1 Samuel 7:3 - Li Santil hu

³ Ut laj Samuel quixye reheb laj Israel: —Cui la̱ex texsukꞌi̱k cuiꞌchic riqꞌuin li Ka̱cuaꞌ chi anchal e̱chꞌo̱l, tento nak te̱tzꞌekta̱na chi junaj cua chixjunileb li jalanil dios li cuanqueb saꞌ e̱ya̱nk joꞌ ajcuiꞌ li yi̱banbil dios xAstarot ut kꞌaxtesihomak e̱rib re li Ka̱cuaꞌ. Junes aꞌan chic te̱lokꞌoni. Ut li Ka̱cuaꞌ ta̱colok e̱re saꞌ rukꞌeb laj filisteo, chan.

Q'eqchi Bible

³ Jo'kan naq laj Samuel kixye reheb' chixjunil laj Israel: “Wi teeraj sutq'iik rik'in li Qaawa' chi anchal eech'ool, isihomaq sa' eeyanq eb' li jalanil yos ut eb' lix Astarté. Q'axtesihomaq eerib' re li Qaawa' ut junes A'an teeloq'oni, ut A'an taakoloq eere sa' ruq'eb' laj Filistea”.

1 Samuel 7:3 ပူးပေါင်းရင်းမြစ်များ

San Lucas 4:8

Quichakꞌoc li Jesús ut quixye re: —Elen chicuu la̱at aj tza xban nak joꞌcaꞌin tzꞌi̱banbil saꞌ li Santil Hu: Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak, chan. (Deut. 6:13)

Deuteronomio 13:4

Aꞌ li Ka̱cuaꞌ le̱ Dios, aꞌan li te̱pa̱b ut aꞌan li te̱lokꞌoni. Cheba̱nuhak li chakꞌrab li quixqꞌue e̱re ut te̱ba̱nu le̱ taklanquil xban. Chexcꞌanjelak chiru ut chepa̱b chi anchal e̱chꞌo̱l.

San Mateo 4:10

Tojoꞌnak li Jesús quichakꞌoc ut quixye re: —Elen chicuu la̱at aj tza, xban nak joꞌcaꞌin tzꞌi̱banbil saꞌ li Santil Hu: Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak.— (Deut. 6:13)

Deuteronomio 6:13

Chelokꞌonihak li Ka̱cuaꞌ le̱ Dios ut caꞌaj cuiꞌ chiru aꞌan texcꞌanjelak. Ut nak te̱ba̱nu junak juramento, te̱ba̱nu saꞌ xcꞌabaꞌ aꞌan.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

Josué 24:14

Laj Josué quixye ajcuiꞌ reheb laj Israel: —Anakcuan ut chexucua ru li Ka̱cuaꞌ ut chexcꞌanjelak chiru chi anchal le̱ chꞌo̱l ut chi tzꞌakal re ru. Isihomakeb saꞌ e̱ya̱nk li yi̱banbil dios li queꞌxlokꞌoni le̱ xeꞌto̱nil yucuaꞌ nak cuanqueb aran jun pacꞌal li nimaꞌ Éufrates ut nak cuanqueb aran Egipto. Chexcꞌanjelak ban chiru li Ka̱cuaꞌ chi anchal e̱chꞌo̱l.

Josué 24:23

Ut laj Josué quixye reheb: —Cui ya̱l nak te̱raj cꞌanjelac chiru li Ka̱cuaꞌ, tento te̱risiheb chi junaj cua chixjunileb li jalanil dios li cuanqueb saꞌ e̱ya̱nk. Ut chi anchal le̱ chꞌo̱l te̱kꞌaxtesi e̱rib chi cꞌanjelac chiru li Ka̱cuaꞌ li kaDios la̱o aj Israel, chan.

San Juan 4:24

Li Dios, aꞌan musikꞌej ut li ani ta̱lokꞌoni̱nk re, tento nak tixba̱nu chi anchal xchꞌo̱l ut chi tzꞌakal re ru, chan li Jesús.

Deuteronomio 10:20

Chexucua ru li Ka̱cuaꞌ le̱ Dios ut caꞌaj cuiꞌ chiru aꞌan texcꞌanjelak. Chexcua̱nk saꞌ ti̱quilal chiru. Ut caꞌaj cuiꞌ saꞌ xcꞌabaꞌ aꞌan te̱ba̱nu li juramento.

1 Reyes 8:48

Ut cui eb aꞌan teꞌxjal xcꞌaꞌuxeb chi anchaleb xchꞌo̱l ut chi anchaleb li ra̱m, nak cua̱nkeb chak saꞌ lix tenamit li xicꞌ nequeꞌiloc reheb, teꞌtijok. Nak yo̱keb chi tijoc, teꞌilok saꞌ xjayal li chꞌochꞌ li caqꞌue reheb lix xeꞌto̱nil xyucuaꞌ. Teꞌilok saꞌ xjayal li tenamit li casicꞌ ru, li xinyi̱b cuiꞌ li templo re a̱lokꞌoninquil.

San Mateo 6:24

Ma̱ ani naru nacꞌanjelac chiru cuib chi patrón. Naru tixra li jun ut tixtzꞌekta̱na li jun chic malaj ut xicꞌ ta̱ril li jun ut tix-oxlokꞌi li jun chic. Joꞌcan nak ma̱ jokꞌe naru te̱cꞌoxla li Dios cui caꞌaj cuiꞌ le̱ biomal nequecꞌoxla.

San Mateo 15:8

Li tenamit aꞌin niquineꞌxlokꞌoni caꞌaj cuiꞌ riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb.

Jueces 10:6

Ut eb laj Israel queꞌxba̱nu cuiꞌchic li ma̱usilal chiru li Ka̱cuaꞌ Dios. Queꞌxlokꞌoniheb li yi̱banbil dios Baal ut Astarot. Ut queꞌxlokꞌoniheb ajcuiꞌ lix dioseb laj Siria, ut lix dioseb laj Sidón, joꞌ ajcuiꞌ lix dioseb laj Moab. Ut queꞌxlokꞌoniheb lix dioseb laj Amón ut eb laj filisteo. Eb laj Israel queꞌxtzꞌekta̱na li Ka̱cuaꞌ Dios ut incꞌaꞌ chic queꞌcꞌanjelac chiru.

1 Crónicas 22:19

Anakcuan ut qꞌuehomak e̱chꞌo̱l chixsicꞌbal li Ka̱cuaꞌ. Yalomak e̱kꞌe chixyi̱banquil lix templo li Ka̱cuaꞌ le̱ Dios re nak takacꞌam chak lix Lokꞌlaj Ca̱x li Ka̱cuaꞌ joꞌ ajcuiꞌ chixjunil li cꞌaꞌru nacꞌanjelac saꞌ li templo. Ut takaqꞌueheb saꞌ li templo li te̱yi̱b re xlokꞌoninquil li Dios, chan laj David.

Génesis 35:2

Laj Jacob quixye reheb li ralal xcꞌajol joꞌ eb ajcuiꞌ li cuanqueb rubel xtakl: —Isihomak chixjunileb li jalanil dios li cuanqueb e̱riqꞌuin. Tex-ati̱nk ut texjalok chokꞌ retalil nak te̱canab xba̱nunquil li ma̱usilal.

Ezequiel 18:31

Canabomak chixjunil le̱ kꞌetba a̱tin li xexma̱cob cuiꞌ. Jalomak e̱cꞌaꞌux ut acꞌak chic le̱ yuꞌam. ¿Cꞌaꞌut nak te̱qꞌue e̱rib chi ca̱mc xban le̱ ma̱c, ex aj Israel?

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

Proverbios 16:1

Eb li cristian nequeꞌxcꞌu̱b ru cꞌaꞌru nequeꞌxba̱nu, abanan li Ka̱cuaꞌ, aꞌan yal re ma teꞌxba̱nu li cꞌaꞌru nequeꞌxcꞌu̱b ru malaj ut incꞌaꞌ.

2 Crónicas 19:3

Abanan cuan li us xaba̱nu. Xacuisiheb li yi̱banbil dios Asera saꞌ li naꞌajej aꞌin ut xaqꞌue a̱chꞌo̱l chixba̱nunquil li cꞌaꞌru naraj li Dios, chan laj Jehú.

Jueces 10:16

Ut queꞌrisi eb li jalanil dios saꞌ xya̱nkeb ut queꞌxlokꞌoni li Ka̱cuaꞌ. Ut li Dios quirahoꞌ xchꞌo̱l chirilbal li raylal li cuanqueb cuiꞌ.

Oseas 14:1

La̱ex aj Israel, sukꞌinkex cuiꞌchic riqꞌuin li Ka̱cuaꞌ le̱ Dios. La̱ex yo̱quex chixcꞌulbal li raylal xban li ma̱c xeba̱nu.

2 Crónicas 30:19

At Ka̱cuaꞌ, la̱at lix Dioseb lix xeꞌto̱nil yucuaꞌ. Chacuyeb xma̱c usta toj ma̱jiꞌ nequeꞌxsantobresi ribeb joꞌ naraj li chakꞌrab chirix li santobresi̱c saꞌ li templo, chan laj Ezequías.

Jueces 2:13

Queꞌxtzꞌekta̱na li tzꞌakal Dios ut queꞌxlokꞌoniheb li yi̱banbil dios Baal, ut eb li yi̱banbil dios Astarot xcꞌabaꞌeb.

1 Samuel 31:10

Chirix chic aꞌan queꞌxqꞌue lix chꞌi̱chꞌ laj Saúl saꞌ li rochoch lix Astarot, lix dioseb. Ut queꞌxtꞌuyub li camenak chiru li tzꞌac aran Bet-sán.

Josué 13:31

Yijach li naꞌajej Galaad quiqꞌueheꞌ reheb ut li nimla tenamit Astarot joꞌ ajcuiꞌ li nimla tenamit Edrei, li queꞌcuan rubel xcuanquil laj Og, lix reyeb laj Basán. Chixjunil li naꞌajej aꞌin quiqꞌueheꞌ reheb yijach li ralal xcꞌajol laj Maquir, li ralal laj Manasés, aꞌ yal chanru xqꞌuialeb li junju̱nk chꞌu̱tal.

1 Reyes 11:33

Tinjach ruheb lin tenamit xban nak eb laj Israel quineꞌxtzꞌekta̱na ut queꞌxlokꞌoniheb li jalanil dios, lix Astoret lix dioseb laj Sidón, laj Quemos lix dioseb laj Moab, ut laj Moloc lix dioseb laj Amón. Incꞌaꞌ queꞌxba̱nu li cꞌaꞌru quinye reheb chi moco queꞌcuan saꞌ ti̱quilal chicuu. Incꞌaꞌ queꞌxba̱nu li cꞌaꞌru quinye saꞌ lin contrato ut saꞌ lin chakꞌrab, joꞌ quixba̱nu laj David lix yucuaꞌ laj Salomón.

Jeremías 24:7

Tintenkꞌaheb re nak teꞌxnau nak la̱in li Ka̱cuaꞌ. Aꞌanakeb lin tenamit ut la̱inak lix Dioseb xban nak teꞌsukꞌi̱k cuiꞌchic cuiqꞌuin ut tineꞌxpa̱b chi anchaleb xchꞌo̱l.

Jeremías 36:3

Ma̱re teꞌxcanab xba̱nunquil li ma̱usilal eb laj Judá nak teꞌrabi nak ta̱cha̱lk raylal saꞌ xbe̱neb, li nincꞌoxla xtaklanquil. Cui teꞌxjal xcꞌaꞌuxeb ut teꞌxcanab xba̱nunquil li ma̱usilal, la̱in tincuy tinsach lix ma̱queb ut lix ma̱usilal, chan li Ka̱cuaꞌ.

Ezequiel 14:6

Ta̱ye reheb laj Israel li Ka̱cuaꞌ xye chi joꞌcaꞌin: Chiyotꞌekꞌ e̱chꞌo̱l ut jalomak e̱cꞌaꞌux. Canabomak xlokꞌoninquil li yi̱banbil dios ut canabomak xba̱nunquil li ma̱usilal.

Deuteronomio 4:29

Abanan cui te̱sicꞌ li Ka̱cuaꞌ le̱ Dios nak cua̱nkex chak saꞌ jalan tenamit, te̱tau cui te̱sicꞌ chi anchal e̱chꞌo̱l ut chi anchal e̱ra̱m.

Jueces 2:11

Ut queꞌxba̱nu li incꞌaꞌ us chiru li Ka̱cuaꞌ. Queꞌoc chixlokꞌoninquileb li yi̱banbil dios Baal.

2 Reyes 17:39

Chexucua ban cuu la̱in li Ka̱cuaꞌ, le̱ Dios. La̱in li Ka̱cuaꞌ tincolok e̱re saꞌ rukꞌeb li xicꞌ nequeꞌiloc e̱re, chan li Dios.

2 Reyes 23:15

Quixtakla ajcuiꞌ xpoꞌbal li artal li cuan Bet-el ut li naꞌajej li najt xteram li quixyi̱b laj Jeroboam li ralal laj Nabat. Laj Jeroboam, aꞌan li quicꞌamoc xbeheb laj Israel chi ma̱cobc. Queꞌxcꞌat li artal li najt xteram ut queꞌxcꞌat ajcuiꞌ lix jalam u̱ch li yi̱banbil dios xAsera.

2 Crónicas 20:33

Abanan incꞌaꞌ queꞌisi̱c li naꞌajej li najt xteram li queꞌlokꞌoni̱c cuiꞌ li jalanil dios. Ut eb li tenamit incꞌaꞌ queꞌxsicꞌ chi anchaleb xchꞌo̱l li Ka̱cuaꞌ lix Dioseb lix xeꞌto̱nil yucuaꞌ.

Jeremías 4:1

Li Ka̱cuaꞌ quixye reheb: —La̱ex aj Israel, cui te̱raj sukꞌi̱c cuiqꞌuin tento te̱canab xlokꞌoninquil li yi̱banbil dios li cꞌajoꞌ xyibal ru. Ut incꞌaꞌ chic te̱cꞌoxla incanabanquil.