1 Samuel 8:8 - Li Santil hu

⁸ Chalen nak queꞌcuisi chak Egipto, yo̱queb chintzꞌekta̱nanquil toj chalen anakcuan nak yo̱queb chixlokꞌoninquil li jalanil dios. Joꞌcan ajcuiꞌ yo̱queb a̱cue la̱at anakcuan.

Q'eqchi Bible

⁸ Chalen naq ke'wisi chaq Ejiipt toj anaqwan neke'xb'aanu we jo' tz'aqal yookeb' chi xb'aanunkil aawe anaqwan, xb'aan naq xine'xtz'eqtaana ut xe'ok chi xloq'oninkil eb' li jalanil yos.

1 Samuel 8:8 ပူးပေါင်းရင်းမြစ်များ

Éxodo 32:1

Eb li cristian queꞌxqꞌue retal nak laj Moisés quibay chak chi sukꞌi̱c saꞌ li tzu̱l. Queꞌxchꞌutub rib chiru laj Aarón ut queꞌxye re: —Ta̱yi̱b kadios re teꞌcꞌamok be chiku. Incꞌaꞌ nakanau cꞌaꞌru xcꞌul chak laj Moisés, li qui-isin chak ke saꞌ li tenamit Egipto, chanqueb.

Jueces 13:1

Eb laj Israel queꞌxba̱nu cuiꞌchic li ma̱usilal chiru li Ka̱cuaꞌ. Joꞌcan nak li Ka̱cuaꞌ quixkꞌaxtesiheb rubel xcuanquileb laj filisteo chiru caꞌcꞌa̱l (40) chihab.

Jueces 6:1

Ut eb laj Israel queꞌxba̱nu cuiꞌchic li ma̱usilal chiru li Ka̱cuaꞌ. Joꞌcan nak li Ka̱cuaꞌ quixkꞌaxtesiheb saꞌ rukꞌeb laj Madián chiru cuukub chihab.

Jueces 4:1

Nak ac xcam laj Aod, eb laj Israel queꞌoc cuiꞌchic chixba̱nunquil li incꞌaꞌ us chiru li Ka̱cuaꞌ.

Jueces 2:20

Cꞌajoꞌ nak quijoskꞌoꞌ li Ka̱cuaꞌ saꞌ xbe̱neb laj Israel. Ut quixye: —Eb li tenamit aꞌin xeꞌxkꞌet li contrato li quinba̱nu riqꞌuineb lix xeꞌto̱nil xyucuaꞌeb. Incꞌaꞌ nequeꞌraj xba̱nunquil li cꞌaꞌru ninye reheb.

Deuteronomio 9:24

Junelic yo̱quex chixkꞌetkꞌetinquil e̱rib chiru li Ka̱cuaꞌ chalen saꞌ li cutan nak quinnau e̱ru.

Números 16:41

Cuulajak chic chixjunileb laj Israel queꞌxcuechꞌi rixeb laj Moisés ut laj Aarón ut queꞌxye reheb: —La̱ex quecamsiheb lix tenamit li Ka̱cuaꞌ, chanqueb.

Éxodo 17:2

Ut eb laj Israel queꞌoc cuiꞌchic chixcuechꞌinquil laj Moisés. —Qꞌue kucꞌa, chanqueb re. Laj Moisés quixye reheb: —¿Cꞌaꞌut nak yo̱quex chincuechꞌinquil? ¿Cꞌaꞌut nak nequecuechꞌi rix li Dios? chan.

Éxodo 16:3

Queꞌxye reheb: —Incꞌaꞌ ta peꞌ cuan co-el chak Egipto. Kꞌaxal us raj nak coxcamsi ta li Ka̱cuaꞌ Dios nak toj cuanco chak saꞌ li tenamit Egipto. Aran sa cuanco cuiꞌ. Cuan katib ut cuan kacaxlan cua ut nujenako chi junelic. Ut la̱ex xoe̱cꞌam chak arin saꞌ li chaki chꞌochꞌ ut yo̱co chi xcuybal li kasaꞌ ut ca̱mc ke xban cueꞌej, chanqueb.

1 Samuel 8:7

Ut li Ka̱cuaꞌ quixye re laj Samuel: —Ba̱nu li yo̱queb chixtzꞌa̱manquil a̱cue li tenamit. Ma̱cuaꞌ la̱at yo̱queb cha̱tzꞌekta̱nanquil. La̱in ban yo̱queb chintzꞌekta̱nanquil xban nak eb aꞌan incꞌaꞌ nequeꞌraj nak la̱in tintakla̱nk saꞌ xbe̱neb.

1 Samuel 8:9

Joꞌcan ut ba̱nu li yo̱queb chixtzꞌa̱manquil cha̱cuu. Abanan ta̱ye reheb chi tzꞌakal lix ya̱lal chanru li cua̱nc rubel xcuanquil junak rey, chan li Ka̱cuaꞌ.

Jeremías 34:14

Saꞌ xcuuk li chihab tento nak te̱rachꞌab le̱ lokꞌbil mo̱s aj hebreo. Cuakib chihab ajcuiꞌ teꞌcꞌanjelak che̱ru. Ut saꞌ li xcuuk chihab libre chic teꞌcana̱k. Abanan le̱ xeꞌto̱nil yucuaꞌ incꞌaꞌ queꞌabin chicuu ut incꞌaꞌ queꞌxba̱nu joꞌ quinye reheb.

Ezequiel 2:3

Ut li Ka̱cuaꞌ quixye cue: —At ralal cui̱nk, yo̱quin cha̱taklanquil riqꞌuineb li ralal xcꞌajol laj Israel. Eb li tenamit aꞌan kꞌaxal kꞌetkꞌeteb ut queꞌxkꞌet li cua̱tin. Eb aꞌan joꞌ eb ajcuiꞌ lix xeꞌto̱nil yucuaꞌeb yo̱queb chi ma̱cobc chicuu toj chalen anakcuan.

Salmos 78:8

Teꞌxserakꞌi reheb li ralal xcꞌajol re nak incꞌaꞌ teꞌxba̱nu joꞌ queꞌxba̱nu li kaxeꞌto̱nil yucuaꞌ. Eb aꞌan queꞌxba̱nu li cꞌaꞌru queꞌraj xjuneseb ut incꞌaꞌ queꞌabin chiru li Dios. Moco cauheb ta xchꞌo̱l riqꞌuin li Dios. Joꞌcan nak queꞌxkꞌet li ra̱tin.