1 Ts 1:10 - Li Santil hu

¹⁰ Ut yo̱queb ajcuiꞌ xserakꞌinquil chanru nak yo̱quex chiroybeninquil nak ta̱cha̱lk chak toj saꞌ choxa li Jesucristo li Ralal li Dios, li quicuaclesi̱c cuiꞌchic chi yoꞌyo saꞌ xya̱nkeb li camenak xban li Dios ut aꞌan li ta̱colok ke chiru li rakba a̱tin li ta̱cha̱lk saꞌ kabe̱n.

Q'eqchi Bible

¹⁰ jo'wi' re royb'eninkil li Ralal taak'ulunq chaq sa' choxa, a' li kiwaklesiik xb'aan li Yos sa' xyanqeb' li kamenaq, a'an li Jesus li nokooxkol chiru li josq'il chaalel.

1 Ts 1:10 ပူးပေါင်းရင်းမြစ်များ

1 Ts 5:9

Li Dios incꞌaꞌ quixsicꞌ ku re nak toxqꞌue chixtojbal rix li kama̱c. Quixsicꞌ ban ku re tocolekꞌ saꞌ xcꞌabaꞌ li Ka̱cuaꞌ Jesucristo.

San Mateo 3:7

Nak quiril nabaleb xcomoneb laj fariseo ut xcomoneb laj saduceo yo̱queb chi cuulac yal re nak teꞌcubsi̱k xhaꞌeb, quixye reheb: —La̱ex chanchanex li ral li cꞌambolay. ¿Ani xyehoc e̱re la̱ex nak ta̱ru̱k te̱col e̱rib chiru lix joskꞌil li Dios li ta̱cha̱lk saꞌ e̱be̱n?

Hechos 2:24

Abanan li Dios quicuaclesin cuiꞌchic re chi yoꞌyo saꞌ xya̱nkeb li camenak. Li Dios quirisi xcuanquil li ca̱mc saꞌ xbe̱n xban nak li ca̱mc incꞌaꞌ naru nanumta saꞌ xbe̱n.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

1 Pedro 1:3

Lokꞌoninbil taxak li Dios Acuabej, lix Yucuaꞌ li Ka̱cuaꞌ Jesucristo. Saꞌ xcꞌabaꞌ lix nimal ruxta̱n, coyoꞌla cuiꞌchic xcaꞌ cua. Xban nak li Jesucristo quicuacli cuiꞌchic chi yoꞌyo saꞌ xya̱nkeb li camenak, nakayoꞌoni li acꞌ yuꞌam li ma̱cꞌaꞌ rosoꞌjic.

Hebreos 9:28

Joꞌcan nak li Jesucristo jun sut ajcuiꞌ quixmayeja rib re risinquil lix ma̱queb li qꞌuila tenamit. Mokon tol-e̱lk cuiꞌchic, aban ma̱cuaꞌ chic re cuyuc ma̱c ta̱cha̱lk. Tol-e̱lk ban li Jesucristo re xtzꞌakobresinquil li kacolbal chikajunil li yo̱co chi yoꞌoni̱nc re.

Romanos 4:25

Li Jesucristo quixkꞌaxtesi rib chi ca̱mc xban li kama̱c ut quicuacli cuiꞌchic chi yoꞌyo saꞌ xya̱nkeb li camenak re xti̱cobresinquil li kachꞌo̱l chiru li Dios.

San Lucas 3:7

Quiril nak nabaleb li yo̱queb chi cuulac yal re ta̱cubsi̱k xhaꞌeb. Joꞌcan nak quixye reheb: —La̱ex chanchanex li ral li cꞌambolay. ¿Ani xyehoc e̱re nak ta̱ru̱k te̱col e̱rib chiru lix joskꞌil li Dios li ta̱cha̱lk saꞌ e̱be̱n?

1 Pedro 1:21

Saꞌ xcꞌabaꞌ li Cristo yo̱quex chixpa̱banquil li Dios, li quicuaclesin cuiꞌchic re li Cristo chi yoꞌyo saꞌ xya̱nkeb li camenak ut quixqꞌue xlokꞌal. Joꞌcan nak xepa̱b ut caꞌaj cuiꞌ riqꞌuin li Dios nequexyoꞌonin.

Romanos 8:34

¿Ani ta̱ru̱k ta̱qꞌuehok reheb laj pa̱banel saꞌ tojba ma̱c? Ma̱ ani xban nak li Jesucristo quicam saꞌ kacꞌabaꞌ ut li Dios quixcuaclesi cuiꞌchic chi yoꞌyo saꞌ xya̱nkeb li camenak. Anakcuan aꞌan cuan saꞌ xnim ukꞌ li Dios ut yo̱ chi a̱tinac chikix chiru li Dios.

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Hechos 1:11

Ut queꞌxye reheb: —Ex cui̱nk aj Galilea, ¿Cꞌaꞌut nak yo̱quex chi iloc saꞌ choxa? Li Jesús li xcuan saꞌ e̱ya̱nk ut xcꞌameꞌ saꞌ choxa, aꞌan ta̱cha̱lk cuiꞌchic. Chanru nak xeril chi xic saꞌ choxa, joꞌcan cuiꞌchic nak te̱ril nak yo̱k chi cha̱lc, chanqueb reheb.

2 Pedro 3:14

Joꞌcan ut ex herma̱n, raro̱quex inban, chalen nak yo̱quex chiroybeninquil li cꞌaꞌak re ru aꞌin, cheqꞌue e̱chꞌo̱l chixba̱nunquil li ti̱quilal re nak ma̱cꞌaꞌak e̱ma̱c ut cua̱nkex saꞌ xya̱lal nak ta̱cꞌulu̱nk li Jesucristo.

1 Ts 2:16

Xicꞌ nequeꞌrecꞌa nak nakachꞌolob xya̱lal chiruheb li ma̱cuaꞌeb aj judío re nak teꞌcolekꞌ. Ut riqꞌuin li ma̱usilal nequeꞌxba̱nu rajlal, kꞌaxal cuiꞌchic nanumta lix ma̱queb. Abanan yal jun nak quichal xjoskꞌil li Dios saꞌ xbe̱neb.

1 Corintios 1:7

Ac xema̱tani li usilal li naxqꞌue li Santil Musikꞌej ut ma̱cꞌaꞌ chic nequeroybeni. Caꞌaj chic lix cꞌulunic li Ka̱cuaꞌ Jesucristo nequeroybeni.

2 Pedro 3:12

Yo̱co chiroybeninquil xkꞌehil xcꞌulunic li Ka̱cuaꞌ. Chikaqꞌue kachꞌo̱l chi cꞌanjelac chiru re nak ta̱se̱ba̱nk chak chi cha̱lc. Saꞌ li cutan aꞌan teꞌlochk xxamlel li choxa ut teꞌosokꞌ chixjunil. Ut li cꞌaꞌak re ru cuanqueb chiru telajeꞌhaꞌokꞌ xban xtikcual li xam.

Hebreos 10:27

Cui junelic yo̱ko chi ma̱cobc, caꞌaj chic li rakba a̱tin ut lix xamlel li tojba ma̱c yo̱co chiroybeninquil bar cuiꞌ teꞌcꞌatekꞌ li xicꞌ nequeꞌiloc re li Ka̱cuaꞌ Dios.

Tito 2:13

Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

Filipenses 3:20

Abanan la̱o nococꞌoxlac chirix li cuan saꞌ choxa xban nak la̱o reho chic li tzꞌakal Dios ut yo̱co chiroybeninquil nak tol-e̱lk cuiꞌchic li Ka̱cuaꞌ Jesucristo laj Colol ke.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

Romanos 2:7

Li Dios tixqꞌue xyuꞌam chi junelic li ani naxqꞌue xchꞌo̱l chixba̱nunquil li cha̱bilal li naraj li Dios re nak tixtau lix lokꞌal, lix nimanquil ru, ut lix yuꞌam chi junelic.

Hechos 17:31

Li Dios ac xxakab jun li cutan re ta̱rakok a̱tin saꞌ xbe̱neb chixjunileb li cuanqueb saꞌ ruchichꞌochꞌ. Ut quixxakab li ani ta̱rakok a̱tin saꞌ ti̱quilal. Quixcꞌut chiku nak tzꞌakal ya̱l xban nak quixcuaclesi cuiꞌchic chi yoꞌyo saꞌ xya̱nkeb li camenak, chan laj Pablo.

Hechos 4:10

Takaye lix ya̱lal e̱re re nak te̱nau nak li cui̱nk aꞌin xqꞌuira saꞌ xcꞌabaꞌ li Jesucristo laj Nazaret li queqꞌue la̱ex chi camsi̱c chiru cruz. Ut aꞌan li quicuaclesi̱c cuiꞌchic chi yoꞌyo xban li Dios saꞌ xya̱nkeb li camenak. Saꞌ xcꞌabaꞌ aꞌan xqꞌuira li cui̱nk aꞌin li yo̱quex chirilbal arin anakcuan.

Hechos 3:21

Abanan tento nak cua̱nk chak aran saꞌ choxa toj ta̱cuulak xkꞌehil nak ta̱tzꞌaklok ru chixjunil joꞌ queꞌxchꞌolob xya̱lal li santil profeta junxilaj joꞌ quiyeheꞌ reheb xban li Dios.

Hechos 3:15

La̱ex queqꞌue chi camsi̱c aꞌan, ut aꞌan li naqꞌuehoc yuꞌam. Abanan quicuaclesi̱c cuiꞌchic chi yoꞌyo xban li Dios saꞌ xya̱nkeb li camenak. Ut aꞌan li nakachꞌolob xya̱lal la̱o xban nak la̱o xkil chi tzꞌakal nak quicuacli.

San Mateo 1:21

Ta̱cua̱nk jun lix cꞌulaꞌal chꞌina te̱lom. Ut Jesús ta̱qꞌue chokꞌ xcꞌabaꞌ xban nak aꞌan ta̱colok re lix tenamit saꞌ lix ma̱queb, chan.

Apocalipsis 1:7

Qꞌuehomak retal. Aꞌan ta̱cha̱lk chak saꞌ li chok ut chixjunileb teꞌilok re. Teꞌril ajcuiꞌ eb li queꞌcamsin re. Chixjunileb li cuanqueb saꞌ ruchichꞌochꞌ teꞌyotꞌekꞌ xchꞌo̱l ut teꞌya̱bak xban li raylal li teꞌxcꞌul. Joꞌcan taxak chicꞌulma̱nk.

1 Pedro 2:21

Li Dios naraj nak te̱ba̱nu joꞌ quixba̱nu li Cristo. Li Cristo quixcꞌul li raylal saꞌ e̱cꞌabaꞌ la̱ex. Aꞌan quicꞌamoc be che̱ru re nak la̱ex te̱cuy ajcuiꞌ xnumsinquil li raylal.

2 Timoteo 4:1

Nintzꞌa̱ma cha̱cuu saꞌ xcꞌabaꞌ li Dios nak ta̱chꞌolob lix ya̱lal. Ut nintzꞌa̱ma ajcuiꞌ saꞌ xcꞌabaꞌ li Ka̱cuaꞌ Jesucristo, li ta̱rakok a̱tin saꞌ xbe̱neb li yoꞌyo̱queb ut li camenakeb nak ta̱cha̱lk cuiꞌchic riqꞌuin lix nimal xcuanquil.

1 Ts 2:7

Saꞌ tu̱lanil ban xocuan saꞌ e̱ya̱nk joꞌ junak naꞌbej naxqꞌuiresiheb saꞌ tu̱lanil lix cocꞌal.

1 Ts 1:7

Joꞌcan nak la̱ex chic aj cꞌamol be chiruheb chixjunileb laj pa̱banel li cuanqueb saꞌ li naꞌajej Macedonia ut Acaya.

Colosenses 1:18

Ut aꞌan ajcuiꞌ najolomin ke la̱o aj pa̱banel ut junajo chic riqꞌuin li Cristo. Aꞌan li naqꞌuehoc re li kayuꞌam. Aꞌan li xbe̱n quicuacli cuiꞌchic chi yoꞌyo saꞌ xya̱nkeb li camenak ut aꞌan li kꞌaxal nim xcuanquil saꞌ xbe̱n chixjunil.

Romanos 1:4

Li Ka̱cuaꞌ Jesucristo aꞌan tzꞌakal Dios. Numtajenak lix santilal. Riqꞌuin lix nimal xcuanquil, li Dios quixcuaclesi cuiꞌchic chi yoꞌyo saꞌ xya̱nkeb li camenak re xcꞌutbal chiku nak aꞌan tzꞌakal Ralal li Dios.

San Lucas 2:25

Aran Jerusalén cuan jun li cui̱nk aj Simeón xcꞌabaꞌ. Li cui̱nk aꞌan ti̱c xchꞌo̱l ut naxqꞌue xlokꞌal li Dios. Yo̱ chiroybeninquil nak li Dios ta̱risiheb saꞌ raylal laj Israel. Ut cuan li Santil Musikꞌej riqꞌuin.

Génesis 49:18

Ut laj Jacob quixye re li Ka̱cuaꞌ Dios: —At inDios, la̱in yo̱quin cha̱cuoybeninquil nak tatcha̱lk chincolbal, chan re li Dios.

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

San Mateo 16:28

Relic chi ya̱l tinye e̱re nak cuanqueb arin saꞌ e̱ya̱nk li incꞌaꞌ teꞌca̱mk toj tineꞌril chi cha̱lc la̱in li Cꞌajolbej riqꞌuin incuanquilal, chan li Jesús.

Hechos 2:32

Aꞌan aꞌin li Jesús li quicuaclesi̱c cuiꞌchic chi yoꞌyo xban li Dios. La̱o xkil tzꞌakal riqꞌuin xnakꞌ ku. Joꞌcan nak nakanau nak ya̱l.