1 Ts 1:4 - Li Santil hu

⁴ Ex inherma̱n, raro̱quex xban li Dios ut nakanau nak sicꞌbil e̱ru xban.

Q'eqchi Bible

⁴ Ex qas qiitz'in raarookex xb'aan li Yos, naqanaw naq sik'b'il eeru,

1 Ts 1:4 ပူးပေါင်းရင်းမြစ်များ

2 Ts 2:13

Ex inherma̱n, tento nak la̱o tobantioxi̱nk chiru li Dios che̱rix la̱ex. Raro̱quex xban li Ka̱cuaꞌ Jesucristo. Li Dios quisicꞌoc chak e̱ru chalen chak saꞌ xticlajic re nak texcolekꞌ xban nak santobresinbilex chic xban li Santil Musikꞌej ut xban nak nequepa̱b li ya̱l.

2 Pedro 1:10

Riqꞌuin ut aꞌin ex herma̱n, cheqꞌue taxak e̱chꞌo̱l chixtaubal ru nak bokbilex ut sicꞌbil e̱ru xban li Dios. Cui nequeqꞌue retal aꞌin incꞌaꞌ chic texma̱cobk.

Romanos 9:25

Joꞌcaꞌin quixye li Dios joꞌ tzꞌi̱banbil saꞌ li Santil Hu xban laj Oseas: Ta̱cuulak xkꞌehil nak la̱in tinye “cualal incꞌajol” reheb li ma̱cuaꞌeb cualal incꞌajol. Eb aꞌan incꞌaꞌ sicꞌbileb chak ru inban. Anakcuan tinye reheb: “raro̱quex inban”. (Ose. 2:23)

Colosenses 3:12

Li Dios kꞌaxal nequexra ut quixsicꞌ e̱ru chokꞌ ralal xcꞌajol. Joꞌcan nak chexcua̱nk saꞌ ti̱quilal. Chetokꞌoba ruheb le̱ ras e̱ri̱tzꞌin ut chetenkꞌaheb. Me̱kꞌetkꞌeti e̱rib. Chexcua̱nk saꞌ tu̱lanil ut checuyak li raylal.

Efesios 1:4

Nak toj ma̱jiꞌ naxyi̱b chak li ruchichꞌochꞌ li Dios, ac sicꞌbil chak ku xban saꞌ xcꞌabaꞌ li Jesucristo, re nak ti̱cak li kayuꞌam ut ma̱cꞌaꞌak chic kama̱c.

Romanos 1:7

Yo̱quin chi tzꞌi̱bac e̱riqꞌuin la̱ex li cuanquex aran saꞌ li tenamit Roma. Raro̱quex ut bokbilex xban li Dios ut la̱ex aj santil pa̱banel. Li usilal ut li tuktu̱quilal chi cua̱nc e̱riqꞌuin xban li Dios Acuabej ut xban li Ka̱cuaꞌ Jesucristo.

1 Pedro 1:2

Ac najter kꞌe cutan qui-ala chak saꞌ xchꞌo̱l li Dios Acuabej nak la̱exak li sicꞌbil e̱ru xban. Santobresinbilakex chic xban li Santil Musikꞌej re nak tex-abi̱nk ut texpa̱ba̱nk chiru li Jesucristo. Cuybilak chic le̱ ma̱c xban xquiqꞌuel li Jesucristo. Ut chicua̱nk taxak chi nabal li rusilal li Dios e̱riqꞌuin ut li tuktu̱quilal saꞌ e̱ya̱nk.

1 Ts 1:3

Nak nocotijoc chiru li Dios, junelic cuan saꞌ kachꞌo̱l chanru le̱ cha̱bilal xban le̱ pa̱ba̱l. Cuan saꞌ kachꞌo̱l le̱ cha̱bil cꞌanjel xban nak nequexrahoc ut cuan ajcuiꞌ saꞌ kachꞌo̱l nak kꞌaxal cau e̱chꞌo̱l chixyoꞌoninquil li Ka̱cuaꞌ Jesucristo.