1 Samuel 9:21 - Li Santil hu

²¹ Laj Saúl quixye re: —La̱in xcomoneb li ralal xcꞌajol laj Benjamín, li incꞌaꞌ qꞌuiheb saꞌ xya̱nkeb laj Israel. Ut la̱o li ralal xcꞌajol li kayucuaꞌ, ma̱cꞌaꞌ kacuanquil saꞌ xya̱nkeb chixjunileb li ralal xcꞌajol laj Benjamín. ¿Cꞌaꞌut nak nacaye cue chixjunil aꞌin? chan.

Q'eqchi Bible

²¹ Kichaq'ok laj Saúl: “Laa'in aj Benjamín, xkomonin li teep jwal kach'in sa' xyanqeb' laj Israel. Ut linjunkab'al ma ink'a' tab'i' li jwal kach'in sa' xyanq chixjunileb' li junkab'al aj Benjamín? Chan put ru naq nakaye we chixjunil a'in?”, chan laj Saúl.

1 Samuel 9:21 ပူးပေါင်းရင်းမြစ်များ

1 Samuel 15:17

Quixye laj Samuel: —Usta la̱at xaye nak ma̱cꞌaꞌ a̱cuanquil, abanan la̱at xatqꞌueheꞌ chi takla̱nc saꞌ xbe̱neb laj Israel. Li Ka̱cuaꞌ quisicꞌoc a̱cuu re nak tat-oc chokꞌ xreyeb laj Israel.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

San Lucas 14:11

Joꞌcan nak chixjunileb li nequeꞌxnimobresi ribeb, ta̱cubsi̱k xcuanquileb. Ut chixjunileb li nequeꞌxcubsi ribeb, eb aꞌan teꞌqꞌuehekꞌ xcuanquil, chan li Jesús.

Salmos 68:27

Li yo̱queb chi xic chi ubej, aꞌaneb li nequeꞌcꞌamoc be saꞌ xya̱nkeb li ralal xcꞌajol laj Benjamín. Ut chirixeb aꞌan cuanqueb li nequeꞌcꞌamoc be saꞌ xya̱nkeb li ralal xcꞌajol laj Judá joꞌ ajcuiꞌ li nequeꞌcꞌamoc be saꞌ xya̱nkeb li ralal xcꞌajol laj Zabulón ut joꞌ ajcuiꞌ li nequeꞌcꞌamoc be saꞌ xya̱nkeb laj Neftalí.

Oseas 13:1

Nak nequeꞌa̱tinac li ralal xcꞌajol laj Efraín chixjunileb nequeꞌxucuac xbaneb. Qꞌuebil xcuanquileb saꞌ xya̱nkeb laj Israel. Abanan queꞌma̱cob nak queꞌxlokꞌoni laj Baal. Joꞌcan nak teꞌca̱mk.

1 Samuel 18:23

Queꞌxye re laj David joꞌ quiyeheꞌ reheb xban laj Saúl. Ut laj David quixye reheb: —¿Ma nequecꞌoxla la̱ex nak kꞌaxal us chokꞌ re junak cui̱nk joꞌ la̱in oc chokꞌ xhiꞌ li rey? La̱in ma̱cꞌaꞌ incuanquil ut nebaꞌin, chan.

1 Samuel 18:18

Laj David quixye: —¿Ma cuan ta biꞌ incuanquil la̱in nak tin-oc chokꞌ a̱hiꞌ, at rey? Ut, ¿ma cuanqueb ta biꞌ xcuanquil lin yucuaꞌ ut eb lix comon arin Israel? chan.

1 Samuel 10:27

Abanan cuanqueb li incꞌaꞌ useb xnaꞌleb. Queꞌxye: —¿Ma aꞌan li cui̱nk li ta̱colok ke? chanqueb. Ut xicꞌ queꞌril laj Saúl ut incꞌaꞌ queꞌxqꞌue xma̱tan. Abanan laj Saúl incꞌaꞌ quixqꞌue saꞌ xchꞌo̱l li cꞌaꞌru queꞌxba̱nu.

1 Samuel 9:22

Tojoꞌnak laj Samuel quixcꞌam laj Saúl rochben lix mo̱s saꞌ li nimla naꞌajej li oqueb cuiꞌ re chi cuaꞌac. Quixqꞌueheb xnaꞌajeb saꞌ xjolom li me̱x li chunchu̱queb cuiꞌ li laje̱b xcaꞌcꞌa̱l chi ulaꞌ.

1 Samuel 14:51

Lix yucuaꞌ laj Saúl, aꞌan laj Cis. Ut laj Ner, aꞌan lix yucuaꞌ laj Abner. Laj Cis ut laj Ner, aꞌaneb li ralal laj Abiel.

Salmos 68:28

At inDios, chacꞌutbesi taxak chiku la̱ cuanquilal. Chacꞌut ta cuiꞌchic chiku la̱ cuanquil joꞌ nak cacꞌutbesi chiku junxil.