1 Samuel 7:14 - Li Santil hu

¹⁴ Ut eb laj Israel queꞌre̱chani cuiꞌchic li tenamit li queꞌmakꞌeꞌ chiruheb xbaneb laj filisteo. Eb li tenamit aꞌan naticla Ecrón ut nacuulac toj Gat. Joꞌcan nak eb laj Israel queꞌxcol cuiꞌchic lix chꞌochꞌeb chiruheb laj filisteo. Ut queꞌcuan saꞌ usilal riqꞌuineb laj amorreo.

Q'eqchi Bible

¹⁴ Eb' laj Israel ke'reechani wi' chik eb' li tenamit li ke'maq'e'k chiruheb' xb'aaneb' laj Filistea, chalen chaq Ekrón toj Gat, ke'risi li xch'och'eb' rub'el xwankil eb' laj Filistea ut ke'wank sa' tuqtuukilal rik'ineb' laj Amor.

1 Samuel 7:14 ပူးပေါင်းရင်းမြစ်များ

Salmos 106:34

Li Dios quixye reheb nak tento teꞌxsach ruheb li tenamit li nequeꞌlokꞌonin jalanil dios. Abanan eb laj Israel incꞌaꞌ queꞌxba̱nu joꞌ quiyeheꞌ reheb xban li Dios.

Jueces 4:17

Laj Heber aj Ceneo ut laj Jabín lix reyeb laj Hazor cuanqueb saꞌ usilal chi ribileb rib. Joꞌcan nak laj Sísara co̱ chixcolbal rib saꞌ lix muheba̱l lix Jael li rixakil laj Heber.

Deuteronomio 7:16

Tento nak te̱sach ruheb chixjunileb li tenamit li tixkꞌaxtesi saꞌ e̱rukꞌ li Ka̱cuaꞌ le̱ Dios. Incꞌaꞌ te̱ruxta̱na ruheb chi moco te̱ril xtokꞌoba̱l ruheb. Ut me̱lokꞌoniheb lix yi̱banbil dios re nak incꞌaꞌ ta̱sachekꞌ e̱ru.

Deuteronomio 7:2

Li Ka̱cuaꞌ le̱ Dios tixkꞌaxtesiheb saꞌ e̱rukꞌ re nak texpletik riqꞌuineb ut texnumta̱k saꞌ xbe̱neb. Incꞌaꞌ te̱ba̱nu li contrato riqꞌuineb, chi moco te̱ril xtokꞌoba̱l ruheb. Te̱sach ban ruheb chi junaj cua.

Números 13:29

Saꞌ li naꞌajej Neguev cuan laj Amalec. Ut eb laj heteo, eb laj jebuseo ut eb laj amorreo cuanqueb saꞌ li naꞌajej li tzu̱l ru. Eb laj cananeo cuanqueb chire li palau ut chire li nimaꞌ Jordán, chanqueb.

Josué 10:5

Joꞌcan nak queꞌxchꞌutub ribeb li o̱b chi rey reheb laj amorreo li cuanqueb saꞌ eb li tenamit Jerusalén, Hebrón, Jarmut, Laquis ut Eglón. Queꞌxchꞌutubeb lix soldado ut queꞌco̱eb chi pletic riqꞌuineb laj Gabaón. Aran queꞌxqꞌue lix muheba̱leb nachꞌ riqꞌuin li tenamit Gabaón re teꞌoc chi pletic riqꞌuineb.

Josué 15:11

Ut li nuba̱l saꞌ li norte naticla chak saꞌ li tzu̱l Ecrón. Naxic toj saꞌ li naꞌajej Sicrón. Nocoxnumekꞌ saꞌ li tzu̱l Baala ut nocoxnumekꞌ saꞌ li naꞌajej Jabneel ut nocoxrakekꞌ saꞌ li palau Mediterráneo.

1 Crónicas 18:1

Mokon chic li rey David quipletic cuiꞌchic riqꞌuineb laj filisteo ut quinumta saꞌ xbe̱neb. Quirisi xcuanquileb ut quixmakꞌ chiruheb li tenamit Gat joꞌ eb ajcuiꞌ li cocꞌ cꞌaleba̱l cuanqueb chi xjun sutam.