1 Samuel 6:3 - Li Santil hu

³ Eb laj tij ut eb laj kꞌe queꞌxye reheb: —Cui te̱takla lix Lokꞌlaj Ca̱x lix Dioseb laj Israel, tento te̱takla jun xma̱tan re xtojbal rix li ma̱c xeba̱nu. Cui te̱ba̱nu aꞌan, texqꞌuira̱k ut te̱nau cꞌaꞌut nak xqꞌue chak li raylal aꞌin saꞌ e̱be̱n, chanqueb.

Q'eqchi Bible

³ Ke'chaq'ok eb' a'an ut ke'xye: “Wi laa'ex teeraj xq'ajsinkil li xLoq'laj Kaax li xYos laj Israel, meeq'axtesi chi yamyo xsa', yeechi'ihomaq b'an mayej re xtojb'al rix leemaak. Chi jo'kan texk'iraaq ut teenaw k'a'ut naq ink'a' naxkanab' eerahob'tesinkil”.

1 Samuel 6:3 ပူးပေါင်းရင်းမြစ်များ

1 Samuel 6:9

Te̱qꞌue retal cui eb li ba̱c teꞌoc chi xic saꞌ li be li naxic saꞌ li tenamit Bet-semes, lix naꞌajeb laj Israel. Cui aran teꞌxic, te̱nau nak lix Dioseb laj Israel, aꞌan li quiqꞌuehoc chak re li raylal aꞌin saꞌ kabe̱n. Cui ut incꞌaꞌ teꞌxic aran, riqꞌuin aꞌan te̱qꞌue retal nak moco aꞌan ta li quiqꞌuehoc re li raylal aꞌin saꞌ kabe̱n. Yal xkacꞌul ban, chanqueb.

Deuteronomio 16:16

Oxib sut chiru li chihab chixjunileb li cui̱nk teꞌxic chiru li Ka̱cuaꞌ le̱ Dios saꞌ li naꞌajej li tixsicꞌ ru. Aꞌaneb aꞌin li oxib sut: li ninkꞌe nak nequecuaꞌ li caxlan cua li ma̱cꞌaꞌ xchꞌamal, li ninkꞌe nak nequemayeja li xbe̱n ru le̱ racui̱mk, ut li ninkꞌe nak nequeyi̱b le̱ cocꞌ muheba̱l riqꞌuin rukꞌ cheꞌ. Ma̱ ani tixcꞌut rib chiru li Ka̱cuaꞌ chi ma̱cꞌaꞌ li tixcꞌam chokꞌ xmayej.

Éxodo 23:15

Cheba̱nu li ninkꞌe nak te̱cuaꞌ li caxlan cua chi ma̱cꞌaꞌ xchꞌamal. Cuukub cutan te̱cuaꞌ li caxlan cua li ma̱cꞌaꞌ xchꞌamal. Te̱ba̱nu joꞌ quinye e̱re. Te̱ba̱nu saꞌ li po Abib xcꞌabaꞌ xban nak aꞌan li po nak quex-el chak saꞌ li tenamit Egipto. Ma̱ jun ta̱oque̱nk saꞌ li ninkꞌe aꞌan chi incꞌaꞌ tixcꞌam xmayej saꞌ lin templo.

Éxodo 34:20

Li xbe̱n raleb li bu̱r, carner te̱qꞌue chokꞌ ru̱chil. Cui incꞌaꞌ te̱qꞌue ru̱chil tento nak te̱tok xcux li chꞌina bu̱r. Ut tento nak te̱qꞌue ru̱chil li xbe̱n e̱ralal. Chixjunilex texmayejak joꞌ xinye e̱re.

Li xHu LAJ JOB 10:2

At Ka̱cuaꞌ, at inDios, mina̱qꞌue chixtojbal inma̱c. Ye cue cꞌaꞌru inma̱c cha̱cuu.

1 Samuel 5:11

Joꞌcan nak queꞌxtakla xchꞌutubanquileb chixjunileb li nequeꞌtaklan saꞌ xbe̱neb laj filisteo ut queꞌxye reheb: —Taklahomak saꞌ xnaꞌaj lix Lokꞌlaj Ca̱x lix Dios eb laj Israel. Incꞌaꞌ nakaj nak toxcamsi la̱o ut li katenamit, chanqueb. Cꞌajoꞌ nak yo̱queb chi xucuac xban nak yalak bar yo̱queb chi ca̱mc xban nak yo̱ xjoskꞌil li Dios saꞌ xbe̱neb.

1 Samuel 5:9

Nak ac cuan chic aran li Lokꞌlaj Ca̱x, li Dios quixqꞌue jun nimla raylal saꞌ xbe̱neb li cuanqueb saꞌ li tenamit Gat. Ut nabal li tumor queꞌel saꞌ lix tibeleb li cristian, joꞌ ni̱nk, joꞌ cocꞌ.

1 Samuel 5:7

Ut eb li cuanqueb saꞌ li tenamit Asdod queꞌxye: —Incꞌaꞌ naru ta̱cana̱k arin lix Lokꞌlaj Ca̱x lix Dioseb laj Israel. Kꞌaxal cau li raylal xqꞌue saꞌ kabe̱n lix Dioseb aꞌan ut saꞌ xbe̱n ajcuiꞌ laj Dagón li kadios, chanqueb.

Levítico 6:6

Tento nak tixqꞌue chokꞌ xmayej junak li carner te̱lom tzꞌakal re ru li tixsicꞌ saꞌ xya̱nk lix queto̱mk. Ut laj tij tixbir rix lix tzꞌak li xul aꞌan. Tixcꞌam lix mayej riqꞌuin laj tij re nak tixmayeja chokꞌ re xtzꞌa̱manquil xcuybal li ma̱c li quixba̱nu.

Levítico 5:6

Tento nak tixqꞌue chokꞌ xmayej chiru li Ka̱cuaꞌ re xtzꞌa̱manquil xcuybal lix ma̱c jun li ixki carner malaj ut li ixki chiba̱t. Ut laj tij tixmayeja chiru li Ka̱cuaꞌ re xtojbal rix lix ma̱c.

1 Samuel 6:8

Te̱qꞌue li Lokꞌlaj Ca̱x saꞌ li carre̱t. Saꞌ jun li caxon chixcꞌatk li Lokꞌlaj Ca̱x te̱qꞌue li ma̱tan li te̱takla re lix Dioseb re xtojbal rix le̱ ma̱c. Te̱qꞌue li ba̱c chixquelonquil li carre̱t xjuneseb. Ma̱ ani ta̱beresi̱nk reheb.

Éxodo 8:15

Ut laj faraón nak quiril nak qui-usa li tenamit, quixcacuubresi cuiꞌchic xchꞌo̱l. Ut incꞌaꞌ qui-abin, joꞌ quixye li Ka̱cuaꞌ Dios.