1 Samuel 7:6 - Li Santil hu

⁶ Ut queꞌxchꞌutub ribeb aran Mizpa. Queꞌrisi li haꞌ saꞌ li becbil haꞌ ut queꞌxhoy chiru li Ka̱cuaꞌ chokꞌ xmayejeb. Queꞌxba̱nu x-ayu̱n chiru li cutan aꞌan. Queꞌxxo̱to xma̱queb ut queꞌxye: —Xoma̱cob chiru li Ka̱cuaꞌ, chanqueb. Ut aran Mizpa laj Samuel quicana chokꞌ aj rakol a̱tin saꞌ xbe̱neb li ralal xcꞌajol laj Israel.

Q'eqchi Bible

⁶ Ke'xch'utub' rib'eb' laj Israel aran Mispá, ke'risi xha'eb' sa'atqeb' li kumb' ut ke'xhoy chiru li Qaawa' cho'q xmayejeb'. Ke'ayuunik chiru li kutan a'an ut ke'xye: “Xoomaakob'k chiru li Qaawa'”. Aran Mispá laj Samuel kikanaak cho'q aj k'amol xb'eheb' laj Israel.

1 Samuel 7:6 ပူးပေါင်းရင်းမြစ်များ

2 Samuel 14:14

Chikajunilo toca̱mk. Chanchano li haꞌ hoybil saꞌ chꞌochꞌ. Incꞌaꞌ chic naru xxocbal. Li Ka̱cuaꞌ Dios ma̱ ani narisi xyuꞌam. Naxsicꞌ ban xya̱lal chanru nak ta̱sukꞌi̱k cuiꞌchic riqꞌuin li najt cuan riqꞌuin.

1 Samuel 1:15

Ut lix Ana quixye re: —La̱in incꞌaꞌ yo̱quin chi ucꞌac, at Ka̱cuaꞌ. Incꞌaꞌ nincala. Yo̱quin ban xyotꞌbal inchꞌo̱l chiru li Ka̱cuaꞌ xban nak cꞌajoꞌ li raylal nincꞌul.

Jueces 10:10

Joꞌcan nak eb laj Israel queꞌxya̱ba cuiꞌchic xcꞌabaꞌ li Ka̱cuaꞌ ut queꞌxye: —At Ka̱cuaꞌ, at kaDios, la̱o xoma̱cob cha̱cuu xban nak xatkatzꞌekta̱na. Xoma̱cob cha̱cuu xban nak xkalokꞌoniheb li yi̱banbil dios Baal, chanqueb.

Joel 2:12

—Anakcuan yotꞌomak e̱chꞌo̱l, chan li Ka̱cuaꞌ. Chexya̱bak ut cheba̱nu e̱-ayu̱n. Sukꞌinkex cuiꞌchic cuiqꞌuin chi anchal e̱chꞌo̱l, chan.

Jeremías 9:1

Us raj cui lin jolom joꞌ jun li yuꞌam haꞌ ut li xnakꞌ cuu joꞌ li haꞌ li nabe̱c rok. Tinya̱bak raj chi kꞌek chi cutan chirixeb li cuech tenamitil li queꞌcamsi̱c.

Salmos 106:6

Ya̱l nak xoma̱cob cha̱cuu joꞌ queꞌxba̱nu li kaxeꞌto̱nil yucuaꞌ. La̱o xkaba̱nu li ma̱usilal ut li incꞌaꞌ us.

Salmos 62:8

Ex intenamit, cauhak taxak e̱chꞌo̱l riqꞌuin li Dios chi junelic. Ut chextijok chi anchal e̱chꞌo̱l chiru li Dios ut te̱ye re chixjunil le̱ raylal xban nak caꞌaj cuiꞌ riqꞌuin aꞌan naru nakacol kib.

San Lucas 15:18

Tinxic cuiꞌchic saꞌ rochoch lin yucuaꞌ ut tinye re, “At inyucuaꞌ, xinma̱cob chiru li Dios joꞌ ajcuiꞌ cha̱cuu la̱at.

Salmos 119:136

Cꞌajoꞌ nak ninya̱bac xban nak incꞌaꞌ nequeꞌxqꞌue xcuanquil la̱ cua̱tin.

1 Reyes 8:47

Abanan nak chapcho̱keb xbaneb li jalaneb xtenamit, ma̱re ta̱julticokꞌ reheb nak incꞌaꞌ us xeꞌxba̱nu ut teꞌxjal xcꞌaꞌuxeb. Ut ma̱re teꞌtijok chak saꞌ li tenamit bar cua̱nkeb cuiꞌ chak ut teꞌxye: “Xoma̱cob. Incꞌaꞌ us xkaba̱nu. Xkaba̱nu li ma̱usilal,” chaꞌkeb.

Ezequiel 20:4

At ralal cui̱nk, ¿ma tatrakok a̱tin saꞌ xbe̱neb? Cui tatrakok a̱tin saꞌ xbe̱neb ta̱ye reheb li ma̱usilal li queꞌxba̱nu lix xeꞌto̱nil yucuaꞌeb.

Lamentaciones 3:49

Incꞌaꞌ tincanab ya̱bac xban nak ma̱cꞌaꞌ nacꞌojoban inchꞌo̱l,

Lamentaciones 2:11

Incꞌaꞌ chic sa nin-iloc xban li ya̱bac ninba̱nu. Nayotꞌeꞌ li cua̱m xban xrahil inchꞌo̱l xban nak queꞌsacheꞌ ruheb lin tenamit. Ut li cocꞌal nequeꞌcam saꞌ be xban xtzꞌocajiqueb.

Jeremías 31:19

Nak ac xatkatzꞌekta̱na xkacꞌoxla nak incꞌaꞌ us xkaba̱nu ut xkajal kacꞌaꞌux. Nak ac xoa̱qꞌue chixtojbal kama̱c, xkatacuasi kib xban xrahil kachꞌo̱l. Xuta̱nal xkacꞌul xban li ma̱usilal xkaba̱nu saꞌ kasa̱jilal.”

Salmos 42:3

Chi kꞌek chi cutan yo̱quin chi ya̱bac. Incꞌaꞌ chic nincuaꞌac xban nak junes ya̱bac chic ninba̱nu. Ut eb li xicꞌ nequeꞌiloc cue yo̱queb chinhobbal ut yo̱queb chixyebal, ¿Bar cuan la̱ Dios? chanqueb.

Salmos 6:6

Tacuajenakin xban li raylal cuanquin cuiꞌ. Ninlub chi ya̱bac. Rajlal kꞌojyi̱n yo̱quin chi ya̱bac saꞌ incuariba̱l. Ut natꞌaka lix soc injolom xban lix yaꞌal cuu.

Li xHu LAJ JOB 42:6

Anakcuan la̱in xinqꞌue retal nak incꞌaꞌ us xinye. Joꞌcan nak narahoꞌ inchꞌo̱l. Anakcuan tinjal incꞌaꞌux. Tinchunub cuib saꞌ poks ut saꞌ cha xban xrahil inchꞌo̱l, chan laj Job.

Li xHu LAJ JOB 40:4

—At Ka̱cuaꞌ, xban xma̱cꞌaꞌil innaꞌleb xina̱tinac. Incꞌaꞌ naru tatinsume anakcuan. Ma̱cꞌaꞌ chic cua̱tin re tatinsume cuiꞌ.

Li xHu LAJ JOB 33:27

Tixye, “La̱in xinma̱cob. La̱in xinba̱nu li incꞌaꞌ us. Abanan li Dios incꞌaꞌ xinixqꞌue chixtojbal lin ma̱c joꞌ incꞌulub.

Li xHu LAJ JOB 16:20

Eb li cuami̱g niquineꞌxhob. Abanan la̱in ninya̱bac ut nintzꞌa̱ma intenkꞌanquil chiru li Dios.

Nehemías 9:27

Joꞌcan nak cakꞌaxtesiheb saꞌ rukꞌeb li xicꞌ nequeꞌiloc reheb ut saꞌ rukꞌeb aꞌan nabal li raylal queꞌxcꞌul. Nak ac cuanqueb chic saꞌ raylal queꞌxtzꞌa̱ma xtenkꞌanquileb a̱cue. Ut la̱at toj saꞌ choxa cacuabi chak lix tijeb. Xban nak kꞌaxal nim la̱ cuuxta̱n caxakabeb li ani teꞌcolok reheb saꞌ rukꞌeb li xicꞌ nequeꞌiloc reheb.

2 Crónicas 20:3

Cꞌajoꞌ nak qui-oc xxiu laj Josafat. Quixcubsi rib ut quixpatzꞌ xnaꞌleb riqꞌuin li Ka̱cuaꞌ ut quixye nak teꞌxba̱nu lix ayu̱n saꞌ chixjunil li naꞌajej Judá.

Jueces 3:10

Lix musikꞌ li Ka̱cuaꞌ cuan riqꞌuin laj Otoniel ut aꞌan chic laj cꞌamol be chiruheb laj Israel. Laj Otoniel quipletic riqꞌuin laj Cusan-risataim. Ut li Ka̱cuaꞌ quixtenkꞌa laj Otoniel chi numta̱c saꞌ xbe̱neb.

Levítico 26:40

La̱ex ta̱yotꞌekꞌ e̱chꞌo̱l xban li ma̱c queba̱nu ut xban li ma̱c queꞌxba̱nu chak le̱ naꞌ e̱yucuaꞌ nak quineꞌxtzꞌekta̱na ut queꞌxkꞌet lin chakꞌrab.

Génesis 31:49

Ut queꞌxqꞌue ajcuiꞌ Mizpa chokꞌ xcꞌabaꞌ li naꞌajej aꞌan. Laj Labán quixye, Aꞌ taxak li Ka̱cuaꞌ Dios chi-ilok ke nak takacanab kib chi kibil kib, chan.

Levítico 16:29

Aꞌin jun chakꞌrab tenebanbil saꞌ e̱be̱n ut cua̱nk chi junelic. Te̱ba̱nu la̱ex aj Israel joꞌ ajcuiꞌ eb li jalaneb xtenamit li cuanqueb saꞌ e̱ya̱nk. Saꞌ li laje̱b xbe li xcuuk li po te̱ba̱nu le̱ ayu̱n ut ma̱ jun li cꞌanjel te̱ba̱nu.

1 Samuel 7:15

Ut laj Samuel quicuan chi takla̱nc saꞌ xbe̱n li tenamit Israel joꞌ najtil yoꞌyo.

Jeremías 36:9

Yo̱ xbele po re li roꞌ chihab roquic chokꞌ rey laj Joacim li ralal laj Josías lix reyeb laj Judá, nak queꞌxcꞌu̱b ru nak teꞌxba̱nu x-ayu̱n chiru li Ka̱cuaꞌ chixjunileb li cuanqueb Jerusalén, joꞌ ajcuiꞌ li nequeꞌchal chak saꞌ eb li naꞌajej li cuanqueb Judá.

Josué 18:26

Mizpa, Cafira, Mozah,

Jueces 2:4

Nak queꞌrabi li cꞌaꞌru quixye li ángel, eb laj Israel queꞌoc chi ya̱bac chi cau.

Jueces 10:15

Eb laj Israel queꞌxye re li Dios: —La̱o xoma̱cob cha̱cuu. Ba̱nu li cꞌaꞌru ta̱cuaj kiqꞌuin. Caꞌaj cuiꞌ nakatzꞌa̱ma cha̱cuu nak toa̱col anakcuan, chanqueb.

Jueces 20:23

Eb laj Israel queꞌco̱eb saꞌ li rochoch li Dios. Chalen ekꞌela toj retal qui-ecuu queꞌya̱bac. Queꞌtijoc ut queꞌxye re li Ka̱cuaꞌ Dios: —¿Ma toxic cuiꞌchic chi pletic riqꞌuineb li ralal xcꞌajol laj Benjamín, li kech aj Israelil? chanqueb. Ut li Ka̱cuaꞌ quixye reheb: —Texxic, chan.

Jueces 20:26

Ut chixjunileb laj Israel queꞌco̱eb Bet-el. Queꞌxchꞌutub ribeb chiru li Ka̱cuaꞌ. Queꞌtijoc ut queꞌayunic toj qui-ecuu. Queꞌxmayeja li cꞌatbil xul ut queꞌxqꞌue ajcuiꞌ li mayej re xcꞌambaleb rib saꞌ usilal riqꞌuin li Dios.

1 Samuel 10:17

Mokon chic laj Samuel quixtakla xchꞌutubanquileb li tenamit chiru li Ka̱cuaꞌ aran Mizpa.

1 Samuel 12:10

Nak ac cuanqueb chic saꞌ raylal, queꞌxtzꞌa̱ma xtenkꞌanquileb chiru li Dios ut queꞌxye, “La̱o xoma̱cob xban nak xatkatzꞌekta̱na ut xkalokꞌoniheb li yi̱banbil dios Baal ut Astarot. At Ka̱cuaꞌ, choa̱col taxak chiruheb li xicꞌ nequeꞌiloc ke ut tocꞌanjelak cha̱cuu,” chanqueb.

1 Crónicas 11:18

Li oxib chi cui̱nk li cauheb rib chi pletic, queꞌnumeꞌ saꞌ lix naꞌajeb laj filisteo. Queꞌrisi li haꞌ saꞌ li becbil haꞌ li cuan chire li oqueba̱l re Belén. Queꞌxcꞌam ut queꞌxqꞌue re laj David. Abanan laj David incꞌaꞌ quirucꞌ. Quixhoy ban li haꞌ re xmayejanquil chiru li Dios.

Li xHu LAJ JOB 3:24

Incꞌaꞌ chic nincuaꞌac xban nak junes ya̱bac chic ninba̱nu. Incꞌaꞌ chic nin-ucꞌac xban nak nin-ayaynac xban li raylal nincꞌul.

Lamentaciones 5:16

Ma̱cꞌaꞌ chic kalokꞌal. Tokꞌob ku xban nak xoma̱cob.

Oseas 5:1

La̱ex laj tij, cherabihak li oc cue chixyebal. La̱ex laj Israel, cheqꞌuehak retal li tinye. Ex ralal xcꞌajol li rey, abihomak li tinye anakcuan. Xexrakoc raj a̱tin saꞌ xbe̱neb li tenamit saꞌ ti̱quilal. Abanan incꞌaꞌ xeba̱nu. Joꞌcan nak ta̱rakekꞌ a̱tin saꞌ e̱be̱n la̱ex ut texinqꞌue chixtojbal rix le̱ ma̱c. Xeqꞌue e̱rib joꞌ jun raꞌal reheb laj Mizpa joꞌ ajcuiꞌ reheb laj Tabor.