1 Samuel 9:3 - Li Santil hu

³ Saꞌ jun li cutan queꞌsach lix bu̱r laj Cis. Quixye re laj Saúl: —Cauresi a̱cuib ut tatxic chixsicꞌbaleb lin bu̱r. Ta̱cꞌam jun li mo̱s cha̱cuix nak tatxic, chan.

Q'eqchi Bible

³ Sa' jun kutan ke'sachk li xb'uur laj Kis li xyuwa'. Jo'kan naq laj Kis kixye re laj Saúl li ralal: “Kawresi aawib' ut ayu chi xsik'b'aleb' linb'uur. K'am chawix junaq reheb' laj k'anjel chiwu”.

1 Samuel 9:3 ပူးပေါင်းရင်းမြစ်များ

1 Samuel 10:2

Anakcuan nak tat-e̱lk cuiqꞌuin ta̱cꞌuleb cuib li cui̱nk cuan cuiꞌ li mukleba̱l re lix Raquel aran Selsa, saꞌ lix naꞌajeb li ralal xcꞌajol laj Benjamín. Eb li cui̱nk aꞌan teꞌxye a̱cue, “Eb li bu̱r li yo̱cat chixsicꞌbal ac xeꞌtauheꞌ. Incꞌaꞌ chic yo̱ chi cꞌoxlac la̱ yucuaꞌ chirixeb. Ra ban xchꞌo̱l cha̱cuix la̱at. Ut yo̱ chixyebal, ¿Cꞌaꞌru tinba̱nu? Incꞌaꞌ nacꞌulun li cualal,” chan.

Jueces 10:4

Ut queꞌcuan laje̱b xcaꞌcꞌa̱l li ralal laj Jair. Junes chirix bu̱r nequeꞌbe̱c. Queꞌtaklan saꞌ xbe̱neb laje̱b xcaꞌcꞌa̱l chi tenamit saꞌ li naꞌajej Galaad. Toj chalen anakcuan nequeꞌxye “Lix tenamit laj Jair” reheb li tenamit aꞌan.

Jueces 5:10

Cheyehak resilal che̱junilex la̱ex li nequexxic chirixeb li bu̱r li sak rixeb ut la̱ex li nequexrakoc a̱tin. Cheyehak ajcuiꞌ resilal la̱ex li nequexxic che̱rok.

1 Samuel 9:2

Laj Cis cuan jun li ralal aj Saúl xcꞌabaꞌ. Toj sa̱j ut cꞌajoꞌ xchakꞌal ru. Aꞌan li kꞌaxal chꞌinaꞌus ut li kꞌaxal najt rok saꞌ xya̱nkeb laj Israel.

1 Samuel 9:4

Co̱ laj Saúl ut quixsiqꞌui saꞌ chixjunil lix naꞌajeb li ralal xcꞌajol laj Efraín, li tzu̱l ru. Ut quixsiqꞌui ajcuiꞌ saꞌ li naꞌajej Salisa. Abanan incꞌaꞌ quixtauheb lix bu̱r lix yucuaꞌ. Quixsiqꞌui ajcuiꞌ saꞌ li naꞌajej Saalim ut saꞌ lix naꞌajeb li ralal xcꞌajol laj Benjamín. Chi moco aran quixtauheb.

1 Samuel 9:20

Matcꞌoxlac chic chirixeb li bu̱r li ac cuan oxib cutan xsachiqueb. Ac xeꞌtauheꞌ chic. ¿Ma ma̱cuaꞌ ta biꞌ la̱at joꞌ eb ajcuiꞌ li ralal xcꞌajol la̱ yucuaꞌ li yo̱queb chirajbal ru chixjunileb laj Israel? chan.

1 Samuel 10:14

Jun li rican laj Saúl quixye re laj Saúl ut re lix mo̱s: —¿Bar xexcuulac chak?— Ut laj Saúl quixye re: —Xocuulac chak chixsicꞌbaleb lix bu̱r lin yucuaꞌ. Abanan incꞌaꞌ xkatauheb. Xco̱o riqꞌuin laj Samuel, chan.