1 Samuel 6:12 - Li Santil hu

¹² Ut eb li ba̱c ti̱c queꞌco̱eb saꞌ li tenamit Bet-semes. Yo̱queb chi ya̱bac nak yo̱queb chi xic. Incꞌaꞌ queꞌxjal xbeheb saꞌ li nim chi moco saꞌ li tzꞌe. Ti̱c ban queꞌco̱eb. Eb li nequeꞌtaklan saꞌ xbe̱neb laj filisteo queꞌco̱eb chirix toj saꞌ li nuba̱l re li tenamit Bet-semes.

Q'eqchi Bible

¹² Ut eb' li xna' wakax koheb' sa' li xb'ehil Bet-Semes naq yookeb' chi muub'ak, ut ink'a' ke'xjal xb'eheb'. Tiik koheb', chi ink'a' neke'xik sa' xnimeb' chi moko sa' xtz'eheb'. Eb' li xjolomileb' laj Filistea koheb' chirixeb' toj sa' xnub'ajlil Bet-Semes.

1 Samuel 6:12 ပူးပေါင်းရင်းမြစ်များ

Números 20:19

Eb laj Israel queꞌxye re: —Ba̱nu usilal. La̱o tonumekꞌ saꞌ li nim be. Ut cui la̱o malaj ut li kaqueto̱mk takucꞌ li haꞌ cuan saꞌ le̱ chꞌochꞌ, la̱o totojok re. Caꞌaj cuiꞌ nakaj tonumekꞌ arin chi kok, chanqueb.

1 Samuel 6:9

Te̱qꞌue retal cui eb li ba̱c teꞌoc chi xic saꞌ li be li naxic saꞌ li tenamit Bet-semes, lix naꞌajeb laj Israel. Cui aran teꞌxic, te̱nau nak lix Dioseb laj Israel, aꞌan li quiqꞌuehoc chak re li raylal aꞌin saꞌ kabe̱n. Cui ut incꞌaꞌ teꞌxic aran, riqꞌuin aꞌan te̱qꞌue retal nak moco aꞌan ta li quiqꞌuehoc re li raylal aꞌin saꞌ kabe̱n. Yal xkacꞌul ban, chanqueb.

1 Samuel 6:11

Queꞌxqꞌue li Lokꞌlaj Ca̱x saꞌ li carre̱t. Ut chixcꞌatk aꞌan queꞌxqꞌue ajcuiꞌ li caxon li cuan cuiꞌ li retalil li tumor ut li chꞌo yi̱banbil riqꞌuin oro.

1 Samuel 6:13

Eb li cuanqueb Bet-semes yo̱queb chi sicꞌoc trigo saꞌ li ru takꞌa. Nak queꞌril li Lokꞌlaj Ca̱x yo̱ chi cha̱lc, cꞌajoꞌ nak quisahoꞌ saꞌ xchꞌo̱leb.

Éxodo 8:15

Ut laj faraón nak quiril nak qui-usa li tenamit, quixcacuubresi cuiꞌchic xchꞌo̱l. Ut incꞌaꞌ qui-abin, joꞌ quixye li Ka̱cuaꞌ Dios.

Josué 15:10

Aran Baala, lix nuba̱l li naꞌajej aꞌin naxqꞌue chak vue̱lt ut naxic saꞌ li oeste saꞌ li tzu̱l Seir ut nanumeꞌ chixcꞌatk li tzu̱l Jearim. Nacuulac toj Quesalón, li nacana saꞌ xcaꞌyaba̱l li norte. Nacuulac toj Bet-semes ut nocoxnumekꞌ saꞌ li tenamit Timna.

1 Reyes 4:9

Laj Ben-decar quicꞌanjelac aran Maaca, joꞌ ajcuiꞌ saꞌ eb li tenamit Saalbim, Bet-semes, Elón, ut Bet-hanán.