1 Timoteo 4:3 - Li Santil hu

³ Eb aꞌan nequeꞌxye nak incꞌaꞌ us li sumla̱c ut nequeꞌxye ajcuiꞌ nak cuan li tzacae̱mk incꞌaꞌ us xtzacanquil. Abanan moco ya̱l ta li nequeꞌxye. Li Dios quiqꞌuehoc re li tzacae̱mk aꞌin re nak ta̱tzaca̱k. Ut la̱o aj pa̱banel li nakanau lix ya̱lal, nakatzaca ut nakabantioxi chiru li Dios nak quixqꞌue ke li katzacae̱mk.

Q'eqchi Bible

³ Eb' a'an te'xye naq ink'a' us li sumlaak ut wank tzekemq ink'a' us xtzekankil, cha'qeb'. A'ut li Yos kixyoob'tesi chixjunil li tzekemq re naq eb' laj paab'anel ut eb' li neke'xnaw chi us li yaal, te'xtzeka rik'in b'anyoxink.

1 Timoteo 4:3 ပူးပေါင်းရင်းမြစ်များ

1 Timoteo 4:4

Chixjunil li quixyoꞌobtesi li Dios, aꞌan cha̱bil. Ma̱cꞌaꞌ xtzꞌekta̱nanquil. Nakabantioxi chiru li Dios ut nakatzaca.

Hebreos 13:4

Us li sumla̱c aban tento che-oxlokꞌi le̱ sumlajic. Ma̱cꞌaꞌ cꞌaꞌru chebalakꞌi cuiꞌ e̱rib. Li Dios ta̱rakok a̱tin saꞌ xbe̱neb li nequeꞌxmux ru lix sumlajiqueb, joꞌ ajcuiꞌ saꞌ xbe̱neb laj coꞌbe̱t laj yumbe̱t.

Romanos 14:6

Li ani naxqꞌue xlokꞌal junak li cutan, aꞌan naxba̱nu re xlokꞌoninquil li Dios. Ut joꞌcan ajcuiꞌ li natiꞌoc tib naxba̱nu aꞌan re xlokꞌoninquil li Dios ut naxbantioxi ajcuiꞌ chiru li Dios. Ut li ani incꞌaꞌ natiꞌoc tib, xlokꞌoninquil ajcuiꞌ li Dios naxba̱nu nak incꞌaꞌ natiꞌoc tib, ut naxbantioxi ajcuiꞌ chiru li Dios.

Colosenses 2:16

Michꞌinan e̱chꞌo̱l cui ani nacuechꞌin e̱re riqꞌuin li cꞌaꞌru nequetzaca ut li cꞌaꞌru nequerucꞌ. Chi moco ta̱chꞌina̱nk e̱chꞌo̱l cui ani nacuechꞌin e̱re xban nak incꞌaꞌ nequeninkꞌei lix ninkꞌeheb. Cuan li nequeꞌxninkꞌei lix yoꞌlajic li po ut li hiloba̱l cutan.

1 Corintios 8:8

Moco xban ta li katzacae̱mk nak tocua̱nk chi sum a̱tin riqꞌuin li Dios. Li tzacae̱mk incꞌaꞌ naxnimobresi xcuanquil li kapa̱ba̱l chi moco naxpoꞌ li kapa̱ba̱l.

Génesis 9:3

Xinqꞌue e̱re chixjunil li acui̱mk chokꞌ re e̱tzacae̱mk. Anakcuan tinqꞌue ajcuiꞌ e̱re chixjunil li xul. Chixjunil li cꞌaꞌak re ru tinqꞌue chokꞌ re e̱tzacae̱mk.

Colosenses 3:17

Ut chixjunil li cꞌaꞌru te̱ye ut te̱ba̱nu, cheba̱nuhak re xqꞌuebal xlokꞌal li Jesucristo. Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo.

1 Corintios 7:28

Abanan cui texsumla̱k moco ma̱c ta aꞌan. Ut joꞌcaneb ajcuiꞌ li sa̱j ixk. Moco ma̱c ta cui teꞌsumla̱k. Abanan kꞌaxal cuiꞌchic nabal li raylal saꞌ xbe̱neb li sumsu̱queb. La̱in incꞌaꞌ raj nacuaj nak te̱cꞌul li raylal.

Romanos 14:3

Li ani naxtzaca chixjunil li cꞌaꞌak re ru natzacaman incꞌaꞌ naru tixtzꞌekta̱na li ani incꞌaꞌ naxtzaca chixjunil li cꞌaꞌak re ru. Ut li ani incꞌaꞌ naxtzaca chixjunil li cꞌaꞌak re ru incꞌaꞌ naru naxcuechꞌi rix li jun chic li naxtzaca chixjunil xban nak aꞌan ac xcꞌuleꞌ ajcuiꞌ xban li Dios.

Hebreos 13:9

Me̱qꞌue e̱rib chi balakꞌi̱c xbaneb laj balakꞌ, xban nak jalan jala̱nk li tijleb nequeꞌxye. Ma̱cuaꞌ li cꞌaꞌru nakatzaca li najaloc re li kayuꞌam. Aꞌ ban li rusilal li Dios najaloc re ut naxqꞌue xcacuil kachꞌo̱l.

1 Timoteo 2:4

Li Dios naraj nak chixjunileb teꞌcolekꞌ ut teꞌxtau ru chi tzꞌakal cꞌaꞌru li ya̱l.

1 Corintios 6:13

Li Dios quixyi̱b li tzacae̱mk re li kasaꞌ ut quixyi̱b li kasaꞌ re li tzacae̱mk. Ya̱l ajcuiꞌ, aban ta̱cuulak xkꞌehil nak li Dios tixsach li tzacae̱mk joꞌ ajcuiꞌ li katibel. Li Dios incꞌaꞌ coxyoꞌobtesi re li coꞌbe̱tac yumbe̱tac. Coxyoꞌobtesi ban re nak tocꞌanjelak chiru li Ka̱cuaꞌ. Ut li Ka̱cuaꞌ aꞌan li na-iloc ke.

Romanos 14:17

Lix cuanquilal li Dios incꞌaꞌ nakatau riqꞌuin cꞌaꞌru nakatzaca chi moco riqꞌuin li cꞌaꞌru nakucꞌ; natauman ban riqꞌuin li ti̱quilal, li tuktu̱quil usilal ut li sahil chꞌo̱lejil li naxqꞌue ke li Santil Musikꞌej.

San Mateo 15:36

Ut quixchap li cuukub chi caxlan cua ut eb li car, quixbantioxi chiru li Dios ut quixjachi. Ut quixqꞌue reheb lix tzolom re nak teꞌxjeqꞌui reheb li tenamit.

Eclesiastés 5:18

Riqꞌuin chixjunil aꞌin la̱in xinqꞌue retal nak li cꞌaꞌru us tixba̱nu li cui̱nk, aꞌan cuaꞌac ut ucꞌac ut xyalbal xsahil li quixcꞌanjela ru nak cuan arin saꞌ ruchichꞌochꞌ. Lix yuꞌam quiqꞌueheꞌ re xban li Dios. Tento ta̱cꞌanjelak xban nak ac tenebanbil saꞌ xbe̱n.

San Mateo 14:19

Ut nak ac xtaklaheb li qꞌuila tenamit chi cꞌojla̱c saꞌ li pachꞌayaꞌ, quixchap li o̱b chi caxlan cua ut li cuib chi car, qui-iloc takecꞌ ut quixbantioxi chiru li Dios. Ut quixjachi ut quixqꞌue li caxlan cua reheb lix tzolom ut queꞌxjeqꞌui reheb li qꞌuila tenamit.

Hechos 27:35

Ut nak quixye aꞌan, quixchap jun li caxlan cua ut quixbantioxi chiru li Dios chiruheb chixjunileb li cuanqueb aran. Ut nak quixjach, qui-oc chixcuaꞌbal.

San Juan 6:23

Ut cuanqueb cuiꞌchic jucub queꞌel chak Tiberias queꞌcuulac chixcꞌatk li naꞌajej li queꞌcuaꞌac cuiꞌ nak ac xbantioxi li Jesús chiru li Dios.

San Lucas 24:30

Nak cꞌojcꞌo saꞌ me̱x rochbeneb, quixchap li caxlan cua, quixbantioxi chiru li Dios, quixjachi ut quixqꞌue reheb.

Daniel 11:37

Li rey li cuan saꞌ li norte tixtzꞌekta̱naheb lix dioseb lix xeꞌto̱nil yucuaꞌ ut tixtzꞌekta̱na ajcuiꞌ li dios li nequeꞌxlokꞌoni li ixk. Ma̱ jun li dios tixqꞌue xcuanquil xban nak tixcꞌoxla nak caꞌaj cuiꞌ aꞌan li kꞌaxal nim xcuanquil saꞌ xbe̱neb chixjunileb.

1 Samuel 9:13

Nak tex-oc saꞌ li tenamit, texxic riqꞌuin saꞌ junpa̱t nak toj ma̱jiꞌ naxic chi mayejac saꞌ li tzu̱l saꞌ xcꞌabaꞌeb li tenamit. Eb li bokbileb incꞌaꞌ teꞌcuaꞌak cui toj ma̱jiꞌ nacuulac aꞌan. Tento nak li profeta ta̱rosobtesi li mayej xbe̱n cua, tojoꞌnak teꞌcuaꞌak li tenamit. Ayukex anakcuan ut te̱tau li profeta, chanqueb.

San Mateo 15:11

Ma̱cuaꞌ li cꞌaꞌru naxtzaca li cui̱nk nama̱coꞌ cuiꞌ; aban li cꞌaꞌru incꞌaꞌ us naxcꞌoxla saꞌ xchꞌo̱l, aꞌan li nama̱coꞌ cuiꞌ.—

1 Timoteo 5:14

Joꞌcan nak nacuaj nak li xma̱lcaꞌan li toj sa̱jeb teꞌsumla̱k cuiꞌchic. Cheꞌcua̱nk ralal xcꞌajol ut cheꞌxjolomi lix jun cablal re nak incꞌaꞌ tohobekꞌ la̱o aj pa̱banel xbaneb li xicꞌ nequeꞌiloc ke.