1 Samuel 8:7 - Li Santil hu

⁷ Ut li Ka̱cuaꞌ quixye re laj Samuel: —Ba̱nu li yo̱queb chixtzꞌa̱manquil a̱cue li tenamit. Ma̱cuaꞌ la̱at yo̱queb cha̱tzꞌekta̱nanquil. La̱in ban yo̱queb chintzꞌekta̱nanquil xban nak eb aꞌan incꞌaꞌ nequeꞌraj nak la̱in tintakla̱nk saꞌ xbe̱neb.

Q'eqchi Bible

⁷ ut li Qaawa' kixye re laj Samuel: “Paab' chixjunil li te'xye aawe li tenamit. Xb'aan naq moko laa'at xate'xtz'eqtaana, laa'in b'an xine'xtz'eqtaana, re naq ink'a' tintaqlanq sa' xb'eeneb'.

1 Samuel 8:7 ပူးပေါင်းရင်းမြစ်များ

1 Samuel 10:19

Abanan la̱ex xetzꞌekta̱na li Ka̱cuaꞌ le̱ Dios, li quicoloc e̱re chiruheb li raylal ut li chꞌaꞌajquilal li cuanquex cuiꞌ. Anakcuan la̱ex nequeye: La̱o takaj junak karey, chanquex. Joꞌcan nak anakcuan us te̱chꞌutub e̱rib chiru li Ka̱cuaꞌ chi te̱p, aꞌ yal chanru xqꞌuial li junju̱nk chꞌu̱tal, chan laj Samuel.

San Lucas 19:27

Ut cꞌamomakeb chak li xicꞌ nequeꞌiloc cue li incꞌaꞌ nequeꞌraj nak tin-oc chokꞌ xreyeb. Ut chicuu ajcuiꞌ, te̱camsiheb, chan li rey.

San Lucas 10:16

Li ani ta̱abi̱nk re le̱ ra̱tin la̱ex, ta̱rabi ajcuiꞌ li cua̱tin la̱in. Ut li ani ta̱tzꞌekta̱na̱nk e̱re la̱ex, tinixtzꞌekta̱na ajcuiꞌ la̱in. Ut li ani natzꞌekta̱nan cue la̱in, naxtzꞌekta̱na ajcuiꞌ li quitaklan chak cue, chan li Jesús.

Éxodo 16:8

Laj Moisés quixye ajcuiꞌ reheb: —Rajlal ecuu li Ka̱cuaꞌ Dios tixqꞌue chak le̱ tib re te̱tzaca ut rajlal ekꞌela tixqꞌue chak le̱ cua li joꞌ qꞌuial te̱raj. Li Ka̱cuaꞌ Dios xrabi nak yo̱quex chi cuechꞌi̱nc. ¿Aniho la̱o nak yo̱quex chikacuechꞌinquil? Moco la̱o ta yo̱quex chikacuechꞌinquil. Li Ka̱cuaꞌ Dios ban li yo̱quex chixcuechꞌinquil.—

San Lucas 19:14

Aban xicꞌ na-ileꞌ xbaneb lix tenamit ut nak ac xco̱ li cui̱nk, queꞌxtakla xtakl riqꞌuin li ta̱xakaba̱nk re chokꞌ rey chixyebal re: —La̱o incꞌaꞌ nakaj nak ta̱oc chokꞌ karey li cui̱nk aꞌin, chanqueb.

San Mateo 10:40

Li ani ta̱cꞌuluk e̱re la̱ex, tinixcꞌul ajcuiꞌ la̱in. Ut li ani ta̱cꞌuluk cue, tixcꞌul ajcuiꞌ li xtaklan chak cue.

San Juan 13:16

Relic chi ya̱l ninye e̱re nak ma̱ jun mo̱s tixkꞌax ta ru xcuanquil lix patrón ut li ani natakla̱c incꞌaꞌ naxkꞌax ru lix cuanquil li quitaklan chak re.

Isaías 66:4

Joꞌcan nak la̱in tinsicꞌ ru li raylal li tinqꞌue saꞌ xbe̱neb. Tinqꞌue li raylal saꞌ xbe̱neb li cꞌajoꞌ nequeꞌxxucua, xban nak xebinbok ut incꞌaꞌ xineꞌxchakꞌbe. Nak xeꞌcua̱tina, incꞌaꞌ xineꞌrabi. Queꞌxba̱nu ban li incꞌaꞌ us chicuu. Queꞌxba̱nu li incꞌaꞌ nacuulac chicuu, chan li Dios.

Números 22:20

Ut li Dios quixcꞌutbesi rib chiru laj Balaam chiru li kꞌojyi̱n ut quixye re: —Cui eb li cui̱nk aꞌin xeꞌchal cha̱cꞌambal, ayu chirixeb. Abanan ma̱cꞌaꞌ ta̱ba̱nu toj tinye a̱cue la̱in, chan.

Jueces 8:23

Laj Gedeón quixye reheb: —Chi moco la̱in, chi moco li cualal ta̱takla̱nk saꞌ e̱be̱n. Aꞌ ban li Ka̱cuaꞌ Dios ta̱takla̱nk saꞌ e̱be̱n, chan.

1 Samuel 8:8

Chalen nak queꞌcuisi chak Egipto, yo̱queb chintzꞌekta̱nanquil toj chalen anakcuan nak yo̱queb chixlokꞌoninquil li jalanil dios. Joꞌcan ajcuiꞌ yo̱queb a̱cue la̱at anakcuan.

1 Samuel 8:22

Ut li Ka̱cuaꞌ quixye re: —Ba̱nu li cꞌaꞌru nequeꞌraj. Ta̱xakab junak lix reyeb, chan. Ut laj Samuel quixtaklaheb li cui̱nk saꞌ lix tenamiteb.

1 Samuel 12:1

Tojoꞌnak laj Samuel quixye reheb li tenamit: —Qꞌuehomak retal. La̱in xinba̱nu chixjunil li xeye cue. Ut xinxakab le̱ rey.

1 Samuel 12:12

Nak queqꞌue retal nak laj Nahas lix reyeb laj Amón oc re chi pletic e̱riqꞌuin, la̱ex xetzꞌekta̱na li Ka̱cuaꞌ Dios ut aꞌan raj li tzꞌakal le̱ rey. Ut xeye, “Takaj junak karey re ta̱takla̱nk saꞌ kabe̱n,” chanquex.

Jeremías 34:14

Saꞌ xcuuk li chihab tento nak te̱rachꞌab le̱ lokꞌbil mo̱s aj hebreo. Cuakib chihab ajcuiꞌ teꞌcꞌanjelak che̱ru. Ut saꞌ li xcuuk chihab libre chic teꞌcana̱k. Abanan le̱ xeꞌto̱nil yucuaꞌ incꞌaꞌ queꞌabin chicuu ut incꞌaꞌ queꞌxba̱nu joꞌ quinye reheb.

Ezequiel 2:3

Ut li Ka̱cuaꞌ quixye cue: —At ralal cui̱nk, yo̱quin cha̱taklanquil riqꞌuineb li ralal xcꞌajol laj Israel. Eb li tenamit aꞌan kꞌaxal kꞌetkꞌeteb ut queꞌxkꞌet li cua̱tin. Eb aꞌan joꞌ eb ajcuiꞌ lix xeꞌto̱nil yucuaꞌeb yo̱queb chi ma̱cobc chicuu toj chalen anakcuan.

Ezequiel 3:7

Eb li ralal xcꞌajol laj Israel incꞌaꞌ teꞌraj rabinquil li cꞌaꞌru ta̱ye xban nak incꞌaꞌ nequeꞌraj rabinquil li cꞌaꞌru ninye la̱in. Chixjunileb laj Israel, aꞌan cauheb xchꞌo̱l ut cauheb li ra̱m.