1 Samuel 8:19 - Li Santil hu

¹⁹ Abanan eb li tenamit incꞌaꞌ queꞌraj rabinquil li cꞌaꞌru quixye laj Samuel. Queꞌxye: —Incꞌaꞌ ta̱cꞌulma̱nk chi joꞌcan. La̱o takaj junak karey re ta̱takla̱nk saꞌ kabe̱n.

Q'eqchi Bible

¹⁹ Ab'an li tenamit ink'a' ke'raj rab'inkil laj Samuel ut ke'xye: “Ink'a'. Tento twanq junaq qa'awab'ej,

1 Samuel 8:19 ပူးပေါင်းရင်းမြစ်များ

Jeremías 44:16

—La̱o incꞌaꞌ takaba̱nu li cꞌaꞌru xaye ke saꞌ xcꞌabaꞌ li Dios.

Ezequiel 33:31

Lin tenamit teꞌcuulak a̱cuiqꞌuin chirabinquil li cꞌaꞌru ta̱ye joꞌ cꞌaynakeb xba̱nunquil. Teꞌrabi li cꞌaꞌru ta̱ye, abanan incꞌaꞌ teꞌxba̱nu. Yal chi xtzꞌu̱mal reheb teꞌxye nak us la̱ cua̱tin, abanan saꞌ xchꞌo̱leb caꞌaj cuiꞌ li reheb aꞌan teꞌxcꞌoxla.

Jeremías 7:13

Anakcuan ut cꞌajoꞌ li ma̱usilal xeba̱nu. La̱in qꞌuila sut xinye e̱re nak te̱jal e̱cꞌaꞌux, abanan la̱ex incꞌaꞌ nequeraj rabinquil li cua̱tin. La̱in xexinbok re nak texsukꞌi̱k cuiqꞌuin, abanan incꞌaꞌ xeraj.

Isaías 66:4

Joꞌcan nak la̱in tinsicꞌ ru li raylal li tinqꞌue saꞌ xbe̱neb. Tinqꞌue li raylal saꞌ xbe̱neb li cꞌajoꞌ nequeꞌxxucua, xban nak xebinbok ut incꞌaꞌ xineꞌxchakꞌbe. Nak xeꞌcua̱tina, incꞌaꞌ xineꞌrabi. Queꞌxba̱nu ban li incꞌaꞌ us chicuu. Queꞌxba̱nu li incꞌaꞌ nacuulac chicuu, chan li Dios.

Salmos 81:11

Joꞌcan quinye reheb lin tenamit, abanan incꞌaꞌ queꞌraj rabinquil li cꞌaꞌru quinye reheb ut incꞌaꞌ queꞌabin chicuu.

Deuteronomio 17:14

Nak tex-oc saꞌ li naꞌajej li tixqꞌue e̱re li Ka̱cuaꞌ, nak ac xere̱chani ut cua̱nkex chic aran, ma̱re te̱ye, “Takaj junak karey re ta̱takla̱nk saꞌ kabe̱n joꞌ eb li tenamit li cuanqueb chi xjun sutam li kanaꞌaj”, chaꞌkex.

1 Samuel 12:12

Nak queqꞌue retal nak laj Nahas lix reyeb laj Amón oc re chi pletic e̱riqꞌuin, la̱ex xetzꞌekta̱na li Ka̱cuaꞌ Dios ut aꞌan raj li tzꞌakal le̱ rey. Ut xeye, “Takaj junak karey re ta̱takla̱nk saꞌ kabe̱n,” chanquex.

2 Reyes 21:9

Abanan eb aꞌan incꞌaꞌ queꞌxba̱nu li cꞌaꞌru quixye li Ka̱cuaꞌ. Laj Manasés quicꞌamoc be chiruheb chixba̱nunquil li ma̱usilal. Kꞌaxal cuiꞌchic yibru queꞌxba̱nu chiru li queꞌxba̱nu eb li jalan tenamit li queꞌisi̱c saꞌ eb li naꞌajej aꞌan xban li Dios nak queꞌoc laj Israel.

Salmos 81:12

Joꞌcan nak quincanabeb xba̱nunquil li cꞌaꞌru queꞌraj eb aꞌan. Xban nak cauheb xchꞌo̱l, queꞌxba̱nu li cꞌaꞌru queꞌraj xjuneseb.