1 Samuel 6:14 - Li Santil hu

¹⁴ Li carre̱t quicuulac saꞌ lix naꞌaj li racui̱mk laj Josué li cuan saꞌ li tenamit Bet-semes ut eb li ba̱c queꞌxakli aran cuan cuiꞌ jun li nimla pec. Eb laj Israel queꞌxjor li carre̱t ut queꞌxyi̱b jun li xam. Queꞌxcamsiheb li ba̱c ut queꞌxcꞌat chokꞌ xmayej chiru li Ka̱cuaꞌ.

Q'eqchi Bible

^14-15 Naq kiwulak sa' xk'aleb'aal laj Josué aj Bet-Semes, kixaqliik li kareet. Aran wank jun nimla pek. Toja' naq eb' laj Leví ke'xkub'si li xLoq'laj Kaax li Qaawa' jo'wi' li kaax li wank chi xk'atq, a' li wan wi' li k'a' re ru yiib'anb'il rik'in oor, ut ke'xk'e sa' xb'een li nimla pek. Chirix chik a'an ke'xtoqi li xche'el li kareet, ke'xloch jun li xam ut ke'xyeechi'i eb' li wakax cho'q k'atb'il mayej chiru li Qaawa'. Sa' li kutan a'an eb' laj Bet-Semes ke'xq'axtesi naab'al li k'atb'il mayej ut xyeechi'omeb' chiru li Qaawa'.

1 Samuel 6:14 ပူးပေါင်းရင်းမြစ်များ

2 Samuel 24:22

Laj Arauna quixye re: —At rey, ba̱nu joꞌ nacacꞌoxla nak us xba̱nunquil. Qꞌue la̱ mayej chiru li Ka̱cuaꞌ la̱ Dios. Naru ta̱camsi li cuib chi bo̱yx aꞌin chokꞌ re la̱ cꞌatbil mayej. Ut li cheꞌ li naqꞌueman saꞌ xcuxeb ta̱cꞌanjelak re la̱ siꞌ joꞌ ajcuiꞌ lix cheꞌel li naꞌajej aꞌin, chan.

Jueces 21:4

Cuulajak chic eb laj Israel queꞌcuacli ekꞌela ut queꞌxyi̱b jun li artal. Queꞌxqꞌue lix cꞌatbil mayej ut queꞌmayejac re nak teꞌxcꞌam cuiꞌchic rib saꞌ usilal riqꞌuin li Ka̱cuaꞌ.

1 Reyes 19:21

Laj Eliseo quisukꞌi cuan cuiꞌ lix bo̱yx. Quixcamsiheb li bo̱yx cuib ut quixchik lix tibeleb. Li cheꞌ li naqꞌueman saꞌ xcux li bo̱yx quicꞌanjelac chokꞌ xsiꞌil. Nak ac xchakꞌac li tib, laj Eliseo quixqꞌue chixtiu eb li tenamit. Chirix chic aꞌan laj Eliseo co̱ chirix laj Elías ut quicꞌanjelac chiru.

2 Samuel 24:25

Quixyi̱b lix artal laj David saꞌ li naꞌajej aꞌan. Quixqꞌue lix cꞌatbil mayej. Ut quixqꞌue lix mayej re xcꞌambaleb rib saꞌ usilal riqꞌuin li Ka̱cuaꞌ. Li Ka̱cuaꞌ quirabi li cꞌaꞌru queꞌxtzꞌa̱ma chiru ut quirisi li caki yajel saꞌ xbe̱neb laj Israel.

2 Samuel 24:18

Saꞌ ajcuiꞌ li cutan aꞌan laj Gad quicuulac riqꞌuin laj David ut quixye re: —Tatxic saꞌ li naꞌajej li narisi cuiꞌ rix lix trigo laj Arauna laj jebuseo. Ut aran ta̱yi̱b jun li artal re xlokꞌoninquil li Ka̱cuaꞌ, chan.

1 Samuel 20:29

Quixye cue, “Ba̱nu usilal, ta̱qꞌue inlese̱ns chi xic xban nak li cuechꞌalal yo̱queb chi mayejac saꞌ li tenamit Belén. Li cuas xtakla inbokbal. Cui sa saꞌ a̱chꞌo̱l cuiqꞌuin, ta̱qꞌue inlese̱ns chi xic chirilbaleb li cuechꞌalal,” chan. Joꞌcan nak incꞌaꞌ xcꞌulun chi cuaꞌac a̱cuochben, at rey, chan laj Jonatán.

1 Samuel 11:5

Laj Saúl yo̱ chak chi sukꞌi̱c saꞌ cꞌaleba̱l rochben lix bo̱yx. Quixye: —¿Cꞌaꞌru xeꞌxcꞌul li tenamit nak yo̱queb chi ya̱bac? chan. Ut queꞌxye re li cꞌaꞌru queꞌxye li takl li queꞌchal chak Jabes.

Jueces 6:26

Ut ta̱yi̱b chi cha̱bil jun chic li artal saꞌ xbe̱n li bol aꞌin re inlokꞌoninquil la̱in li Ka̱cuaꞌ la̱ Dios. Ut saꞌ li artal li ta̱yi̱b, ta̱cꞌat li toro chokꞌ a̱mayej. Lix cheꞌel li dios Asera li xayocꞌ, aꞌan li ta̱cꞌanjelak chokꞌ a̱siꞌ re xcꞌatbal li toro, chan li Ka̱cuaꞌ.

Éxodo 20:24

Te̱yi̱b jun li artal chokꞌ cue yi̱banbil riqꞌuin chꞌochꞌ. Ut saꞌ xbe̱n li artal aꞌan te̱qꞌue le̱ cꞌatbil mayej. Aran ajcuiꞌ te̱mayeja chicuu le̱ carner ut le̱ bo̱yx re xtzꞌa̱manquil xcuybal e̱ma̱c. Li bar tinye e̱re, aran te̱yi̱b le̱ artal ut la̱in cua̱nkin e̱riqꞌuin ut aran texcuosobtesi.

1 Samuel 6:13

Eb li cuanqueb Bet-semes yo̱queb chi sicꞌoc trigo saꞌ li ru takꞌa. Nak queꞌril li Lokꞌlaj Ca̱x yo̱ chi cha̱lc, cꞌajoꞌ nak quisahoꞌ saꞌ xchꞌo̱leb.

1 Samuel 6:18

Quitakla̱c ajcuiꞌ li chꞌo yi̱banbil riqꞌuin oro aꞌ yal chanru xqꞌuialeb lix tenamiteb laj filisteo li cuanqueb rubel xcuanquil li o̱b chi rey, ut eb li tenamit li sutsu riqꞌuin tzꞌac, joꞌ ajcuiꞌ li cocꞌ tenamit li ma̱cuaꞌ sutsu riqꞌuin tzꞌac. Li nimla pec li queꞌxqꞌue cuiꞌ li Lokꞌlaj Ca̱x toj cuan ajcuiꞌ anakcuan saꞌ lix naꞌaj li racui̱mk laj Josué aran Bet-semes.