1 Samuel 6:16 - Li Santil hu

¹⁶ Nak ac xeꞌril li queꞌxba̱nu eb laj Israel, li o̱b chi cui̱nk li nequeꞌtaklan saꞌ xbe̱neb laj filisteo queꞌsukꞌi Ecrón saꞌ ajcuiꞌ li cutan aꞌan.

Q'eqchi Bible

¹⁶ Chirix chik a'an, naq ak ke'ril a'an eb' li oob' chi xjolomileb' laj Filistea, ke'sutq'iik Ekrón sa' ajwi' li kutan a'an.

1 Samuel 6:16 ပူးပေါင်းရင်းမြစ်များ

1 Samuel 6:4

Li tenamit queꞌxye reheb: —¿Cꞌaꞌru takatakla re xtojbal rix li kama̱c? chanqueb. Eb laj tij ut laj kꞌe queꞌxye: —Te̱takla o̱b retalil li tumor yi̱banbil riqꞌuin oro ut o̱b li chꞌo yi̱banbil riqꞌuin oro. Jun reheb li junju̱nk le̱ rey xban nak juntakꞌe̱t li raylal li xqꞌue saꞌ e̱be̱n la̱ex joꞌ ajcuiꞌ le̱ rey.

Jueces 3:3

Aꞌaneb aꞌin li tenamit li queꞌcanaba̱c saꞌ li naꞌajej Canaán: eb li o̱b chi rey li queꞌtaklan saꞌ xbe̱neb laj filisteo, chixjunileb laj cananeo, eb laj Sidón, ut eb laj heveo li queꞌcuan saꞌ eb li tzu̱l re Líbano, li naticla saꞌ li tzu̱l Baal-hermón toj saꞌ li naꞌajej Hamat.

Josué 13:3

Li naꞌajej aꞌan naticla chak saꞌ li nimaꞌ Sihor saꞌ li este re li tenamit Egipto li nacuulac toj saꞌ li nuba̱l re li tenamit Ecrón li cuan saꞌ li norte li nequeꞌxye nak reheb laj cananeo. Saꞌ li naꞌajej aꞌan cuanqueb o̱b li rey. Ut aꞌaneb li nequeꞌtaklan saꞌ xbe̱neb laj filisteo li cuanqueb saꞌ eb li tenamit Gaza, Asdod, Ascalón, Gat ut Ecrón, joꞌ ajcuiꞌ eb laj aveo;

1 Samuel 6:12

Ut eb li ba̱c ti̱c queꞌco̱eb saꞌ li tenamit Bet-semes. Yo̱queb chi ya̱bac nak yo̱queb chi xic. Incꞌaꞌ queꞌxjal xbeheb saꞌ li nim chi moco saꞌ li tzꞌe. Ti̱c ban queꞌco̱eb. Eb li nequeꞌtaklan saꞌ xbe̱neb laj filisteo queꞌco̱eb chirix toj saꞌ li nuba̱l re li tenamit Bet-semes.

1 Samuel 5:10

Joꞌcan nak queꞌxtakla li Lokꞌlaj Ca̱x saꞌ li tenamit Ecrón. Eb li cuanqueb aran queꞌxucuac. Japjo̱queb re chixyebal: —Xeꞌxtakla chak arin lix Lokꞌlaj Ca̱x lix Dios eb laj Israel re kacamsinquil la̱o ut eb li katenamit, chanqueb.

Jueces 16:5

Eb li nequeꞌtaklan saꞌ xbe̱neb laj filisteo queꞌxye re lix Dalila: —Balakꞌi laj Sansón re nak tixye a̱cue cꞌaꞌut nak kꞌaxal cuan xmetzꞌe̱u ut chanru nak ta̱ru̱k tonumta̱k saꞌ xbe̱n re nak takachap ut takabacꞌ. Cui ta̱ye ke, la̱o takaqꞌue a̱tumin. Jun mil riqꞌuin jun ciento chi tumin plata takaqꞌue a̱cue chikaju̱nkal, chanqueb laj filisteo.