1 Samuel 7:10 - Li Santil hu

¹⁰ Nak laj Samuel yo̱ chixmayejanquil li cꞌatbil mayej, eb laj filisteo queꞌcuulac chi pletic riqꞌuineb laj Israel. Abanan li Ka̱cuaꞌ quixcꞌutbesi lix cuanquil saꞌ choxa nak quixqꞌue chi mok chi kꞌaxal cau li ca̱k saꞌ xbe̱neb ut eb laj filisteo queꞌxsach xnaꞌleb ut queꞌe̱lelic chiruheb laj Israel.

Q'eqchi Bible

¹⁰ Toj yo laj Samuel chi xyeechi'inkil li xk'atb'il mayej, naq eb' laj Filistea ke'ok chi yalok rik'ineb' laj Israel. Ab'anan kimoqk jun li kaaq taqlanb'il xb'aan li Qaawa' sa' xb'eeneb' laj Filistea; jo'kan naq kichalk xxiweb' ut ke'q'axe'k ru xb'aaneb' laj Israel.

1 Samuel 7:10 ပူးပေါင်းရင်းမြစ်များ

1 Samuel 2:10

Li Ka̱cuaꞌ tixsacheb ru li xicꞌ nequeꞌiloc re. Aꞌan ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Chanchan nak na-ecꞌan chak li ca̱k toj saꞌ choxa. Aꞌan tixqꞌue xcuanquil li rey li quixsicꞌ ru ut tixqꞌue ajcuiꞌ xlokꞌal lix cuanquil, chan lix Ana.

1 Samuel 12:17

Qꞌuehomak retal. ¿Ma ma̱cuaꞌ ta biꞌ anakcuan xkꞌehil li sicꞌoc trigo? Anakcuan ma̱cuaꞌ xkꞌehil li hab. Abanan la̱in tintzꞌa̱ma chiru li Dios nak tixqꞌue chak li ca̱k ut li hab re nak te̱qꞌue retal nak ma̱c xeba̱nu chiru li Dios nak xetzꞌa̱ma le̱ rey, chan laj Samuel.

Jueces 5:20

Eb li chahim li cuanqueb saꞌ choxa queꞌpletic. Nak queꞌxbeni ribeb chiru choxa queꞌpletic riqꞌuin laj Sísara.

Josué 10:10

Li Ka̱cuaꞌ Dios quirocsi xxiuheb laj amorreo nak queꞌril eb laj Israel. Ut nabaleb li cuanqueb Gabaón queꞌcamsi̱c. Ut li incꞌaꞌ queꞌcam, queꞌa̱linac ut eb laj Israel queꞌxta̱keheb toj saꞌ li naꞌajej Bet-horón. Ut cuanqueb cuiꞌchic li queꞌcamsi̱c nak yo̱queb chi numecꞌ saꞌ eb li naꞌajej Azeca ut Maceda.

Zacarías 4:6

Lix ángel li Ka̱cuaꞌ quichakꞌoc ut quixye cue: —Aꞌan aꞌin li quixye li Ka̱cuaꞌ re laj Zorobabel: Moco riqꞌuin ta e̱metzꞌe̱u chi moco riqꞌuin ta e̱cuanquil te̱ba̱nu li cꞌanjel aꞌin. Riqꞌuin ban lix cuanquil lin Santil Musikꞌ li tinqꞌue e̱re, chan li nimajcual Dios.

Jueces 5:8

Nak nequeꞌoc chixlokꞌoninquil li jalanil dios, naticla cuiꞌchic li ple̱t. Ut ma̱ jun saꞌ xya̱nkeb li caꞌcꞌa̱l mil (40,000) chi cui̱nk quicuan xchꞌi̱chꞌ malaj xla̱ns re teꞌxcol cuiꞌ ribeb nak queꞌchal chi pletic li xicꞌ nequeꞌiloc reheb.

Jueces 4:15

Nak queꞌoc chi pletic riqꞌuin chꞌi̱chꞌ laj Barac, li Dios quixsach xnaꞌleb laj Sísara joꞌqueb ajcuiꞌ lix soldado ut eb li yo̱queb chi beresi̱nc reheb li carruaje. Laj Sísara quicube saꞌ lix carruaje ut chi rok chic co̱ nak quie̱lelic.

1 Samuel 7:11

Eb laj Israel queꞌel aran Mizpa ut queꞌco̱eb chira̱linanquileb laj filisteo. Yo̱queb chixcamsinquileb nak yo̱queb chi xic saꞌ li takꞌa li cuan nachꞌ riqꞌuin Bet-car.

1 Samuel 14:15

Chixjunileb laj filisteo li cuanqueb saꞌ lix muheba̱leb queꞌxucuac joꞌ eb ajcuiꞌ li soldados li yo̱queb chi cꞌacꞌale̱nc. Ut queꞌxucuac ajcuiꞌ li nequeꞌxic chi elkꞌac. Nequeꞌsicsot xban xxiuheb. Qui-ecꞌan li chꞌochꞌ ut li Dios quixsach xnaꞌlebeb.

Salmos 29:3

Li xya̱b xcux li Ka̱cuaꞌ na-ecꞌan saꞌ xbe̱n li palau retalil lix nimal xcuanquilal. Chanchan li ca̱k nak na-ecꞌan saꞌ xbe̱n li palau.

Salmos 29:4

Naa̱tinac li Ka̱cuaꞌ riqꞌuin xnimal xlokꞌal ut riqꞌuin xnimal xcuanquilal.

Deuteronomio 28:7

Li Ka̱cuaꞌ tixkꞌaxtesiheb saꞌ e̱rukꞌ li xicꞌ nequeꞌiloc e̱re. Tzololnakeb nak teꞌcha̱lk chi pletic e̱riqꞌuin, abanan sachso̱keb chic xnaꞌleb nak teꞌe̱lelik che̱ru ut teꞌxchaꞌchaꞌi ribeb.

Salmos 18:15

Nak quia̱tinac chak li Ka̱cuaꞌ chi yo̱ xjoskꞌil, quicꞌutun xchamal li palau, ut qui-ecꞌan li ruchichꞌochꞌ saꞌ xnaꞌaj xban xjoskꞌil nak quixkꞌuseb li xicꞌ nequeꞌiloc cue.

Salmos 78:66

Li Ka̱cuaꞌ quinumta saꞌ xbe̱neb li xicꞌ nequeꞌiloc reheb ut quira̱linaheb. Quixcꞌut xxuta̱neb chi junaj cua.