1 Samuel 9:12 - Li Santil hu

¹² Eb li tukꞌ ixk queꞌxye re: —Arin cuan. Caꞌchꞌin chic ma̱ nequexcuulac. Se̱bahomak e̱rib chi xic re nak te̱tau. Xcꞌulun anakcuan xban nak tento nak ta̱mayejak chiru li Ka̱cuaꞌ saꞌ xbe̱n li artal li cuan saꞌ li tzu̱l.

Q'eqchi Bible

¹² Ke'sumeek: “Wank, aran cheru wank laj q'e u. Seeb'ahomaq eerib' chi xik re naq teetaw. Toje' xk'ulunk sa' li tenamit, xb'aan naq hoon taamayejaq sa' xk'ab'a'eb' li tenamit, sa' xb'een tzuul.

1 Samuel 9:12 ပူးပေါင်းရင်းမြစ်များ

Génesis 31:54

Ut laj Jacob quixlokꞌoni li Ka̱cuaꞌ Dios saꞌ li tzu̱l aꞌan ut quixqꞌue lix mayej chiru. Ut quixbokeb ajcuiꞌ li rechꞌalal chi cuaꞌac. Queꞌcuaꞌac chixjunileb ut saꞌ li tzu̱l queꞌxnumsi li kꞌojyi̱n.

1 Samuel 16:2

Laj Samuel quixye: —At Ka̱cuaꞌ, la̱in incꞌaꞌ naru ninba̱nu aꞌan. Cui laj Saúl ta̱rabi resil, tinixcamsi, chan. Li Dios quixye re: —Ta̱cꞌam jun li chꞌina ba̱c nak tatxic. Ut ta̱ye re laj Saúl nak xic a̱cue chi mayejac chicuu.

1 Samuel 10:5

Laj Samuel quixye ajcuiꞌ re laj Saúl: —Chirix chic aꞌan la̱at tatxic toj Gabaa bar nequeꞌxlokꞌoni cuiꞌ li Dios saꞌ li naꞌajej li cuan cuiꞌ lix muheba̱leb laj filisteo. Nak tat-oc saꞌ li tenamit aꞌan, ta̱cꞌuleb jun chꞌu̱tal li profeta li yo̱keb chi cubec saꞌ li tzu̱l. Yo̱keb chixchꞌeꞌbal lix salterio, lix pandero, lix xo̱lb joꞌ eb ajcuiꞌ lix arpa re xlokꞌoninquil li Dios.

1 Crónicas 16:39

Laj Sadoc rochbeneb li rech aj tijul, aꞌaneb li queꞌxakaba̱c chi cꞌamoc be chi lokꞌoni̱nc saꞌ lix tabernáculo li Dios li cuan aran Gabaón saꞌ jun li naꞌajej najt xteram.

1 Samuel 7:17

Ut chirix aꞌan nasukꞌi Ramá xban nak aran cuan li rochoch. Toj aran narakoc chak a̱tin saꞌ xbe̱neb li tenamit Israel. Ut quixyi̱b jun li artal re xlokꞌoninquil li Ka̱cuaꞌ saꞌ li tenamit aꞌan.

1 Samuel 2:35

La̱in tinsicꞌ ru jun chic li ta̱cꞌanjelak chicuu chokꞌ aj tij. Aꞌan tixba̱nu lix cꞌanjel chi cha̱bil joꞌ nacuaj la̱in. La̱in tinqꞌue ralal xcꞌajol re nak junelic teꞌcꞌanjelak chokꞌ aj tij ut re ajcuiꞌ nak teꞌcꞌanjelak chiru li rey li tinsicꞌ ru la̱in.

1 Samuel 20:6

Cui la̱ yucuaꞌ tinixpatzꞌ, la̱at ta̱ye re nak xintzꞌa̱ma cha̱cuu nak tina̱canab chi xic saꞌ lin tenamit Belén xban nak eb li cuechꞌalal nequeꞌninkꞌei̱c aran rajlal chihab.