1 Samuel 6:9 - Li Santil hu

⁹ Te̱qꞌue retal cui eb li ba̱c teꞌoc chi xic saꞌ li be li naxic saꞌ li tenamit Bet-semes, lix naꞌajeb laj Israel. Cui aran teꞌxic, te̱nau nak lix Dioseb laj Israel, aꞌan li quiqꞌuehoc chak re li raylal aꞌin saꞌ kabe̱n. Cui ut incꞌaꞌ teꞌxic aran, riqꞌuin aꞌan te̱qꞌue retal nak moco aꞌan ta li quiqꞌuehoc re li raylal aꞌin saꞌ kabe̱n. Yal xkacꞌul ban, chanqueb.

Q'eqchi Bible

⁹ K'ehomaq reetal: wi li kareet taaxik sa' xb'ehil Bet-Semes, xna'ajeb' laj Israel, naraj naxye naq li xYos laj Israel xb'aanunk eere li nimla rahilal a'in. Wi ut ink'a', aran tqanaw naq maawa' A'an xrahob'tesink qe, yal xqak'ul b'an sa' iq'”, chankeb'.

1 Samuel 6:9 ပူးပေါင်းရင်းမြစ်များ

Josué 15:10

Aran Baala, lix nuba̱l li naꞌajej aꞌin naxqꞌue chak vue̱lt ut naxic saꞌ li oeste saꞌ li tzu̱l Seir ut nanumeꞌ chixcꞌatk li tzu̱l Jearim. Nacuulac toj Quesalón, li nacana saꞌ xcaꞌyaba̱l li norte. Nacuulac toj Bet-semes ut nocoxnumekꞌ saꞌ li tenamit Timna.

San Lucas 10:31

Ut saꞌ li be aꞌan quinumeꞌ jun laj tij. Quiril li cui̱nk tꞌantꞌo aran, aban ti̱c quinumeꞌ.

Eclesiastés 9:11

Cuan jun chic xinqꞌue retal saꞌ ruchichꞌochꞌ nak ma̱cuaꞌeb li kꞌaxal se̱beb li nequeꞌe̱chanin re li ma̱tan saꞌ li a̱linac, chi moco eb li cauheb rib li nequeꞌnumta saꞌ li ple̱t. Ut eb li cuanqueb xnaꞌleb incꞌaꞌ nequeꞌxtau xtzacae̱mkeb yal xban nak cuanqueb xnaꞌleb. Ut eb li se̱beb xchꞌo̱l incꞌaꞌ nequeꞌbiomoꞌ yal xban nak se̱beb xchꞌo̱l. Ut eb li tzolbileb moco rajlal ta nequeꞌcꞌuleꞌ saꞌ usilal. Chixjunil aꞌin moco nequeꞌxnau ta jokꞌe teꞌxcꞌul li chꞌaꞌajquilal.

2 Samuel 1:6

Li cui̱nk quixye re: —La̱in yo̱quin chi numecꞌ aran saꞌ li tzu̱l Gilboa nak xcuil nak laj Saúl xakxo aran. Yo̱ chixcu̱tunquil rib riqꞌuin lix la̱ns. Ut eb li soldados li xicꞌ nequeꞌiloc re yo̱queb chi cha̱lc saꞌ xcarruaje ut yo̱queb ajcuiꞌ chi cha̱lc chirix cacua̱y.

1 Samuel 6:3

Eb laj tij ut eb laj kꞌe queꞌxye reheb: —Cui te̱takla lix Lokꞌlaj Ca̱x lix Dioseb laj Israel, tento te̱takla jun xma̱tan re xtojbal rix li ma̱c xeba̱nu. Cui te̱ba̱nu aꞌan, texqꞌuira̱k ut te̱nau cꞌaꞌut nak xqꞌue chak li raylal aꞌin saꞌ e̱be̱n, chanqueb.

Josué 21:16

Aín, Juta, Bet-semes. Bele̱b chixjunileb li tenamit joꞌ ajcuiꞌ li cocꞌ cꞌaleba̱l li quiqꞌueheꞌ reheb xbaneb li ralal xcꞌajol laj Judá ut eb li ralal xcꞌajol laj Simeón.

Amós 3:6

Cui ta̱ecꞌa̱nk li trompeta saꞌ tenamit, ¿ma incꞌaꞌ ta biꞌ teꞌxucuak li tenamit chirabinquil? Ut, ¿ma ta̱cha̱lk ta biꞌ li raylal saꞌ xbe̱n junak li tenamit cui li Dios incꞌaꞌ tixcanabeb re teꞌxcꞌul?

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

1 Samuel 6:10

Ut eb li cui̱nk queꞌxba̱nu joꞌ quiyeheꞌ reheb. Queꞌxcꞌam cuib li ba̱c ut queꞌxqꞌue li yugo chirix xcuxeb re teꞌxquelo li carre̱t. Ut queꞌxtzꞌapeb li ral saꞌ xnaꞌajeb.

1 Samuel 6:12

Ut eb li ba̱c ti̱c queꞌco̱eb saꞌ li tenamit Bet-semes. Yo̱queb chi ya̱bac nak yo̱queb chi xic. Incꞌaꞌ queꞌxjal xbeheb saꞌ li nim chi moco saꞌ li tzꞌe. Ti̱c ban queꞌco̱eb. Eb li nequeꞌtaklan saꞌ xbe̱neb laj filisteo queꞌco̱eb chirix toj saꞌ li nuba̱l re li tenamit Bet-semes.

Éxodo 8:15

Ut laj faraón nak quiril nak qui-usa li tenamit, quixcacuubresi cuiꞌchic xchꞌo̱l. Ut incꞌaꞌ qui-abin, joꞌ quixye li Ka̱cuaꞌ Dios.

1 Reyes 4:9

Laj Ben-decar quicꞌanjelac aran Maaca, joꞌ ajcuiꞌ saꞌ eb li tenamit Saalbim, Bet-semes, Elón, ut Bet-hanán.

2 Crónicas 25:21

Joꞌcan nak laj Joás lix reyeb laj Israel co̱ aran Bet-semes li cuan saꞌ xcue̱nt Judá chi pletic riqꞌuin laj Amasías lix reyeb laj Judá.