1 Timoteo 3:3 - Li Santil hu

³ Laj cꞌamol be ma̱cuaꞌak aj calajenak ut ma̱cuaꞌak aj sicꞌol ple̱t. Ma̱cuaꞌak aj rahol ru tumin. Tu̱lanak ban ut cua̱nk saꞌ xya̱lal.

Q'eqchi Bible

³ maawa'aq aj kalajenaq, chi moko aj raholaq ru tumin malaj aj yoob'anel raaxiik', nimaq b'an xkuyum ut tuulanaq.

1 Timoteo 3:3 ပူးပေါင်းရင်းမြစ်များ

Tito 1:7

Li ani nacꞌamoc be chiruheb laj pa̱banel, li jun aꞌan aj cꞌanjel chiru li Dios. Joꞌcan nak tento nak ti̱cak xchꞌo̱l re nak ma̱ ani ta̱a̱tinak chirix. Moco kꞌetkꞌetak ta ut moco chꞌinpoꞌak ta, chi moco ta̱cala̱k, chi moco ta̱pletik. Ut ma̱cuaꞌak aj rahol ru biomal, chi moco tixsicꞌ xtumin riqꞌuin balakꞌic.

Tito 3:2

Ut chaye ajcuiꞌ reheb nak incꞌaꞌ teꞌxyoꞌob a̱tin chirixeb li ras ri̱tzꞌin ut incꞌaꞌ teꞌcuechꞌi̱nk. Kꞌunakeb ban xchꞌo̱l ut cha̱bilakeb. Ut cheꞌcua̱nk saꞌ usilal riqꞌuineb chixjunileb li ras ri̱tzꞌin.

Efesios 5:18

Mexcala chic xban nak napoꞌoc chꞌo̱lej. Chinujak ban le̱ chꞌo̱l riqꞌuin li Santil Musikꞌej.

1 Timoteo 3:8

Ut joꞌcan ajcuiꞌ li nequeꞌcꞌanjelac saꞌ xya̱nkeb laj pa̱banel. Tento nak ti̱cakeb xchꞌo̱l. Ut li cꞌaꞌru teꞌxye teꞌxba̱nu, cheꞌxba̱nuhak ajcuiꞌ. Ma̱cuaꞌakeb aj calajenak. Ut incꞌaꞌ teꞌxsicꞌ xtumineb riqꞌuin balakꞌi̱nc.

Santiago 4:1

¿Cꞌaꞌut nak toj cuan pletic ut cuechꞌi̱nc ib saꞌ e̱ya̱nk? ¿Ma incꞌaꞌ ta biꞌ riqꞌuin xrahinquil ru li incꞌaꞌ us nequetiquib pletic?

Isaías 28:7

Eb li profeta ut eb laj tij yo̱queb chi cala̱c ut nequeꞌtacloc. Cꞌajoꞌ li vino ut li haꞌ li nacaltesin queꞌrucꞌ toj retal queꞌxsach xnaꞌleb. Eb li profeta incꞌaꞌ chic nequeꞌxtau ru li visión li naxcꞌut chiruheb li Ka̱cuaꞌ. Ut eb laj tij incꞌaꞌ chic nequeꞌru xqꞌuebal xnaꞌlebeb li tenamit.

1 Pedro 5:2

La̱ex laj cꞌamol be, tintzꞌa̱ma che̱ru nak te̱qꞌue e̱chꞌo̱l chirilbaleb li ralal xcꞌajol li Dios joꞌ nak laj ilol xul narileb lix xul chi anchal xchꞌo̱l. Te̱qꞌue e̱chꞌo̱l chixchꞌolaninquileb laj pa̱banel li kꞌaxtesinbil e̱re xban li Dios chi ma̱cuaꞌ minbil e̱ru. Te̱ba̱nu ban chi anchal e̱chꞌo̱l. Me̱ba̱nu yal xban xrahinquil ru le̱ tojbal. Cheba̱nu ban xban nak te̱raj cꞌanjelac chiru li Dios.

Hebreos 13:5

Me̱ra ru li tumin. Checꞌojobak ban e̱chꞌo̱l riqꞌuin li joꞌ qꞌuial cuan e̱re xban nak li Dios quixye: Junelic tatintenkꞌa, ut ma̱ jokꞌe tatincanab a̱junes. (Deut. 31:6)

Tito 2:3

Ut chaqꞌueheb ajcuiꞌ xnaꞌlebeb li che̱quel ixk. Chicꞌutu̱nk lix lokꞌaleb riqꞌuin lix ti̱quilal xchꞌo̱leb. Incꞌaꞌ teꞌxyoꞌob a̱tin chirixeb li ras ri̱tzꞌin ut incꞌaꞌ teꞌcala̱k. Aꞌanakeb ban chic aj cꞌamol be saꞌ li ti̱quilal.

Levítico 10:9

—La̱at ut eb la̱ cualal incꞌaꞌ ta̱ru̱k tex-oc saꞌ li tabernáculo cui yo̱quex chi ucꞌac vino malaj ut li haꞌ li nacaltesin re nak incꞌaꞌ texca̱mk. Aꞌin jun li chakꞌrab tento te̱ba̱nu la̱ex ut tento ajcuiꞌ teꞌxba̱nu eb le̱ ralal e̱cꞌajol li teꞌcua̱nk mokon.

Apocalipsis 1:9

La̱in laj Juan, le̱ rech aj pa̱banelil. La̱in xintzꞌakon ajcuiꞌ riqꞌuin xcuybal li raylal saꞌ xcꞌabaꞌ li Jesucristo e̱rochben la̱ex li sicꞌbil e̱ru xban li Ka̱cuaꞌ. La̱in cuanquin arin saꞌ li naꞌajej Patmos li sutsu riqꞌuin haꞌ xban nak xinchꞌolob xya̱lal li ra̱tin li Dios ut xinye resil li Jesucristo.

San Judas 1:11

Ra teꞌxcꞌul. Lix naꞌlebeb aꞌan joꞌ lix naꞌleb laj Caín. Chanchaneb laj Balaam, xban nak nequeꞌxrahi ru li tumin ut junes aꞌan chic nequeꞌxcꞌoxla. Nequeꞌxtzꞌekta̱na lix chakꞌrab li Dios ut nequeꞌxnimobresi rib joꞌ quixba̱nu laj Coré. Xban aꞌan nak teꞌosokꞌ.

2 Pedro 2:3

Eb aꞌan aj ticꞌtiꞌeb. Caꞌaj cuiꞌ le̱ tumin nequeꞌraj. Xban xrahinquil ru li tumin nequeꞌbalakꞌic riqꞌuin ticꞌtiꞌ. Lix rahobtesinquileb aꞌan ac tenebanbil chak saꞌ xbe̱neb najter xban li Dios. Incꞌaꞌ chic ta̱ba̱yk. Cuulac ban re xcutanquil nak teꞌsachekꞌ ruheb.

Tito 1:11

Eb aꞌan tento xkꞌusbaleb re nak teꞌxcanab li balakꞌi̱nc. Yo̱queb xpoꞌbal xchꞌo̱leb li ju̱nk cabal riqꞌuin xcꞌutbal li moco ya̱l ta. Riqꞌuin balakꞌi̱nc nequeꞌxtau lix tumineb.

1 Ts 5:14

Nakatzꞌa̱ma che̱ru, ex herma̱n, chekꞌuseb li yal subuc cutan nequeꞌxba̱nu. Cheqꞌuehak xcacuil xchꞌo̱leb li nequeꞌchꞌinan xchꞌo̱leb ut chetenkꞌa ajcuiꞌ li toj kꞌuneb xchꞌo̱l saꞌ xpa̱ba̱leb. Ut chicua̱nk e̱cuyum riqꞌuineb chixjunileb.

Romanos 16:18

Eb aꞌan incꞌaꞌ nequeꞌxba̱nu li cꞌaꞌru naraj li Ka̱cuaꞌ Jesucristo. Caꞌaj cuiꞌ li cꞌaꞌru nequeꞌxrahi ru lix chꞌo̱leb, aꞌan li nequeꞌxba̱nu. Ut riqꞌuin kꞌunil a̱tin nequeꞌkꞌunbesin ut nequeꞌxbalakꞌi li incꞌaꞌ cauheb xchꞌo̱l saꞌ xpa̱ba̱leb.

Hechos 20:33

La̱ex nequenau nak la̱in incꞌaꞌ xinrahi ru lix tumin jalan, chi moco lix biomal, chi moco li rakꞌeb.

San Mateo 21:13

Quixye reheb: —Joꞌcaꞌin tzꞌi̱banbil saꞌ li Santil Hu chirix li rochoch li Dios: Li cuochoch aꞌin re teꞌtijok cuiꞌ li tenamit nak cuan. Abanan la̱ex xeqꞌue li rochoch li Dios chokꞌ xnaꞌajeb laj e̱lkꞌ, chan li Jesús reheb.

Malaquías 1:10

Li Ka̱cuaꞌ li nimajcual Dios quixye: —Us raj cuan ta junak e̱re tixtzꞌap raj xpuertil lin templo re nak ma̱ ani chic ta̱oc aran chixtzꞌabbal li xam saꞌ xbe̱n lin artal chi ma̱cꞌaꞌ rajbal. La̱in incꞌaꞌ sa saꞌ inchꞌo̱l e̱riqꞌuin ut incꞌaꞌ chic tincꞌul li nequemayeja chicuu.

Miqueas 3:11

Eb laj rakol a̱tin nequeꞌtumina̱c ruheb nak nequeꞌrakoc a̱tin. Ut eb laj tij tojbileb nak nequeꞌxcꞌut li chakꞌrab chiruheb li tenamit. Ut eb li profeta nequeꞌyehoc ra̱tin profeta re nak teꞌxcꞌul lix tumineb. Ut chixjunileb nequeꞌxcꞌojob xchꞌo̱l chixyebal: —Li Ka̱cuaꞌ cuan kiqꞌuin. La̱o ma̱cꞌaꞌ raylal takacꞌul, chanqueb.

Miqueas 3:5

Joꞌcaꞌin quixye li Ka̱cuaꞌ chirixeb li profeta li nequeꞌqꞌuehoc reheb lin tenamit chi ma̱cobc: —Tuktu̱quil usilal nequeꞌxtzꞌa̱ma saꞌ xbe̱neb li nequeꞌqꞌuehoc xcuaheb. Ut raylal nequeꞌxtzꞌa̱ma saꞌ xbe̱neb li ani incꞌaꞌ nequeꞌqꞌuehoc xcuaheb.

Miqueas 2:11

Eb li tenamit aꞌin nequeꞌraj junak profeta aj balakꞌ. Nequeꞌraj junak li profeta ta̱ticꞌtiꞌik ut tixye reheb: —La̱in tinyehok e̱re nak ta̱cua̱nk nabal li vino ut li trau chokꞌ e̱re, chaꞌak. Aꞌan li te̱raj rabinquil.

Ezequiel 44:21

Eb laj tij incꞌaꞌ teꞌrucꞌ li vino nak teꞌoc saꞌ li neba̱l li cuan toj chi saꞌ.

Jeremías 8:10

Joꞌcan nak la̱in tinqꞌueheb li rixakil reheb jalan cui̱nk. Ut lix naꞌajeb li racui̱mk tinqꞌue reheb li teꞌchapok re lix tenamiteb xban nak junes lix biomal nequeꞌxcꞌoxla li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Eb li profeta ut eb laj tij nequeꞌbalakꞌic.

Jeremías 6:13

Chixjunileb nequeꞌxrahi ru li biomal, joꞌ eb li toj sa̱jeb, joꞌ ajcuiꞌ li ac che̱queb. Eb li profeta ut eb laj tij aj balakꞌeb.

Isaías 28:1

Raylal ta̱cha̱lk saꞌ e̱be̱n la̱ex li ralal xcꞌajol laj Efraín. Xenimobresi e̱rib riqꞌuin li nimla tenamit Samaria li cuan saꞌ li ru takꞌa li cuan cuiꞌ li cha̱bil chꞌochꞌ. Ut cꞌajoꞌ le̱ kꞌetkꞌetil. Yo̱ chi sachc lix lokꞌal li tenamit Samaria xban nak junes cala̱c chic nequeꞌxba̱nu. Chanchan li utzꞌuꞌuj li yo̱ chi chakic.

Eclesiastés 7:8

Kꞌaxal us nak ta̱choy li cꞌanjel li ac xatiquib xba̱nunquil chiru nak ta̱tiquib xba̱nunquil jun chic cꞌanjel ut incꞌaꞌ ta̱choy xba̱nunquil. Ut kꞌaxal us li cuyuc ib chiru li nimobresi̱nc ib.

Proverbios 15:27

Li ani naxrahi ru chixjunil naxqꞌue saꞌ raylal lix jun cablal. Abanan li ani incꞌaꞌ naxcꞌu̱luban nak ta̱tumina̱k ru, aꞌan sa ta̱cua̱nk.

Proverbios 1:19

Joꞌcaꞌin nak nequeꞌosoꞌ eb li cui̱nk li nequeꞌxrahi ru li jalan aj e. Nequeꞌxsach lix yuꞌameb xban li cꞌaꞌru nequeꞌxrahi ru.

1 Samuel 8:3

Abanan eb li alalbej incꞌaꞌ queꞌrakoc a̱tin saꞌ xya̱lal joꞌ quixba̱nu li yucuaꞌbej. Yo̱queb chixrahinquil ru li tumin. Nequeꞌtumina̱c ru. Ut incꞌaꞌ nequeꞌrakoc a̱tin saꞌ ti̱quilal.

2 Timoteo 3:2

Eb li cristian junes reheb teꞌraj. Teꞌxrahi ru li tumin. Teꞌxnimobresi xcuanquil xjuneseb rib. Teꞌxkꞌetkꞌeti ribeb. Teꞌhobok ut teꞌxkꞌet ra̱tin xnaꞌ xyucuaꞌ. Incꞌaꞌ teꞌtioxi̱nk ut incꞌaꞌ teꞌxqꞌue xcuanquil xpa̱banquil li Dios.