1 Samuel 6:11 - Li Santil hu

¹¹ Queꞌxqꞌue li Lokꞌlaj Ca̱x saꞌ li carre̱t. Ut chixcꞌatk aꞌan queꞌxqꞌue ajcuiꞌ li caxon li cuan cuiꞌ li retalil li tumor ut li chꞌo yi̱banbil riqꞌuin oro.

Q'eqchi Bible

¹¹ Chirix chik a'an sa' li kareet ke'xk'e li xLoq'laj Kaax li Qaawa' jo'wi' li kaax wankeb' wi' li ch'o ut eb' li saqijoj yiib'anb'ileb' rik'in oor.

1 Samuel 6:11 ပူးပေါင်းရင်းမြစ်များ

1 Crónicas 13:7

Queꞌrisi li Lokꞌlaj Ca̱x saꞌ rochoch laj Abinadab ut queꞌxqꞌue saꞌ xbe̱n jun li carre̱t toj acꞌ. Laj Uza ut laj Ahío yo̱queb chi beresi̱nc re li carre̱t.

2 Samuel 6:3

Queꞌrisi li Lokꞌlaj Ca̱x saꞌ rochoch laj Abinadab li cuan saꞌ xbe̱n bol ut queꞌxqꞌue saꞌ xbe̱n jun li carre̱t toj acꞌ. Laj Uza ut laj Ahío, eb li ralal laj Abinadab, yo̱queb chi beresi̱nc re li acꞌ carre̱t.

Deuteronomio 28:27

Li Ka̱cuaꞌ tixtakla li xox che̱rix joꞌ xeꞌxcꞌul eb laj Egipto. Ta̱cua̱nk li raylal saꞌ chixjunil le̱ tibel ut tixpati rib le̱ raylal ut cꞌajoꞌ nak ta̱cuotzꞌocokꞌ ut ma̱cꞌaꞌak xbanol.

1 Samuel 6:4

Li tenamit queꞌxye reheb: —¿Cꞌaꞌru takatakla re xtojbal rix li kama̱c? chanqueb. Eb laj tij ut laj kꞌe queꞌxye: —Te̱takla o̱b retalil li tumor yi̱banbil riqꞌuin oro ut o̱b li chꞌo yi̱banbil riqꞌuin oro. Jun reheb li junju̱nk le̱ rey xban nak juntakꞌe̱t li raylal li xqꞌue saꞌ e̱be̱n la̱ex joꞌ ajcuiꞌ le̱ rey.

1 Samuel 6:10

Ut eb li cui̱nk queꞌxba̱nu joꞌ quiyeheꞌ reheb. Queꞌxcꞌam cuib li ba̱c ut queꞌxqꞌue li yugo chirix xcuxeb re teꞌxquelo li carre̱t. Ut queꞌxtzꞌapeb li ral saꞌ xnaꞌajeb.

1 Samuel 6:12

Ut eb li ba̱c ti̱c queꞌco̱eb saꞌ li tenamit Bet-semes. Yo̱queb chi ya̱bac nak yo̱queb chi xic. Incꞌaꞌ queꞌxjal xbeheb saꞌ li nim chi moco saꞌ li tzꞌe. Ti̱c ban queꞌco̱eb. Eb li nequeꞌtaklan saꞌ xbe̱neb laj filisteo queꞌco̱eb chirix toj saꞌ li nuba̱l re li tenamit Bet-semes.