1 Samuel 6:5 - Li Santil hu

⁵ Te̱yi̱b li retalil li tumor li cuan che̱rix ut li retalil li chꞌo li yo̱queb chi sachoc re le̱ racui̱mk. Qꞌuehomak xlokꞌal lix Dioseb laj Israel. Chi joꞌcan ma̱re tixcanab xqꞌuebal li raylal saꞌ e̱be̱n ut saꞌ xbe̱neb le̱ dios ut le̱ racui̱mk.

Q'eqchi Bible

⁵ Yiib'omaq xjalam u leesaqijojil ut eb' li ch'o li yookeb' chi sachok sa' leetenamit, ut k'ehomaq xloq'al li xYos laj Israel. Mare anchal taakotzq li rahilal sa' eeb'een, sa' xb'eeneb' leeyos ut sa' xb'een leech'och'.

1 Samuel 6:5 ပူးပေါင်းရင်းမြစ်များ

Josué 7:19

Ut laj Josué quixye re laj Acán: —At Acán, la̱in nintzꞌa̱ma cha̱cuu nak ta̱qꞌue xlokꞌal li Ka̱cuaꞌ, li kaDios la̱o aj Israel. Ye lix ya̱lal. Ta̱ye cue cꞌaꞌru xaba̱nu. Ma̱muk chicuu, chan laj Josué.

1 Samuel 5:11

Joꞌcan nak queꞌxtakla xchꞌutubanquileb chixjunileb li nequeꞌtaklan saꞌ xbe̱neb laj filisteo ut queꞌxye reheb: —Taklahomak saꞌ xnaꞌaj lix Lokꞌlaj Ca̱x lix Dios eb laj Israel. Incꞌaꞌ nakaj nak toxcamsi la̱o ut li katenamit, chanqueb. Cꞌajoꞌ nak yo̱queb chi xucuac xban nak yalak bar yo̱queb chi ca̱mc xban nak yo̱ xjoskꞌil li Dios saꞌ xbe̱neb.

San Juan 9:24

Eb laj fariseo queꞌxbok cuiꞌchic xcaꞌ sut li cui̱nk, li mutzꞌ nak quicuan, ut queꞌxye re: —Saꞌ xcꞌabaꞌ li Dios ta̱ye ke lix ya̱lal. La̱o nakanau nak li cui̱nk aꞌan aj ma̱c, chanqueb re.

Isaías 42:12

Cheꞌxqꞌuehak taxak xlokꞌal li Ka̱cuaꞌ ut cheꞌxyehak taxak reheb li cuanqueb saꞌ najtil tenamit nak kꞌaxal nim xcuanquil li Ka̱cuaꞌ.

Jeremías 13:16

Qꞌuehomak xlokꞌal li Ka̱cuaꞌ le̱ Dios nak toj ma̱jiꞌ naxtakla li kꞌojyi̱n ma̱re anchal te̱tich le̱ rok saꞌ eb li tzu̱l xban nak kꞌojyi̱n chic. Qꞌuehomak xlokꞌal li Ka̱cuaꞌ nak toj ma̱jiꞌ naxtakla li raylal li cha̱lc re saꞌ e̱be̱n.

Salmos 32:4

Chi kꞌek chi cutan xina̱qꞌue chirecꞌanquil xrahil li ma̱c li xinba̱nu. Yo̱ chi osocꞌ lin metzꞌe̱u xban, joꞌ nak nachakic li haꞌ xban li sakꞌe.

1 Samuel 5:9

Nak ac cuan chic aran li Lokꞌlaj Ca̱x, li Dios quixqꞌue jun nimla raylal saꞌ xbe̱neb li cuanqueb saꞌ li tenamit Gat. Ut nabal li tumor queꞌel saꞌ lix tibeleb li cristian, joꞌ ni̱nk, joꞌ cocꞌ.

Apocalipsis 16:9

Eb li cristian queꞌcꞌateꞌ xban xtikcual li sakꞌe. Xban li raylal li yo̱queb chixcꞌulbal, queꞌxmajecua li Dios li cuan xcuanquil saꞌ xbe̱neb li raylal. Ut incꞌaꞌ queꞌyotꞌeꞌ xchꞌo̱leb chi moco queꞌxqꞌue xlokꞌal li Dios.

Apocalipsis 14:7

Yo̱ chixyebal chi cau xya̱b xcux: —Chexucua̱k ru li Dios ut cheqꞌue xlokꞌal xban nak xcuulac xkꞌehil nak ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Chelokꞌonihak aꞌan li quiyi̱ban re li choxa, li ruchichꞌochꞌ, ut li palau joꞌqueb ajcuiꞌ li yuꞌam haꞌ, chan.

Apocalipsis 11:13

Ut saꞌ li ho̱nal aꞌan quicuan jun nimla hi̱c ut li xlaje jachalal li tenamit qui-ukꞌeꞌ. Cuukub mil (7,000) xqꞌuial li cristian queꞌcam xban li hi̱c. Ut li joꞌ qꞌuial chic incꞌaꞌ queꞌcam, queꞌxucuac ut queꞌxqꞌue xlokꞌal li Dios cuan saꞌ choxa.

Malaquías 2:2

Cui incꞌaꞌ nequeba̱nu li cꞌaꞌru ninye ut cui incꞌaꞌ nequeqꞌue e̱chꞌo̱l chixqꞌuebal xlokꞌal lin cꞌabaꞌ, texintzꞌekta̱na ut le̱ rosobtesinquil tinsukꞌisi chokꞌ raylal. Ac xexintzꞌekta̱na xban nak incꞌaꞌ xeqꞌue e̱chꞌo̱l chixba̱nunquil li cꞌaꞌru xinye e̱re.

Joel 2:25

Li Ka̱cuaꞌ tixye: —La̱in tinqꞌue re̱kaj e̱re li quisach che̱ru saꞌ eb li chihab nak queꞌxcuaꞌ le̱ racui̱mk laj sa̱cꞌ, li torob, li motzoꞌ ut li chiliꞌ, li chanchaneb jun tu̱b chi soldado nak quebintakla e̱riqꞌuin re xsachbal le̱ racui̱mk.

Jeremías 3:13

Caꞌaj cuiꞌ te̱qꞌue retal nak xexma̱cob chicuu la̱in li Ka̱cuaꞌ le̱ Dios ut te̱patzꞌ e̱cuybal. Xekꞌet li cua̱tin. Xelokꞌoniheb li jalanil dios rubeleb li ni̱nki cheꞌ. Ut incꞌaꞌ xeba̱nu li cꞌaꞌru xinye e̱re, chan li Dios.

Isaías 19:1

Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Salmos 66:3

Joꞌcaꞌin te̱ye re li Dios: —Sachba chꞌo̱lej rilbal li cꞌaꞌru nacaba̱nu. Xban xnimal la̱ cuanquilal, eb li xicꞌ nequeꞌiloc a̱cue teꞌxcuikꞌib ribeb cha̱cuu.

Salmos 39:10

Mina̱qꞌue chic chixtojbal rix lin ma̱c. Ca̱mc cue xban li raylal li xaqꞌue saꞌ inbe̱n.

Salmos 18:44

Nak nequeꞌrabi chanru innaꞌleb, nequeꞌxba̱nu li cꞌaꞌru ninye. Eb li jalaneb xtenamit nequeꞌxcanab rib re nak la̱in tintakla̱nk saꞌ xbe̱neb.

Números 33:4

Nak yo̱queb chixmukbaleb li xbe̱n ralaleb laj Egipto li quixcamsi li Ka̱cuaꞌ, eb laj Israel queꞌco̱eb. Li Ka̱cuaꞌ quixcamsiheb li ralaleb laj Egipto re xrakbal a̱tin saꞌ xbe̱n lix dioseb.

Éxodo 12:12

Saꞌ li kꞌojyi̱n aꞌan la̱in tincuulak saꞌ li tenamit Egipto ut tincamsiheb chixjunileb li xbe̱n alalbej saꞌ xya̱nkeb laj Egipto, joꞌcan ajcuiꞌ li xbe̱n ral li queto̱mk. Ut la̱in tinrakok a̱tin saꞌ xbe̱neb lix dioseb li nequeꞌxlokꞌoni laj Egipto. La̱in li Ka̱cuaꞌ Dios.

Éxodo 8:24

Ut joꞌcan quixba̱nu li Ka̱cuaꞌ Dios. Quilajeꞌtam li raxya̱t saꞌ rochoch laj faraón joꞌ ajcuiꞌ li rochocheb lix mo̱s. Xban xqꞌuialeb li raxya̱t quiyiboꞌ ru chixjunil li cꞌaꞌru cuan saꞌ li tenamit Egipto.

Éxodo 8:17

Joꞌcan queꞌxba̱nu. Laj Aarón quixyeꞌ lix xukꞌ ut quixsacꞌ li poks. Ut li qꞌuila suk nequeꞌcuoyoynac chirixeb li cristian joꞌ ajcuiꞌ chirixeb li xul. Chixjunil li poks saꞌ li tenamit Egipto quisukꞌi chokꞌ suk.

Éxodo 8:5

Ut li Ka̱cuaꞌ Dios quixye ajcuiꞌ re laj Moisés: —Ta̱ye re laj Aarón nak tixyeꞌ lix xukꞌ saꞌ xbe̱n li nimaꞌ, saꞌ xbe̱neb li cocꞌ rok haꞌ joꞌ ajcuiꞌ saꞌ xbe̱neb li palau re nak teꞌe̱lk chak li amoch saꞌ li haꞌ. Ut telajeꞌxic saꞌ li tenamit Egipto, chan.

1 Samuel 6:8

Te̱qꞌue li Lokꞌlaj Ca̱x saꞌ li carre̱t. Saꞌ jun li caxon chixcꞌatk li Lokꞌlaj Ca̱x te̱qꞌue li ma̱tan li te̱takla re lix Dioseb re xtojbal rix le̱ ma̱c. Te̱qꞌue li ba̱c chixquelonquil li carre̱t xjuneseb. Ma̱ ani ta̱beresi̱nk reheb.

1 Crónicas 16:28

Cheqꞌuehak xlokꞌal li nimajcual Dios che̱junilex la̱ex li cuanquex saꞌ ruchichꞌochꞌ. Cheqꞌuehak xcuanquil ut cheqꞌuehak xlokꞌal li Ka̱cuaꞌ.

1 Crónicas 16:29

Qꞌuehomak xlokꞌal li Ka̱cuaꞌ xban nak xcꞌulub nak te̱qꞌue xlokꞌal. Ut cꞌamomak le̱ mayej saꞌ lix templo. Te̱cuikꞌib e̱rib chiru li Ka̱cuaꞌ xban nak kꞌaxal lokꞌ ut santo.

Jonás 3:9

Cui takaba̱nu aꞌin, ma̱re anchal tixjal xcꞌaꞌux li Dios saꞌ kabe̱n. Ma̱re ta̱numekꞌ xjoskꞌil ut incꞌaꞌ chic tixsach ku, chanqueb.