1 Timoteo 2:9 - Li Santil hu

⁹ Ut nacuaj ajcuiꞌ nak eb li ixk cheꞌxtikibak rib chi cha̱bil joꞌ xcꞌulub junak aj pa̱banel ut incꞌaꞌ teꞌxnimobresi rib riqꞌuin lix tikibanquil chi moco teꞌxtikib rib yal re nak teꞌrahekꞌ ru. Joꞌ ajcuiꞌ riqꞌuin xyi̱banquil li rismal xjolom. Joꞌ li cꞌaꞌ re ru teꞌxqꞌue cuiꞌ xsahob ru joꞌ li oro ut li terto̱quil pec. Incꞌaꞌ teꞌxqꞌue xcuanquil li nequeꞌxqꞌue chokꞌ xsahob ruheb.

Q'eqchi Bible

⁹ Jo'kanaqeb' ajwi' li ixq, tiqtooqeb' chi chaab'il, che'xtiqib'aq rib' sa' xyaalal jo' chanru xk'ulub'eb', moko chi k'oloxinb'ilaq ta li rismaleb' chi moko rik'in oor, lemtz'il q'ol malaj aq'ej q'axal terto xtz'aq,

1 Timoteo 2:9 ပူးပေါင်းရင်းမြစ်များ

Jeremías 4:30

La̱ex aj Jerusalén, raylal ta̱cha̱lk saꞌ e̱be̱n. ¿Cꞌaꞌut nak nequetikib e̱rib riqꞌuin li caki akꞌ? ¿Cꞌaꞌut nak nequerocsi li oro chokꞌ xsahob e̱ru? ¿Cꞌaꞌut nak nequebon li xnakꞌ e̱ru? Ma̱cꞌaꞌ rajbal nak nequeyi̱b e̱rib chi chꞌinaꞌus. Eb li queꞌrahoc e̱re xextzꞌekta̱na ut teꞌraj e̱camsinquil.

Salmos 149:4

Li Ka̱cuaꞌ sa saꞌ xchꞌo̱l riqꞌuineb lix tenamit ut naxqꞌueheb xlokꞌal li tu̱laneb.

Isaías 3:16

Li Ka̱cuaꞌ quixye ajcuiꞌ reheb: —Eb li ixk li cuanqueb Sión nequeꞌxnimobresi ribeb ut nequeꞌxtaksi li riloba̱l nak nequeꞌbe̱c. Kꞌetkꞌet nequeꞌiloc. Chanchan yo̱queb chi xajoc nak nequeꞌbe̱c. Ut nequeꞌrecꞌasi lix sahob ru li nequeꞌxqꞌue saꞌ xcux rokeb.

Jeremías 2:32

¿Ma naxtzꞌekta̱na ta biꞌ lix kꞌol junak li sa̱j ixk? ¿Ma naxtzꞌekta̱na ta biꞌ lix sahob ru junak li tukꞌ ixk li oc re chi sumla̱c? Abanan, la̱ex lin tenamit junxil nequex-oc chintzꞌekta̱nanquil.

2 Reyes 9:30

Chirix chic aꞌan laj Jehú quisukꞌi Jezreel ut lix Jezabel quirabi resil. Quixbon li ru ut quixyi̱b chi us li rismal ut quixxakab rib chi iloc saꞌ ventana.

Proverbios 7:10

Ut li ixk qui-el chak chixcꞌulbal li al. Li xtikibanquil joꞌ nak nequeꞌxtikib ribeb li ixk li nequeꞌxcꞌayi ribeb. Ut se̱b xchꞌo̱l chi kꞌunbesi̱nc.

Génesis 24:53

Tojoꞌnak quixkꞌaxtesi nabal lix ma̱tan lix Rebeca. Quixqꞌue li rakꞌ, quixqꞌue lix plata joꞌ ajcuiꞌ lix oro. Lix naꞌ ut li ras lix Rebeca queꞌxcꞌul ajcuiꞌ nabal lix ma̱tan terto xtzꞌak.

Isaías 61:4

Teꞌxyi̱b cuiꞌchic li tenamit li ac jucꞌbil junxil. Teꞌxcuaclesiheb li cab li queꞌpoꞌi najter. Ut teꞌxcuaclesi cuiꞌchic li tenamit li quilajeꞌtꞌaneꞌ najter.

Ester 5:1

Nak ac xnumeꞌ li oxib cutan, lix Ester quixtikib rib chi cha̱bil joꞌ xcꞌulub xban nak aꞌan li reina. Qui-oc saꞌ li rochoch li rey ut quixakli saꞌ li oqueba̱l re li naꞌajej chunchu cuiꞌ li rey saꞌ lix cꞌojariba̱l. Lix cꞌojariba̱l na-iloc bar cuan cuiꞌ li puerta.

Proverbios 31:22

Riqꞌuin rukꞌ naxyi̱b li ris ut naxyi̱b ajcuiꞌ li rakꞌ aꞌan riqꞌuin li cha̱bil tꞌicr lino.

San Mateo 11:8

¿Cꞌaꞌ put ru coxe̱ril chak? ¿Ma junak cui̱nk cha̱bil xtikibanquil coxe̱ril chak? Aꞌ li cha̱bileb rakꞌ saꞌ rochocheb li rey cuanqueb.

Proverbios 31:25

Li ixk aꞌan cau rib ut cuan xlokꞌal. Incꞌaꞌ nacꞌoxlac chirix li cꞌaꞌru ta̱cha̱lk chiru mokon.

1 Timoteo 2:10

Li ixk li napa̱ban re li Dios, moco riqꞌuin ta xtikibanquil rib cuan xchꞌinaꞌusal. Riqꞌuin ban lix ti̱quilal xchꞌo̱l.