1 Samuel 8:6 - Li Santil hu

⁶ Ut laj Samuel incꞌaꞌ quicuulac chiru nak queꞌxtzꞌa̱ma xreyeb. Joꞌcan nak quitijoc chiru li Ka̱cuaꞌ.

Q'eqchi Bible

⁶ Ab'an ink'a' kiwulak chiru laj Samuel naq ke'xtz'aama x'awab'ejeb'. Jo'kan naq kitijok chiru li Qaawa',

1 Samuel 8:6 ပူးပေါင်းရင်းမြစ်များ

1 Samuel 15:11

—Incꞌaꞌ sa saꞌ inchꞌo̱l riqꞌuin laj Saúl. Incꞌaꞌ raj xinqꞌue chokꞌ xreyeb laj Israel. Quinixtzꞌekta̱na ut quixkꞌet lin chakꞌrab, chan. Qui-oc xcꞌaꞌux laj Samuel ut quixnumsi li kꞌojyi̱n aꞌan chi tijoc chiru li Ka̱cuaꞌ.

Santiago 1:5

Cui cuan junak saꞌ e̱ya̱nk ta̱raj xnaꞌleb, chixtzꞌa̱mahak re li Dios, ut li Dios tixqꞌue chi anchal xchꞌo̱l ut chi nabal.

1 Samuel 12:17

Qꞌuehomak retal. ¿Ma ma̱cuaꞌ ta biꞌ anakcuan xkꞌehil li sicꞌoc trigo? Anakcuan ma̱cuaꞌ xkꞌehil li hab. Abanan la̱in tintzꞌa̱ma chiru li Dios nak tixqꞌue chak li ca̱k ut li hab re nak te̱qꞌue retal nak ma̱c xeba̱nu chiru li Dios nak xetzꞌa̱ma le̱ rey, chan laj Samuel.

Salmos 109:4

Xicꞌ niquineꞌril usta ninraheb ut nintijoc chirixeb.

Números 16:46

Ut laj Moisés quixye re laj Aarón: —Cꞌam la̱ sansar chiru li artal ut ta̱qꞌue li ru xam chi saꞌ ut ta̱qꞌue ajcuiꞌ li pom. Ut ta̱cꞌam chi junpa̱t cuanqueb cuiꞌ li tenamit ut ta̱santobresiheb. Xnumta lix joskꞌil li Dios saꞌ xbe̱neb ut ac xticla li caki yajel, chan.

Números 16:22

Ut laj Moisés ut laj Aarón queꞌxhupub ribeb saꞌ chꞌochꞌ ut queꞌxye: —At Ka̱cuaꞌ, at kaDios, la̱at nacatqꞌuehoc xyuꞌam li junju̱nk. Jun ajcuiꞌ li xma̱cob cha̱cuu. ¿Ma ta̱cuisi a̱joskꞌil saꞌ xbe̱neb chixjunileb li tenamit?—

Números 16:15

Riqꞌuin li cꞌaꞌru queꞌxye, queꞌxchikꞌ xjoskꞌil laj Moisés ut quixye re li Ka̱cuaꞌ: —At Ka̱cuaꞌ, ma̱cꞌul taxak lix mayejeb. La̱in ma̱cꞌaꞌ xinmakꞌ chiruheb. La̱in incꞌaꞌ xinmakꞌ lix bu̱r chiruheb chi moco xinba̱nu raylal reheb.—

Éxodo 32:32

Ut anakcuan tintzꞌa̱ma cha̱cuu, ba̱nu usilal, chacuy lix ma̱queb. Cui incꞌaꞌ naru ta̱cuy lix ma̱queb, ba̱nu usilal ta̱cuisi lin cꞌabaꞌ saꞌ la̱ hu li tzꞌi̱banbil cuiꞌ xcꞌabaꞌeb li ti̱queb xchꞌo̱l, chan.

Éxodo 32:21

Ut laj Moisés quixye re laj Aarón: —¿Cꞌaꞌru xeꞌxba̱nu a̱cue nak xaqꞌueheb chi ma̱cobc li tenamit aꞌin?—

Filipenses 4:6

Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.

1 Samuel 7:5

Laj Samuel quixye reheb: —Che̱junilex la̱ex aj Israel, chꞌutubomak e̱rib aran Mizpa ut la̱in tintijok che̱rix chiru li Ka̱cuaꞌ, chan.

1 Samuel 10:19

Abanan la̱ex xetzꞌekta̱na li Ka̱cuaꞌ le̱ Dios, li quicoloc e̱re chiruheb li raylal ut li chꞌaꞌajquilal li cuanquex cuiꞌ. Anakcuan la̱ex nequeye: La̱o takaj junak karey, chanquex. Joꞌcan nak anakcuan us te̱chꞌutub e̱rib chiru li Ka̱cuaꞌ chi te̱p, aꞌ yal chanru xqꞌuial li junju̱nk chꞌu̱tal, chan laj Samuel.

1 Samuel 12:12

Nak queqꞌue retal nak laj Nahas lix reyeb laj Amón oc re chi pletic e̱riqꞌuin, la̱ex xetzꞌekta̱na li Ka̱cuaꞌ Dios ut aꞌan raj li tzꞌakal le̱ rey. Ut xeye, “Takaj junak karey re ta̱takla̱nk saꞌ kabe̱n,” chanquex.

Oseas 13:10

¿Bar cuan le̱ rey anakcuan re texcol la̱ex ut le̱ tenamit? Ut, ¿bar cuanqueb laj rakol a̱tin li xetzꞌekta̱na nak queye nak queraj junak le̱ rey joꞌ ajcuiꞌ eb li teꞌtenkꞌa̱nk re chi takla̱nc saꞌ e̱be̱n?

1 Samuel 12:19

Ut queꞌxye re laj Samuel: —Chattijok chikix la̱o aj cꞌanjel cha̱cuu. Tzꞌa̱ma chiru li Dios nak incꞌaꞌ toxcanab chi ca̱mc xban nak ma̱c xkaba̱nu nak xkapatzꞌ karey, chanqueb.

1 Samuel 12:23

La̱in incꞌaꞌ nacuaj ma̱cobc chiru li Ka̱cuaꞌ Dios riqꞌuin xcanabanquil tijoc che̱rix. Nacuaj xqꞌuebal e̱naꞌleb ut nacuaj ajcuiꞌ xcꞌutbal che̱ru cꞌaꞌru li us xba̱nunquil re nak cha̱bilakex ut texcua̱nk saꞌ ti̱quilal.