1 Samuel 5:9 - Li Santil hu

⁹ Nak ac cuan chic aran li Lokꞌlaj Ca̱x, li Dios quixqꞌue jun nimla raylal saꞌ xbe̱neb li cuanqueb saꞌ li tenamit Gat. Ut nabal li tumor queꞌel saꞌ lix tibeleb li cristian, joꞌ ni̱nk, joꞌ cocꞌ.

Q'eqchi Bible

⁹ Ab'an naq wank chik aran, li Qaawa' kixrahob'tesiheb' li tenamit a'an li q'axal ke'ok xxiw. K'ajo' naq ke'rahob'tesiik, jo' saajeb' ut cheekeb', ut ke'nujak chi saqijoj.

1 Samuel 5:9 ပူးပေါင်းရင်းမြစ်များ

1 Samuel 5:6

Ut li Ka̱cuaꞌ quixqꞌueheb chixtojbal lix ma̱queb li cuanqueb Asdod. Quixtakla chak jun li yajel saꞌ xbe̱neb. Ut nabal li tumor qui-el saꞌ lix tibeleb. Ut qui-el ajcuiꞌ saꞌ xtibeleb li cuanqueb chi xjun sutam li tenamit Asdod.

1 Samuel 7:13

Joꞌcaꞌin nak queꞌnumta laj Israel saꞌ xbe̱neb laj filisteo. Incꞌaꞌ chic queꞌoc saꞌ lix tenamiteb laj Israel chi pletic. Joꞌ najtil yoꞌyo laj Samuel, li Ka̱cuaꞌ incꞌaꞌ quixcanabeb laj filisteo chi oc saꞌ lix naꞌajeb.

Deuteronomio 2:15

Li Ka̱cuaꞌ quixsach ruheb chixjunileb riqꞌuin lix cuanquil ut ma̱ jun chic queꞌcana.

1 Samuel 12:15

Abanan cui incꞌaꞌ te̱ba̱nu li cꞌaꞌru naxye, ut cui te̱kꞌet li chakꞌrab li quixqꞌue e̱re, li Dios texqꞌue chixtojbal rix le̱ ma̱c joꞌ quixba̱nu riqꞌuin le̱ xeꞌto̱nil yucuaꞌ.

Salmos 78:66

Li Ka̱cuaꞌ quinumta saꞌ xbe̱neb li xicꞌ nequeꞌiloc reheb ut quira̱linaheb. Quixcꞌut xxuta̱neb chi junaj cua.

Amós 5:19

Chanchanakex li nae̱lelic chiru li cakcoj ut nak yo̱ chi e̱lelic naxcꞌul li joskꞌ aj xul oso xcꞌabaꞌ. Chanchanakex li cui̱nk li nasukꞌi saꞌ rochoch ut nak naxqꞌue li rukꞌ chiru li tzꞌac natiꞌeꞌ xban cꞌantiꞌ.

1 Samuel 6:11

Queꞌxqꞌue li Lokꞌlaj Ca̱x saꞌ li carre̱t. Ut chixcꞌatk aꞌan queꞌxqꞌue ajcuiꞌ li caxon li cuan cuiꞌ li retalil li tumor ut li chꞌo yi̱banbil riqꞌuin oro.

1 Samuel 5:11

Joꞌcan nak queꞌxtakla xchꞌutubanquileb chixjunileb li nequeꞌtaklan saꞌ xbe̱neb laj filisteo ut queꞌxye reheb: —Taklahomak saꞌ xnaꞌaj lix Lokꞌlaj Ca̱x lix Dios eb laj Israel. Incꞌaꞌ nakaj nak toxcamsi la̱o ut li katenamit, chanqueb. Cꞌajoꞌ nak yo̱queb chi xucuac xban nak yalak bar yo̱queb chi ca̱mc xban nak yo̱ xjoskꞌil li Dios saꞌ xbe̱neb.

1 Samuel 5:10

Joꞌcan nak queꞌxtakla li Lokꞌlaj Ca̱x saꞌ li tenamit Ecrón. Eb li cuanqueb aran queꞌxucuac. Japjo̱queb re chixyebal: —Xeꞌxtakla chak arin lix Lokꞌlaj Ca̱x lix Dios eb laj Israel re kacamsinquil la̱o ut eb li katenamit, chanqueb.