chꞌo̱l, ma̱cꞌaꞌ rajbal nak xexpa̱ban.

Habacuc 2:13

¿Ma ma̱cuaꞌ ta biꞌ li nimajcual Dios xyehoc re aꞌin? Li tenamit teꞌcꞌanjelak yal re ta̱cꞌatekꞌ. Usta teꞌlubk riqꞌuin li cꞌaꞌru teꞌxba̱nu, abanan ma̱cꞌaꞌ ta̱oc cuiꞌ.

Salmos 127:1

Cui ma̱cꞌaꞌ xcuanquil li Ka̱cuaꞌ riqꞌuineb, ma̱cꞌaꞌ aj e li cꞌanjel li teꞌxba̱nu laj cablanel. Cui li Ka̱cuaꞌ incꞌaꞌ ta̱ril lix tenamit, ma̱cꞌaꞌ aj e nak cuan junak ta̱cꞌacꞌale̱nk re li tenamit.

1 Ts 3:5

Joꞌcan nak xintakla laj Timoteo e̱riqꞌuin xban nak incꞌaꞌ chic xincuy roybeninquil resil chanru cuanquex saꞌ le̱ pa̱ba̱l. Ma̱re anchal xex-a̱le̱c xban laj tza ut li kacꞌanjel ma̱re chicana̱k chi ma̱cꞌaꞌ rajbal.

Gálatas 4:11

Nachal incꞌaꞌux e̱ban. Ma̱re yal ma̱cꞌaꞌ rajbal nak xincꞌanjelac saꞌ e̱ya̱nk.

Gálatas 2:2

Co̱in xban nak li Dios quixcꞌutbesi chicuu nak tento tinxic Jerusalén. Ut queꞌxchꞌutub rib li nequeꞌcꞌamoc be chiruheb laj pa̱banel. Ut quinserakꞌi reheb li resilal li evangelio li yo̱quin chixjulticanquil reheb li ma̱cuaꞌeb aj judío. Quinchꞌolob xya̱lal chiruheb re nak incꞌaꞌ ta̱cana̱k chi ma̱cꞌaꞌ rajbal chiruheb li cꞌaꞌru yo̱quin chixba̱nunquil joꞌ ajcuiꞌ li ac xinba̱nu.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

1 Corintios 15:10

Abanan xban rusilal li Dios nak la̱in apóstol. Ut li rusilal li Dios incꞌaꞌ quicana chi ma̱cꞌaꞌ rajbal xban nak kꞌaxal cau cuiꞌchic nincꞌanjelac chiru chixjunileb li apóstol. Aban ma̱cuaꞌ injunes nincꞌanjelac. Li Dios natenkꞌan cue xban xnimal rusilal li xinma̱tani.

Isaías 65:23

Incꞌaꞌ teꞌcꞌanjelak chi ma̱cꞌaꞌ rajbal, chi moco eb li ralal xcꞌajol teꞌca̱mk chi toj ma̱jiꞌ nacuulac xkꞌehil. Li tenamit aꞌan osobtesinbilakeb xban li Ka̱cuaꞌ joꞌ ajcuiꞌ li ralal xcꞌajoleb.

Isaías 49:4

Abanan la̱in quincꞌoxla nak yo̱quin chi cꞌanjelac chi ma̱cꞌaꞌ rajbal. Saꞌ inchꞌo̱l la̱in nak yo̱quin chixchoybal inmetzꞌe̱u chi ma̱cꞌaꞌ aj e. Abanan, li Dios naxnau ma us ma incꞌaꞌ us li yo̱quin chixba̱nunquil. Aꞌan ta̱qꞌuehok re lin kꞌajca̱munquil.

Li xHu LAJ JOB 39:16

Incꞌaꞌ naxraheb li ral. Chanchan ma̱cuaꞌ ral. Ma̱cꞌaꞌ naraj re cui incꞌaꞌ teꞌmok.

2 Ts 1:10

Chixjunil aꞌin ta̱cꞌulma̱nk saꞌ li cutan nak tol-e̱lk cuiꞌchic li Ka̱cuaꞌ Jesucristo. Saꞌ li cutan aꞌan li Jesucristo ta̱lokꞌoni̱k xbaneb chixjunileb li nequeꞌpa̱ban re. La̱ex cuanquex saꞌ xya̱nkeb aꞌan. Rehex chic li Cristo xban nak ac xepa̱b lix ya̱lal li xkachꞌolob che̱ru.

Salmos 73:13

Cuan nak nincꞌoxla nak ma̱cꞌaꞌ aj e nak ti̱c inchꞌo̱l. Ma̱cꞌaꞌ rajbal nak incꞌaꞌ ninba̱nu li ma̱usilal,