1 Timoteo 4:2 - Li Santil hu

² Ticꞌtiꞌ li nequeꞌxcꞌut eb laj balakꞌ. Incꞌaꞌ chic nequeꞌrecꞌa nak incꞌaꞌ us yo̱queb. Chanchan nak cꞌatbil riqꞌuin chꞌi̱chꞌ lix cꞌaꞌuxeb xban li ticꞌtiꞌ li nequeꞌxye. Joꞌcan nak incꞌaꞌ nequeꞌxqꞌue retal nak incꞌaꞌ us yo̱queb chixba̱nunquil.

Q'eqchi Bible

² A'in taak'ulmanq xb'aaneb' laj b'alaq' ut eb' laj ka'pak'al u li kamenaqeb' xk'a'uxl, chanchan naq kaaxtinb'ileb' xb'aan laj eechal reheb'.

1 Timoteo 4:2 ပူးပေါင်းရင်းမြစ်များ

Efesios 4:19

Incꞌaꞌ nequeꞌxnau xuta̱nac ut nequeꞌxqꞌue rib chixba̱nunquil li ma̱usilal. Nequeꞌxba̱nu chixjunil li joꞌ ma̱joꞌil aj naꞌleb.

Romanos 16:18

Eb aꞌan incꞌaꞌ nequeꞌxba̱nu li cꞌaꞌru naraj li Ka̱cuaꞌ Jesucristo. Caꞌaj cuiꞌ li cꞌaꞌru nequeꞌxrahi ru lix chꞌo̱leb, aꞌan li nequeꞌxba̱nu. Ut riqꞌuin kꞌunil a̱tin nequeꞌkꞌunbesin ut nequeꞌxbalakꞌi li incꞌaꞌ cauheb xchꞌo̱l saꞌ xpa̱ba̱leb.

Hechos 20:30

Ut saꞌ e̱ya̱nk ajcuiꞌ la̱ex cua̱nkeb li teꞌoc chixyebal cꞌaꞌak re ru incꞌaꞌ ya̱l re xkꞌunbesinquileb laj pa̱banel re teꞌxic chirixeb.

Apocalipsis 16:14

Eb li ma̱us aj musikꞌej aꞌin nequeꞌxba̱nu sachba chꞌo̱lej. Nequeꞌxic yalak bar saꞌ ruchichꞌochꞌ chixchꞌutubanquileb li rey ut eb li tenamit re nak teꞌpletik saꞌ eb li cutan nak li nimajcual Dios ta̱pletik riqꞌuin li joskꞌ aj xul.

2 Timoteo 3:5

Teꞌxye rib nak aj pa̱baneleb, abanan incꞌaꞌ teꞌxqꞌue xcuanquil li pa̱ba̱l. At Timoteo, ma̱junaji a̱cuib riqꞌuineb aꞌan.

Romanos 1:28

Xban nak incꞌaꞌ nequeꞌxcꞌoxla li Dios, joꞌcan nak queꞌtzꞌekta̱na̱c xban li Dios saꞌ li tzꞌekbe̱tal aj naꞌleb chixba̱nunquil li moco uxc ta naraj.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

San Mateo 7:15

Chenauhak xcolbal e̱rib chiruheb li profeta aj balakꞌ. Chanchan nak cha̱bileb joꞌ li carner nak nequeꞌcꞌutun. Abanan moco ya̱l ta. Chanchaneb li joskꞌ aj xoj nak nequeꞌchal chi balakꞌi̱nc.

Efesios 4:14

Moco joꞌcakex ta chic li cocꞌal. Li cocꞌal nequeꞌxpa̱b li cꞌaꞌak re ru nequeꞌyeheꞌ re. La̱ex ma̱cuaꞌex chic cocꞌal. Joꞌcan nak me̱qꞌue e̱rib chi balakꞌi̱c xbaneb li nequeꞌbalakꞌin riqꞌuin jalanil tijleb.

Jeremías 23:32

Yo̱ injoskꞌil saꞌ xbe̱neb li nequeꞌa̱tinac joꞌ profeta ut nequeꞌxye lix matqꞌueb li ma̱cꞌaꞌ nequeꞌoc cuiꞌ. Nequeꞌxqꞌue lin tenamit chi ma̱cobc riqꞌuin li ticꞌtiꞌ nequeꞌxye. Ma̱cuaꞌ la̱in xina̱tinac riqꞌuineb chi moco xinxakabeb chokꞌ profeta. Incꞌaꞌ nequeꞌxtenkꞌaheb lin tenamit, chan li Ka̱cuaꞌ.

1 Reyes 22:22

Li musikꞌej quixye, “La̱in tin-oc riqꞌuineb chixjunileb li profeta re nak teꞌxye ticꞌtiꞌ re laj Acab,” chan. Ut li Ka̱cuaꞌ quixye re, “Us. Ayu ut balakꞌi laj Acab. Ta̱uxma̱nk joꞌ xaye” chan.—

1 Reyes 13:18

Abanan li profeta jun chic quixticꞌtiꞌi ut quixye re: —La̱in profetin ajcuiꞌ joꞌ la̱at. Ut jun lix ángel li Ka̱cuaꞌ x-a̱tinac cuiqꞌuin ut xye cue, “Li Ka̱cuaꞌ xye, Cꞌam saꞌ la̱ cuochoch li profeta re ta̱cuaꞌak ut ta̱ucꞌak”, chan.

Jeremías 23:14

Joꞌcaneb ajcuiꞌ li profetas li cuanqueb Jerusalén. Kꞌaxal cuiꞌchic yibru nequeꞌxba̱nu. Nequeꞌxmux ru lix sumlajiqueb ut nequeꞌticꞌtiꞌic. Eb aꞌan nequeꞌoquen chirixeb li incꞌaꞌ useb xnaꞌleb. Ut incꞌaꞌ nequeꞌxcanab xba̱nunquil li ma̱usilal. Chicuu la̱in eb aꞌan juntakꞌe̱teb riqꞌuineb laj Sodoma ut eb laj Gomorra.

Jeremías 5:21

Abihomak la̱ex li ma̱cꞌaꞌ e̱naꞌleb, la̱ex li cau e̱chꞌo̱l. La̱ex li cuan xnakꞌ e̱ru ut incꞌaꞌ nequex-iloc, la̱ex li cuan e̱xic ut incꞌaꞌ nequex-abin.

Isaías 9:15

Eb li nequeꞌcꞌamoc be ut eb li cuanqueb xcuanquil, aꞌaneb li queꞌjuntakꞌe̱ta̱c riqꞌuin lix jolom li xul. Ut eb li queꞌjuntakꞌe̱ta̱c riqꞌuin lix ye li xul, aꞌaneb lix profeta li nequeꞌticꞌtiꞌic.

Jeremías 23:26

¿Joꞌ najtil chic teꞌxye li ticꞌtiꞌ saꞌ incꞌabaꞌ, li ticꞌtiꞌ li yal nequeꞌxcꞌoxla xjuneseb?